01/07/2011, 09:24 PM
|
 | زعيــم نشيــط | | تاريخ التسجيل: 01/05/2010 المكان: الى طـريقـي هنــاك حيث الامـل .... يارب
مشاركات: 844
| |
اللي اصعب من السؤال هوا كلاموه عن شئ ماتتوقع انو يقولوه
ويمكن اصعب شئ ممكن تواجهوه هوا سؤال طفل عن علاقة ابوه واموه اللي انفصلوه ويبغى يعرف التفاصيل كولها اعرف وحده عمرها 5 سنين عايشة عند جدتها من ابوها لما سالتها ابويا وامي كانو بيرجعوه وابويا مو صلح شقة جديدة عشان امي ليش داحين ابويا عندوه حرومة ثانية قالتلها جدك مارضي يخلي امك وخلاص هوا ربي كتب كذا واحنا لازم نرضى تقول الجده انا نومت بعد كذا ولماا صحيت س 3 الفجر لقيت البنت صاحية مانامت قلتلها ليش صاحية قالت انا من امس مانومت الفكره بس تدور في راسي مو راضية تخليني انام والله الفكره عورة راسي << تخيل طفله وتقول كذا
ومره ولد بنت خالتي عمروه 3 او 4 في 2 يوم في عزاء ستي وانا خارجة قالي وين رايحة قولتلوه رايحة عند الحورمة قالي لا انا عارف انتي وين رايحة انتي وماما قولت وين قال هناك عشان ستي راحت عند ربي فوق هوا اخذها والله جيت ابغى ارد او اقول شئ ماقدرت لا شعويا جلست ابكي
يمكن موقف عادي بس انا اول مره امر فيه مع طفل مع انو عندنا بزوره بس ماافتكر اخويا الصغير سأل او يمكن سأل بس ماكونت القي بال بس من 3 سنين تعلمت انو اي شئ يسألوه الطفل اجاوبوه بصراحة واتكلم معاه وانزل لمستوى الطفل صح تعلمت متاخر بس الحمدلله
تحياتي لك اخوي وشكرا لك
 |
