29/06/2011, 05:35 AM
|
 | زعيــم متألــق | | تاريخ التسجيل: 06/09/2009 المكان: -
مشاركات: 1,433
| |
ابو سليمان وأبو صالح الشيبان …
كانو يجلسون كعادتهم في مجلس ابو سليمان اللي على طرف الطريق …
ابو سليمان وخويه ابو صالح ناس من مسجدهم الى مجلس ابو سليمان
في أحد الأيام كان يسولف ابو سليمان على ابو صالح :-
ابو سليمان:يابو صالح الدنيا مدري وش صايرن فيها … العالم ماعاد عندها دين
ابو صالح : اي والله صادق يابو سليمان
ابو سليمان:الدين ماعاد هو موجود الا بالدول العربيه … ولا اللي باوروبا وبشرق آسيا ماعاد عندهم دين … ماغير فسق وفجور
ابو صالح : اي والله صادق يابو سليمان
ابو سليمان:وبيني وبينك يابو صالح … حتى ماهو كل الدول العربيه … عندك المغرب العربي ومصر والصومال … تراهم ماعادهم زي أول … أشوف كثر عندهم لبس البنطلون وطلعات البحر والسهر … والله ان كان بغيت الدين يابو صالح فتراه عندنا بالخليج وبس
ابو صالح : اي والله صادق يابو سليمان
ابو سليمان:والله بعد ماهو كل الخليج يابو صالح … أشوف الامارات والبحرين وقطر عندهم هالخمور منتشره والمراقص أعوذ بالله …. والله ان بغيت الدين تراه بالسعوديه والكويت وعمان واليمن
ابو صالح : اي والله صادق يابو سليمان
ابو سليمان:والله بعد ترى الكويت وعمان اليمن ماشوفهم زي أول … كثر فيهم الفسق والفجور والسينما وهاليمنيه ياكلون بذا “القات” … والله يابو صالح ان كانك بغيت الدين فتراه في السعوديه وبس
ابو صالح : اي والله صادق يابو سليمان
ابو سليمان:والله بعد ماهو كل السعوديه …. عندك هالشرقيه وجده فيهم ذا البحور وفيهم من ذا الطلعات الزايده اللي مالها سنع … وحريمهم بالسوق 24 ساعه …. وبالنسبه للشمال والجنوب فيها من ذا البدع اللي ما أنزل الله بها من سلطان … والله يابو صالح ان كان بغيت الدين … فتلقاه هنا عندنا
ابو صالح : اي والله صادق يابو سليمان
ابو سليمان: والله مع اني أشوف واهل القرى ماعادهم على خبري وخبرك يابو صالح … طاحو بذا التلفزيون وبذا الدش والعياذ بالله …. إن كانك بغيت الدين يابو صالح فتراه هنا عندنا
ابو صالح : اي والله صادق يابو سليمان
ابو سليمان: بس الزمن تغير العالم ماعادها زي قبل ذكر وعباده … أشوفهم مقصرين كثيررررررر …. والله ان كان بغيت الدين يابو سليمان تراه هنا( بحارتنا )
ابو صالح : اي والله صادق يابو سليمان
ابو سليمان: والله ماهم كل الحاره … الدين الصدق الصدق يابو صالح مانت لاقيه الا هنا في مجلسنا أنا وياك ولا باقي الأمه يالله سترك بس..
ابو صالح : اي والله صادق يابو سليمان
ابو سليمان: وان كانك بغيت الجد بعد يابو صالح
ابو صالح: خير يابو سليمان
ابو سليمان: صلاتك هاليومين ماهي عاجبتني !!!!
هالحوار اللي فوق بنفس السيناريو يتداول في كل منطقة وقبيلة بس ممكن يختلف بعض الاحيان
ويتكلمون عن الوطنية بدل الدين ويتربى الشخص على هالسيناريو 
ومسألة اننا فهمنا خطأ حسيت ان اللي يسولف علينا خبيلان موب الحبيب 
عموما انا مستغرب من المنطق اللي تكلم فيه لان اللي اعرفه وحسب مادرسته بالتاريخ ان الحضر هم يميلون للاستقرار تحت راية الحاكم على عكس ابناء البادية !! وفيه شواهد من التاريخ القريب !!
وهذا اللي يناقض كلامه تماما 
عموما للاخ ابو انتماء ليت يعطينا راية عن بعض قبائل الوسطى اللي مايرضون لحكم الدين ولا حتى الدولة !!
ولسى قضاياهم يحلونها بينهم ولايقدرون يدخلونهم المحاكم وسلموا لي على انتماء اذا شفتوها
|
