نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - الحمله الاعلاميه الجديده .." ياسر vs عيسى " .....

هند الشمري · #49 29/06/2011, 12:37 AM

إقتباس


	هلا فيك زعيمه حايليه .. ردي .. النقطه رقم واحد .. منتدى الزعيم ما يقصر .. يقدر يوفر لك مباريات كامله .. ابحثي عن مباراه اسمها الاتحاد والهلال .. ثم ذوب اهن والهلال .. ثم أم صلال والهلال .. ثم الوحدة الاماراتي والهلال .. << هذي المباراه تحديدا لا تشوفينها لأن بينفقع قلبك على ياسر .. الله يصلح حاله مضيع بلنتي .. ولولا الله ثم التايب اللي دخل بآخر الدقايق وقام بدور المهاجم وسجل هدف .. والا كان طلعنا مهزومين بأرضنا .. طبعا كنت حاظر هذي المباراه ..

عارفه ان الهلال خسر فيها .. لكن على أي اساس يتحمل ياسر مسئولية خسارة فريق كامل ؟!

تحميل ياسر لوحده خسارة الفريق .. يعني انه يساوي فريق كامل

الهلال والإتحاد .. ماراح أتكلم عنها لأن مافيه كوره وصلت ياسر عشان يُلام عليها !!
ياسر كان بين كماشه مدافعين .. ومافيه سبيل للخلاص منها إلا بالرجوع للخلف .. ولو رجع من يبقى بالهجوم !

الهلال وذوب آهان .. لعب بالذهاب وقدم مستوى مميز وتحصل على ركلة جزاء طلع منها مُصاب وضيّع البلنتي ويليهامسون !!

وفي الإياب .. لعب وهو غير جاهز ولم يكمل برنامجه اللياقي .. وبعد المباراة غاب قرابة الأسبوعين لعلاج الإصابه ذاتها !!

وبخصوص كلامك انه ضيّع بلنتي على الوحده ، لآعبين أساطير على مستوى العالم قد ضيعوا بلنتيـات ماوقفت على ياسر ، اللاعب اخطأ وجل من لايخطيء !

اما أم صلال .. مثل ماقلت لك اسمه فريق الهلال وليس ياسر القحطاني ، وبالتالي من غير المنصف تحميل اللاعب مالايحتمل والبحث عنه في مباراة لم يظهر بها فريقه .. الكل يتحمل المسئوليه ..

إقتباس


	تقدرين تشوفين يالغاليه هالمباريات كلها .. كلها كان بعدها خروج من اسيا .. وشوفي قناص اسيا وش كان يسوي بالمباريات .. كلها تهوون .. ولا مباراة ذوب آهن .. اللي طلعت بعدها بعض الرسايل اللي تستهزي بياسر منها (( عزيزي ياسر .. بحكم ان احنا ما شفناك بالمباراه .. داخل دون اتصال مثلا ؟ ؟ ))

خلهم يستهزؤن أكبر همنا !! أنت من جدك تتأثر بكلامهم ؟

ولاحظت من كلامك تحميلك لياسر مسئولية جميع الخسائر بآسيا ..

لو كان الفريق اسمه ياسر القحطاني وفيه لاعب واحد بس ورقمه 20 راح أوافقك الرأي ..

إقتباس


	ولا أنسى مباراة الغرافه بقطر اللي سجل فيها هدف بعد ما قطع قلوبنا اللي قطعنا المسافات لعيون الهلال .. والله العظيم جاني تبلد بالاعصاب بالمدرج .. من كثر الهجمات اللي ضيعها .. طبعا أنتي عارفه من اللي نزل ورفع فريقك .. ما اعتقد احد ناسي وش قال فارس عوض (( كل عقده ولها عيسى )) ..

طيب عوض الفرض اللي ضيعها بهدفه الحاسم

إقتباس


	النقطه رقم اثنين .. بخصوص انك ذكرتي انه سجل كذا وكذا .. أنت بفريق اسمه الهلال .. مجمع نجوووووووم .. وأنت المهاجم الوحيد لأن لعب الهلال دايما .. 4 - 5 - 1

حتى ولو كان مع فريق نجوم ( يفتقد أحياناً لصانع لعب ) ، هذا مايقلل من دوره ومجهوده في تسجيل الأهداف ..

إقتباس


	هل تعلمين أن اللاعب محمد العنبر .. بعدما تكرم الكابتن الشهير ياسر القحطاني وذهب لغرفة العلاج .. وأخذ محمد العنبر مكانه .. اللي يتطنز فيه الجمهور .. هل تعلمين أنه سجل بخلال الـ 4 مباريات اللي لعبها بغياب الكابتن ياسر 7 أهداف في الدوري السعودي للمحترفين .. وهل تعلمين أن هذه الـ 7 أهداف كانت على 4 فرق .. وخلال أقل من 20 يوم فقط .. وهل تعلمين أنه في 8 أيام فقط .. سجل على 3 فرق 5 أهداف .. من بينها هدفين على نادي الشباب .. بذمتك لو كمل الموسم .. كم تتوقعين يجيب رصيد تهديفي ؟ طبعا لازم نجيب لك صوره من الموقع عشان تأكدين .. وما اعتقد انه يجهلك هالكلام ..

تسجيله لـ 7 اهداف مايعني انه افضل من ياسر

ولو كان افضل كان كمل فيه المدرب

إقتباس


	النقطه الثالثه .. لا موب كريس .. هذا عيسى المحياني .. ولا يجيد الرأسيات أبداً حتى هالهدفين كانت ضاربه بالغلط برأسه ..

قلت أنها ماتتعدى عدد اصابع اليد الوحده ، وفعلاً هذا ماكان !

وانا ماقلت لايجيد الرأسيات ابداً ، ياليت تركز خيّو

قلت ( ياسر يجيد الرأسيات ، عكس عيسى .. )

معناتها عيسى مايجيدها تماماً مثل ياسر .. أو بالأصح يجيدها بنسبه ضئيله ليس مثل ياسر

إقتباس


	صح ما تقارن جائزة الشهر بجائزة العام .. بس أسم انه سرق الأفضليه لانه شارك وأبدع ببطولة اسيا للشباب .. << لاحظي توووه كان شباااااب .. ولا تنسين ان اساطير الهلال يفتخرون أنهم كانوا الأفضل في بعض الأشهر .. وأبحثي عن يوسف الثنيان وسامي الجابر .. وتحصلين انهم ما خذوا أفضل لاعب بالسنه .. لا بالأشهر .. والجميع يعلم من هم هؤلاء بالنسبة للزعيم .. وبالنسبة للإحصائيات .. فالرجاء لا تلعب المحياني بنهاية المباراه .. وتحسب له دقايق ع الفاضي .. وتقول ليه ما سجل .. أو تلعبه (( خلف )) ياسر .. وتقول بالأرقام ياسر أفضل ..

ليش ع الفاضي ؟ مدامه دخل الملعب فهو مطالب بالتسجيل بداية المباراة أو نهايتها ..
يعني تلعبوني من البدايه وإلا ما أسجل!

هذا ياسر ضد ام صلال في البطوله الخليجيه كان الهلال متأخر بهدف دخله كوزمين بآخر 10 دقايق وسجل للهلال هدفين أقل مايقال عنها رائعه ..

YouTube - ‫هدف ياسر القحطاني على ام اصلال الاول‬‎
YouTube - ‫هدف ياسر القحطاني على ام صلال الثاني‬‎

إقتباس


	بالأرقام الشلهوب لاعب الوسط هو الأفضل من ياسر القحطاني ببطولة 2010 .. حصل على هداف البطوله .. وياسر للحين يحاول يقرب من الهداف .. اللي سبق وحققه عيسى بالوحده .. ونافس بسنوات أخرى ع اللقب .. حلوه لغة الأرقام لما قلت الشلهوب سجل أكثر من ياسر بالدوري اللي كان استثنائي للهلال .. صح

بنفس العام كان ياسر أكثر اللاعبين المحليين تسجيلاً في مختلف البطولات ..

لقب هداف الدوري ينقص ياسر بس ماينقص منه .. مدامه حقق الأصعب والأهم هداف كأس آسيا

إقتباس


	اهديك بعد هدفين من موسوعة أهداف .. ع الهلال شقله من فوق الدعيع ..

وأنا أهديك هدف البليآردو
شوف وش يقول المعلق بالدقيقه 1:00
YouTube - ‫هدف البلياردو - ياسر القحطاني‬‎

إقتباس


	وهذا هدف زحلقني الشهير على الإتحاد .. بس قصري الموسيقى اللي بالمقطع ..

قريب نوعاً ما من هدف التاكسي اللي جندل فيه ياسر الأهلاويين .. ابتداءً من عبدالغني وإنتهاءً بالمسيليم ،
هدف التاكسي ححلو ، واللي زآد حلاه أهميته وقيمته كهدف أعاد للهلال الأمل في المنافسه على الدوري ..
YouTube - ‫هدف ياسر القحطاني في الأهلـي في آخر دقيقه .. موسم 2007-2008‬‎

إقتباس


	بالفعل هذا اللاعب وهو في أفضل مستوياته .. لا يصل لربع الظاهره ياسر القحطاني << طبعا على كلامك ..

ياليت تكون دقيق بالتعليق على كلامي ..

قلت وهو في افضل مستوياته لايصل لمستوى ياسر ، ماقلت ربع مستوى ياسر

على فكره اقصد بمستوى ياسر المستوى المتوسط والعادي زي اللي قدمه في 2009 و 2010 اما مستوى ياسر الحقيقي عذراً لاعيسى ولاغيره من الآسيويين يقدر يتفوق عليه ~