نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة عشاق زعيم انجلترا 2010 - 2011 || In United, We B E L I E V E ||

, هلالي مانشستراوي , · #11253 28/06/2011, 09:50 PM

السلام عليكم ورحمة الله وبركاته
أخباركم عساكم بخير

شوية تعليقات على الطاير
بسم الله

محمد | جلنار ! | صابته وعكه صحيه و متنوم في المستشفى ادعوله

لا بأس طهور إن شاء الله
والله يقومك بالسلامه

ناني يرحب بآشلي يونغ
كلام ممتاز وكويس
كثر الكلام أنه ممكن يطلع ناني
لكن كلام ناني مقنع
يوم يقول أنه ما طلع يوم كريستيانو موجود
وأتوقع أن جية آشلي بوجود ناني وفالنسيا راح
ترجعنا لأيام 4-5-1 يعني ممكن تشوف ناني مسطح هجوم
خصوصاُ أن ناني يجيد الأدوار الهجوميه ومهارته الفرديه تخدمه كثير بهالشي
وممكن يعتمد على هرناندز بلحاله بالهجوم أو روني
هذا في حالة إن الفريق محتاج يريح أحد المهاجمين حصوصاُ إن إحتياطنا ( زلايب ) أقصد المهاجمين
ماهم الي يفكون أزمه لا أوين ولا برباتوف كلهم ما يعتمد عليهم وأكبر صدمه هي التجديد لأوين
كنت متوقع إن السير يتخلى عنه ( غير مأسوف عليه ) ويبيع الزلابه بربا وبعوضهم بويلباك ويشتري
واحد فطفوط نفس هرناندز لكن يالله أملنا بروني وهرناندز و 4-5-1 ولا نشوف هالزلايب يوطوطون .

منتخب المكسيك
بيلعب بالرديف وخافير ماراح يلعب الكوبا

اتوقع هالشي إحباط لخافيير قبل ما يكون إحباط لجمهور المكسيك

وش الهدف من مثل هالقرار خصوصاُ إن منتخب المكسيك أبدع في الكأس الذهبيه
بيحرمونا من جمال أهدافك يا تيتشاريتو

على أحر من الجمر أنتظر الرسمي
هاللاعب بيفك أزمه وراح يريح كاريك أو فلتشر أو من بيلعب بجنبه
لاعب خورافي بمعنى الكلمه

بإنتظاره بفارغ الصبر حلوه فارغ الصبر

ماكيدا يتطلع للعودة من جديد لليونايتد.

يا صبر الأرض بس
هالغبي ما أطيقه ولا أطيق لعبه
أحسه مقلب كبير وتافه بعد
مدري على وشو حاسب نفسه لاعب
أقرب ما يكون مثل ناصر الشمراني
محظوظ مع مرتبة الشرف الثانيه بعد حقت هيفاء وهبي

صاحب 19 عاما، الذي يمتد عقده مع مانشستر يونايتد حتى يونيو 2013 ، فشل في تسجيل أهداف في 14 مباراة مع سامبدوريا.
أتمنى من السير أنه يبيعك أو يحرقك بقاز وصخ

#MUFC have not bid for Modric. As stated in NOTW, Nasri is the focus for now.

الي كتبها هو من آكد صفقة اشلي وخيا. .

يقول المانيو ماعرضوا على مودريتش والمانيو يركز على نصري الان .!!

نصري أو مودي كلهم ممتازين
بس مودي أفضل ويخدمك في أكثر من مركز محور دفاعي أو هجومي أو صناعة لعب
لكن نصري صناعة لعب بس عشان كذا أفضل مودي

وإن شاء الله يكون هالخبر إشاعه

ان شاء الله نشوف لاعبين وسط . على مستوى كبير فيه اكثر من خيار [ادم . شنايدر .مودريتش .نصري . روسي وغيرهم]

ايضا احدى الصحف اكدت انه لايوجد عرض من ليفربول لتشارلي ادم . . بصراحة اتمنى لويجي . . ولا وش رايكم . .

آدم الي قريت عنه وشفت من أكثر من موقع أنه خلاص وقع للريدز وما بقى الا الإعلان
يعني نغسل إيدينا منه ولا هو لاعب كبير محد يختلف عليه ومكسب كبير للريدز
وما أنسى تعليقته لأبوساره بآخر مباراه بالدوري هدف خورافي

شنايدر مستحيل يجي الإنتر ماراح يفرط فيه بسهوله يعني تعطيهم لاعب وفلوس راح يجي
وماراح يرضون بأقل من ناني ولا فالنسيا وهالشي السير ماراح يوافق عليه

مودي ونصري تكلمت عنهم
روسي خياااااااااال لو يجي لاعب وقائد في الملعب
ووثقه كبيره في الوسط يعني لو يجي ويجي مودي سلملي على كاريك وفلتشتر
الدكه بتحتريهم مهو قصور بهم لكن الملك روسي

بالملعب

أخيراً يعطيكم العافيه على الأخبار والمتابعات لها
مجهود خورافي اللي تقومون فيه ويستحي أي واحد يحاول يجاريكم
لأنكم ما تركتوا مجال لغيركم مكفين وموفين عساكم على القوه