السلام عليكم يالربع ... ان شاءالله انكم بخير

بصراحة سامي الجابر بوادي ولعب الكورة بوادي والاعلام طاير بالعجة وخبراء الرياضة ماعندهم سالفة لانه من مشيته تعرف انه ماهو لاعب ومن كلامه بعد لانه متحدث لبق وصريح ولو على نفسه وهذه ليست من صفات لاعبي الكرة واهدافه بالصدفه وتسديحه بالمدافعين ماله فخر فيه لانهم من البحرين وتايلند وانت جاي واللي بالطبع من نمونة مدافعي منتخب انجلترا اللي تفرفرت ركبهم من اللاعب الورقي والكور اللي تصافق بالقوائم والعارضة اكبر دليل على انه مايعرف يلعب والا كان مسك الكورة بيده وحطها بالباب بس ماعنده سالفة ولا بعد يستعرض بالكورة ويثير الجمهور بعد وهذا اكبر دليل على انه لاعب غير خلوق ولايراعي شعور الجمهور وبعد المفروض يكون خارج التشكيله لانه يثير الفتنة بين الللاعبين ومن الهرج اقول ياصبرنا على اللاعب...... طبعا هذا بعض من كل.

ارتفاع بالضغط والسكر والهم والقهر لهم ومن جرف لدحديرة ان شاءالله والله يشفيكم ويعافيكم ولايبلانا.

لو كل لاعب من لاعبي المقدمة سجل هدف وصنع هدف وكورة بالقائم وسوا مثل ماسوا سامي طبعا اللي مايعرف يلعب كان فزنا بالستة والثمانية على البحرين وتايلند والعراق لكن هذي مشكلة سامي وشلون تنحل ما ادري.

احد الردود اطلق على الجيل القديم جيل الخشب .... بودي ان نرفع منتدانا عن هذا الاسلوب لكي لايكون مثل منتدى بعض الناس والامعقولة جيل النعيمة وماجد وعبدالجواد وجميل والثنيان والهريفي وسعد مبارك ومحيسن والدعيع وكل نجومنا القدامى وخصوصا جيل منتخب اسيا 88 يكون جيل خشب قليل من المنطق ياصاحبي وبودي تشوف مباريات تلك البطولة وتقتنع بكلامي.