| كالديرون مدرب رائع ولو اني من ادارة الهلال .. جددت عقده 4 سنوات !!
فـاز على جميع الفرق الي واجهها هالموسم .. جت على مباراة الاتحاد يعني !!؟
طيب اوك .. انا بخسر جميع مباريات الموسم وبفوز على الاتحاد .. بيرضيك هالشي ؟!؟!!
ناس غريبه ورب البيت ..
اتوقع انك تبي تنتقد لمجرد الانتقاد فقط
اذا تأخر المدرب في التبديلات قلتوا يتأخر .. واذا بدل بدري اعترضتوا عليه
جمهور غريب ورب البيت
الهلال له 4 سنوات يفـحط يبي الاسيويه وكل سنه نغير المدرب
والاعبين هم الاعبين .. عمركم مافكرتوا ان المشكله ماهي من المدرب ومن الاعبين !!
جددوا عقد المدرب وخلوا الاعب يفهم ان المدرب هو الي داخل والاعب هو الي طالع
كذا بتلقى الاعب يحفر الارض عشان يضمن مقعد اساسي
لكن مع سياسة الاداره هذي كل لاعب لو طاح مستواه ماراح يهتم لأنه حاط في باله ان الموسم الجاي بيجي مدرب جديد وناس جديده ويقول .. يالله الموسم الجاي اشـد حيلي !!
..
كالديرون .. ورب البيت افضل مدرب مر على الهلال خلال ادارة الامير عبدالرحمن بن مساعد "تكتيكياً "
وشكرا ً | 