نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

فارس الناصر · #20177 19/06/2011, 08:30 PM

إقتباس

الرسالة الأصلية كتبت بواسطة Abu Yaseer


	معليش على الرد السلبي بس نقطة وحاب أعلق عليها ألاحظ انتشرت كلمة " مورينهو أبخص "

هلا ابوياسر

وراك متضايق ؟

يوم نقول مورينهو أبخص
مو يعني إنه أفهم من الجميع .. وإحنا ماعندنا سالفة
القصد إن مورينهو يتحمل عواقب أي صفقة

فلو جاء أجويرو وفشل .. اللوم كله على مورينهو
لأنه مكانته في النادي صارت أكبر من أول
مدرب على النظام الإنجليزي

المفاوضات في السابق لها أكثر من صانع قرار
اللحين لأأ
المفاوضات لها One address
عرفت ليش نقول إن مورينهو أبخص

عموماً شكل هالكلمة طعمها حامض عليك
خلاص بأغيرها
Mourinho Abkas

نرجع لموضوع كابتن ماجد

ابو تولين أثار نقطة حساسة
سالفة الطالب الداشر اللي بيدرس في جامعة ميامي
تخيل إن المياميين أنفسهم

بيتجنبون الإحتكاك معاهـ

نيمار = بالوتيلي
مافيه فرق بينهم
تصدق بالوتيلي ماسكه شرطي في لندن ويقول له ليش معاك 5000 جنيه إسترليني كاش في جيبك ؟
قال له : ياأخي أنا غني

أنا يمكن أوافقك جزئياً في فكرة إن نيمار لازم يعيش في هولندا او البرتغال موسمين يشد عودهـ
جلست أفكر فيها شوي
مايصير الواحد يطلع من البيت للشارع على طول .. لازم يمر بالحوش

هذا نيمار بالضبط
مايصير يلعب للريال على طول .. لازم يمر في أندية أوروبية أقل
يفهم النظام الأوروبي الصارم ويشربه
يعيش حياة المحترفين ويمارس سلوكياتهم اليومية .

ملاحظة :
من سبينا نيمار وقطعناه شوي .. النائب الجديد إبتعد عن الرابطه
خلاص يالغالي نيمار زي بسام اللي مع الكابتن ماجد