نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - اذكروا الله ياشباب وتفضلوا للموضوع (حصاد الموسم + اسباب الخسارة + تحضيرات الموسم القادم + والكثير بالداخل) ((مهم))

للأبد زعيم · #1 16/06/2011, 08:30 PM

بسم الله الرحمن الرحيم

أولا:- هارد لكم على الخسارة الثقيله

ثانيا:- اقول للعيبه (الي يلعبو من قلب وروح فقط) كفيتو ووفيتوا وبانتظار المزيد من ابداعاتكم الموسم القادم

عتبي عليكم ياجمهووور الزعيم

طبعا عتب محب

راح اجزئ الموضوع إلى نقاط سريعه وقصيره

والنقطه الأولى الي ابتكلم عنها هي مستوى الفريق ككل في الموسم :

يا شباب انتوا جايبين بطولتين واقوى بطولتين (الدوري + ولي العهد) وغيركم يتمنى الوصول للنهائي فقط >>>>> طبعا ما اقصد جمهور الجار

الخسارة في مباراة لا وفي اول مباراة محليه بعد لا يقلل من احقية الزعيم وافضليته في الموسم والبطولتين الي حققها

يعني حققنا بطولتين محليه من اصل ثلاث معدل ممتاز جدا (وبدون خسارة والأفضلية في كل شي في الموسم) .

النقطه الثانية هي طريقة الفريق في تحقيق البطولات :

وإذا اخذنا بطل اوروبا مثلا حقق الدوري وخسر الكاس لعيون الأوروبية الي وقتها يصادف لعبه في الدوري والكاس ودوري الأبطال لازم يضحي بوحده عشان الارهاق

أما حنى سوينا نفسنا أبطال ونبي كل بطولات الموسم هذي مايسويها الي فريق جاهز لياقيا وعنده بدلاء بمستوى الاساسيين مو فريقنا الله يخلف على الجيزاني والخالدي وغيرهم.

النقطه الثالثه سبب الخروج من الآسيوية :

السبب واضح ارهاق اللاعبين نهاية الموسم وتشبعهم ببطولتين (الي بعدها مباشره اتت المباراة الآسيوية)وعدم تجهيزهم نفسيا للمباراة.

النقطه الرابعه هي سبب الخسارة من الاتحاد :

أولا الارهاق والسبب طبعا معروف (منافسة الهلال لجميع البطولات في الموسم)

ثاني شي وهو الاهم والرئيسي المدرب سيئ الذكر كالدرون طريقه عقيمه واللعب بمهاجم واحد وانت خسران ولا راح اكمل عشان مايرتفع ضغطي مره ثانية عشان واحد مايستاهل

نجي الحين للاعبين الي شاركوا (انا اتكلم عن هذي المباراة فقط)

حسن العتيبي ماجته فرص حقيقيه ولا هو مسؤول عن الاهداف الثلاثه

ماجد المرشدي قدم مباراة جيده على الاقل افضل من مباراة الاسيوية والي قبلها ولو ماهو كان النتيجه كارثية

سلمان الخالدي هذا هو مستواه وطاقته ومو ذنبه ان الادارة تعاقدت معاه هو حده القادسية والحزم

الزوري صراحه ومن وجهة نظري انه قدم مباراة جيده خصوصا ان من جهته محمد نور وباولو جورج والاتحاد كان يعتمد على هذه الجهه والشلهوب طبعا ماعنده ولا نص دور دفاعي او قدره دفاعية عشان يقطي معاه (طبعا الزوري ماكان جيد بشكل عام في هذه المباراة)

لي يونج اظنه خلاص تعب والافضل انه يعتزل لاحظناه في نص الشوط الثاني صار مايطلع كثري على قدام

الغنام ياجماعه مو ذنبه انه تو راجع من اصابه ويلعب مباراه كبيره في غير مركزه وتبوه يصير مثل هوساوي مثلا انا مااقول انه مااخطأ بالعكس خطأ خطأ فادح ومايغتفر بس الواقع يقول كذا

رادوي خلاص قام يفكر بكوزمن والعين اكثر والكل لاحظ مستواه مو مثل قبل؟؟؟

الشلهوب لاعب مبدع وتكفيه شهادة الفيفا بس المشكله ان بنيته ضعيفه والمدرب مصر انه يخليه يدخل من العمق

والشوط الثاني حضرت المخترع رجه محور ؟؟؟

عزوز الدوسري انا اشوفه هو الوحيد الي قاعد يحترق فالملعب راجع قادم بس اليد الوحده ماتصفق

وليهامسون مستوى سيئ في آخر 3 او 4 مباريات ومستواه في نزول وواضح منذ دخوله (حركته مع نور) كان يبي المشاكل

الفريدي الله يسامحك يا احمد الفريق مهزوم وانت قاعد تستعرض + بطأ وبرود شديد

المحياني سوى الي عليه ولا راح يقدر يسوي اكثر لحاله هجوم لا مسانده ولا شي

الخلاصه ان السبب الأول والاخير هي طريقة المدرب وتغييراته الفاشله واللاعبين طبقوا التكتيك العقيم (مهاجم واحد واللعب من العمق في ظل وجود لاعبين اقوياء مثل المولد وتكر والمنتشري وكريري) يعني اللاعبين مالهم شغل كله من المدرب السييئ .

وارجع اقول اني اتكلم عن هذي المباراة فقط

النقطة الخامسة هي كيف نصحح الأخطاء للموسم الجديد :

اول حاجه هي وضع خطه ومخطط للموسم القادم من الآن وتكون بالآتي :

1- معرفة البطولات الي راح ينافس عليها الفريق (الدوري + دوري ابطال آسيا) فقط

2-جعل بطوله ولي العهد للفريق الرديف .

3- ان شاء الله اذا فزنا بالدوري وتأهلنا لدور الثمانية من دوري الابطال وبدون ارهاق لأن راح نكون لاعبين على بطولتين فقط ولا مانع ايضا من اراحه لاعبي الفريق الاول في بعض مباريات الدوري الصغيره ، سنكون بأذن الله مستعدين للمنافسه على بطولة كأس الملك

4-تغيير الاجانب كلهم ونقولهم ماقصرتوا وفيتوا وكفيتوا وجلب لاعبين مميزين .

5- تغيير المدرب واحضار مدرب صارم ماعنده لعب مثل نبي مدرب مثل غيرتس

6- يجب على الادارة ان تكون صارمه اكثر مع اللاعبين ومافيه دلع ومكافئات ومادري ايش لازم تكون قوية وتتعامل بحزم مع اللاعبيين الي مثل اشكال عزيز .

نقاط متفرقه :

* لابد من التعاقد مع مهاجمين اجنبيين واحد رأس حربه صريح والآخر مهاجم ثاني يساعده.

* التعاقد مع قلب دفاع اجنبي بجوار هوساوي.

* التعاقد مع لاعب محور اجنبي ايضا بمثل مستوى رادوي

او افضل

* تعاقدات محليه:- ظهير ايمن ، قلب دفاع احتياط

وفي الاخير راح تكون التشكيله الاساسية والي بالنافس فيها على بطولة الدوري آسيا بهذا الشكل

حسن العتيبي

الزوري هوساوي مدافع اجنبي ظهير محلي

محور اجنبي

عزوز الدوسري العابد

الشلهوب

مهاجم اجنبي مهاجم اجنبي

اما تشكيله الفريقالاحتياطي والي بنافس عليها في بطولة ولي العهد وبعد مباريات الدوري كالآتي

الشمري

شافي الدوسري المرشدي مدافع محلي نامي

الغنام القرني

سلمان الفرج الفريدي

ياسر القحطاني عيسى المحياني

خــــــاتــــــمــــــة

اعتذر على الاطاله يازعماء بس ان شاء الله اذا طبق الهلال هذا كله وتراه مو صعب

4 اجانب ومحليين فقط وتطبيك الاستراتيجيه هذي وصدوقي راح نحقق آسيا والدوري وحتى ولي العهد لوجود لاعبين جاوبوا البطوله وهم في الاساسي (ياسر عيسى الفريدي المرشدي)

اتمنى من الاداره الالتفات للموضوع لأهميته

ردودكم تهمني يازعماء (ملاحظه الي بيرد لايرد الا وهو قاري الموضوع زين)

تحياتي وأشواقي لأغلا ناسي