اسمح لي اخوي ، بس أقول توكَّل بس ، فاتح موضوع قبل ما تخلص المباراة وانت فاضي !!
الحين وش دخَّل لي يونغ وأحمد علي ؟ تبغاهم يسوُّون تكتيك ويقدمون اللاعبين المحشورين وراء ويتناقلون الكورة لحالهم عشان حضرتك تقتنع ؟!!

فريق يلعب على أرضه في مباراة ذهاب وإياب يلعب بـ مهاجم واحد !! وخمس لاعبين وسط كلهم لهم مهام دفاعية ، أنت شايف رادوي الشوط الأوَّل وين كان يوصل ؟ تتوقَّع المحور هو اللي مطلوب منه يكون أوَّل لاعب يضغط على دفاع الخصم ؟!!
كلّ المباراة كانت اجتهادات لاعبين ، أما ذا الأصلع اللي جالس برَّا ضايع وما يدري وين الدنيا فيه ولا عنده أساسيات المدرِّب الناجح ، من قبل لا يجي وانا عارف انّ الهلال ماراح يشمّ خير معه ، ولا اقتنعت فيه ولا في مباراة وحدة ، ومن مباراة لـ الثانية يتراجع الهلال لـ وراء لـ وراء حتَّى وصل لـ هذا الحدّ من السوء ، والله العظيم لولا أنَّ كالديرون تبع غيريتس ما كنَّا بـ نشوف الهلال بطل ، للحين اللاعبين يلعبون بـ المتبقِّي من عقلية غيريتس ، والحمدلله أنَّ معسكر بداية الموسم كان بـ قيادة غيريتس ، كالديرون مدرِّب أقلّ ما يقال عنه أنَّه فاشل وأحمق وضعيف ، أضاف أشياء كثيرة لـ تاريخه بـ قيادة الهلال والحصول على أغلى بطولتين محليتين ، لكن كلَّها اجتهادات لاعبين ، أما هو فـ ساهم في تردِّي حال الهلال ، وتراجع عقلية اللاعبين ، واختراعات غبية ، ما أفاد الفريق ولا في نقطة وحدة ولا له أيّ إيجابية ، بس الحين عرفتوا أنَّ الموسم كان ضعيف ؟؟ عرفتوا أنَّ الهلال بـ قيادة هذا الغبي إذا واجه فريق يعرف ضعف المدرِّب المقابل راح يورِّيه شي مهين مثل اللي صار اليوم ؟؟

وفي النهاية تفتح موضوع كامل تترك كلّ شي ، وتتكلَّم عن لي يونغ وأحمد علي !! عموماً أنا ما علَّقت على الموضوع نفسه ، لأنَّه من أصله اسمح لي ومع احترامي لـ جهدك وعضويتك ما له داعي ، لكن إذا كنت راح أعلِّق على الأسماء المذكورة بـ عينها فـ أتمنَّى بقاء الاثنين ، أحمد علي خلال خمسة أشهر فقط يلعب بـ هذه الروح والقتالية اللي أتحدَّاك تلقاها عند باقي اللاعبين السعوديين ، يتحرَّك تحرُّكات مهاجمين عمالقة ، تحرُّكاته العبقرية هذي والله العظيم أجزم وأبصم أنها تمكِّنه من اللعب في دوريات أوروبية قوية ، لكن مع الأسف ما أعطي حقَّه أبداً ، وعموماً أتمنَّى له التوفيق ،، أما لي يونغ فـ إذا كان ما أضاف شيء لـ الهلال ، فـ عطني ظهير في السعودية ، ياخي في الخليج أو على مستوى الدوريات العربية يؤدِّي المهام اللي يؤدِّيها لي يونغ ويسوِّي اللي يسوِّيه لي يونغ !! إذا غاب ما تعتبره غياب بارز وكبير ؟؟ والا السالفة دوّر لي أي سبب أفضفض به وأفضّ غلِّي !!

المعذرة ، أنا أعرف انّ الهلاليين كلهم مرتفع ضغطهم من اللي صار ، ومقدِّر انّ أي واحد يحاول يفضّ اللي بـ خاطره ، لكن اسمح لي ، تكلَّم عن أشياء معقولة ، فريق كامل ما سوَّى شي ومستوى رديء وسيِّء جداً وفي القاع بـ سبب مدرِّب أبله درج جدار ويكرم الدرج والجدار وما أبغى أشتم بـ أشياء تكرم بها ويكرم القارئ ويكرم الجميع هنا ، وفي النهاية تعلِّق الشماعة على لاعبين !! طيب أن نختلف في الآراء وأنا وغيري نقول ناجحين ، وأنت وغيرك تقولون فاشلين على عيني وراسي ، بس تكون شماعة أثقل نتيجة في الموسم ، هذا شي مب معقول أبداً ..



شكراً أخوي ، وهارد لك لـ الجميع على الهزيمة ،، الله يقلع راس الأصلع الأبله ذا اللي جالس برَّا ، ويا ليتهم يلغون مباراة الإياب يريحونا من رفعة الضغط ، إذا أي هلالي على وجه الأرض جاه سكر والا ضغط الله يستر في هـ الموسم فـ أنا متأكد انّ السبب هو كالديرون ،، ما أقول الا الله يسامح الذيب سامي بـ إصراره على التعاقد مع ذا الغبي !!







يعطيك العافية
00000000000