ياخي خلك منصف شوي

طلعت من اسيا قبل مباراتين ... وفي هالمباراتين .. عانيت من 3 اصابات ... و5 لاعبين استدعاء مع المنتخب السعودي وتقول لي عدم الاستقرار على خطه !؟

ياخي انتقد في شي كالديرون له ذنب فيه ... مو هالسبب

وبعدين والله انكم اذا كرهتوا واحد ... تذلونه لو هو مورينيو

يعني قدام سبهان .. كالديرون لعب بمحور واحد ... قومتوا الدنيا ولاقعدتوها و80% من المنتدى صاروا مدربين وكالديرون على خطأ و و و الخ

ويوم لعب قدام الاتحاد بمحورين .. قلتوا المفروض مايغير التشكليه في الوقت الحساس هذا

وانه يوم لعب خالد عزيز سبب رهبه للاعبين .. ومدري ايش

طيب وش تبونه يسوي ؟ اذا مالعب عزيز خطأ ... واذا لعب عزيز برضو خطأ

هالشي يقودنا لشي واحد

انه كالديرون ماله ذنب في الخروج ... البلا من اللاعبين

لعبنا بمحورين والا محور واحد .... الفريق كله هابط مستواه ولايلعبون بحماس ... مابقى الا كالديرون ينزل يلعب معهم

سلام

كالديرون مدرب كبير وعنده عقليه ممتازة يمكن ماهي في احد لكن عليه طلعات مالها داعي يعني مره يلعب ب4-4-2
ومره يلعب5-4-1 وهذي قبل استدعاء الاعبين للمنتخب السعودي

اللي يشوفك يقول انا ما نفهم شي في الكوره لعب قدام سابهان بثلاث لاعبين دفاع مره وحده و الاعبين ماهم متعودين هذا اولاّ
ثانياً قدام الاتحاد المفروض انه يلعب بمحور واحد لان خالد عزيز ما لعب مع الفريق اكثر من مبارتين وراء بعض
وغاب عن التدريبات اكثر من مره وهذا بحد ذاته ما يشفعلة يلعب حتى 10دقائق