بما ان السعر والميزانيه المحدده لجلب لاعبين والمقدر بـ 45 مليون يورو، غير كفيل بتغطية التعآقدات المطلوبه.
فأنا اشوف انه من حظ "البرشآ" انهم موب في امس وغآية الحآجه لـ "السيسك" في ضممه في هالموسم على اكثر تقدير.
لأن التشكيله الآن مثاليه ومناسبه جداً بدون "السيسك"، اما في حالة قدومه رآح تكون هناك نوع من الإشكاليه فـ الخيآرات الأساسيه.
،
وإذا على سالفة الإصابات وكثرة المباريات ولتفادي الإرهاق وفي تدوير اللاعبين، خلاص يبقون على ماهم عليه مع المحآفظه على "سيدو كيتآ" وعدم الإستغناء عنه.
والزج بالوجيه الشابه واشراكها مثل: جيفرن + تيآغو، وكذالك الإكتفاء بالتعآقد مع اللاعب "سآنشيز" او "جوسيبي روسي"،
لأن وضعهم مختلف عن "السيسك"، لأنهم رآح يرضون يكونون بدلآء للأساسي، ولأن اسعارهم مقدور على انفاقها في واحد منهم، وتقدر ترآهن وتعول عليهم مستقبلاً.
وإن بقى شي من القروش يفكرون في سد مرآكز ثانيه مثل الظهير او قلب دفآع واعد.
،
وبكذا اشوف الأمور ماشيه في السليم وفـ الطريق الصحيح، على الأقل اللين الموسم القآدم، واللين متى يفرجها ربك، وتحسم صفقة "فآبري" لو بـ 50 مليون ومعه بويآن حتى.
لأنهم رآح يكونون في حاجته اكثر، عشان يجهزون "فآبري" لتولي مهمة "تشآفي" لكبر سنه اللي ممكن يعطي موسمين تقريباً على احسن حال.
هذا ان كانت ادارة "برشلونه" ماعافت "فآبري" وطفشت منه بعد.
،
لكن الأمر اللي يمكن يدوش ويزعج "الكتلآن"، يمكن صعوبة مجيء "السيسك" تخلي الفرق الأخرى تستغل الفرصه وتطمع بشكل جاد وتعزم في عروضها وتضغط على إدارة القنرز في التخلي عن اللاعب.
واتمنى ما احد يجزم بأن "السيسك" ماراح ينتقل لـ غير "البرشآ" ، لأنه كل شي ممكن وماندري وش ممكن يصير الإحتمالات مفتوحه حتى لو بشكل ضئيل.