| ويوم تجد في حياتك فراغاً فتهيأ حينها لِلْهَم والغم والفزع؛
اعوذ بالله من الفراغ انا عن نفسي توصل احيانا اتخيل اشياء
اعوذ بالله منها
اذن بالأيمان والرضا وحسن الخُلق وحسن الظن بالله والهدف والتخطيط السليم له
يكون الرقي الروحي تكون رآحة البآل تكون السعادة
الحقيقية .
ان شاء الله يارب اكون من الناس اللي راضية بكول
حاجة ربي كتبها ليا
اما عن حسن الخلق يارب استغفر الله تشوفين وخصوصا
في الجامعة اخلاق من كثر ماهيا حلوه حتى السلام ماتسلم
والمشكلة انها تعرفك والله ابسط شئ السلام اللي الناس
صايرة تتثاقلوه من جد احلى شئ انو الناس من وراكي
تذكرك بالخير وتدعيلك باابسط دعوه ربي يسعدك مو
تنعرفين بين الناس انها تتعداك وماتسلم واللي يقهر انو
السلام اجروه من ربنا مو من احد يكفي انو التصافح
يسقط الذنوب .... الله يصلح الحال بس
اما عن حسن الظن بالله تصدقين لو اقولك انو لو فكرتي
في شئ او تمنيتي شئ وهوا مستحيل بس كنت واثقة
من ربنا انو هوا اللي حيحقق لك والله ياربي ييسرلك اللي
تتمنينوه من غير ماتحسي واسألي مجربه سبحانوه قادر ع
كول حاجة
يارب ادي كول وحدة فينا ع قد نيتها وحقق لها اللي
تتمناه.....
مشكورة اختي ع موضوعك ماقصرتي الله يديكي العافية
 | 