نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

حـآيـلــي · #19380 04/06/2011, 02:48 PM

صدقوني لو جاء بيطيح كرت بيبي

صراحة من قلائل المواهب في مركز المحور بهالوقت يعني كأنك تشوف ايمرسون قدامك
ولا ابالغ اذا قلت افضل من ايمرسون حالياً وبأمكانه مع الوقت ينسي البرازليين ايمرسون او جلبرتو سلفا

ولو انه عليه بعض الملاحظات
وفيه تحفظ على بعض تصرفاته
لاكن وبما انه ممتاز وايجابياته كثيره وراح يتدرب تحت يد مورينهو انا ضامن هالصفقه وضامن ان ميلو بيحجز مركز اساسي
وبيكون هو الاعب اللي ننتظره علشان نشوف الونسوا افضل

هالموسم بالذات شال اليوفي كثير ومن متابعتي لليوفي لاحظت تطور هائل بمستوى هالاعب مع ديل نيري
تطور من ناحية التمرير وصار ممتاز بالتسليم والاستلام
اكثر انضباطيه وصار يتبع التعليمات ويطبق التكتيك ويأدي المطلوب منه على اكمل وجه

صدقوني امكانياته خورافيه ولو تجمعون 10 لاس ماجاء نص ميلو , يعني كأنك تشوف بيبي محور بس بأقل اخطاء واكثر تمرس
مميزاته كثيره وعيوبه قليلة جداً وساذجه بأمكانك مع الوقت تصلحها مع انه الموسم الماضي كان فرق عن ميلو ماقبل كأس العالم
اذاً الولد تطور وهذا مؤشر ايجابي يحسب له لانه قدر يتطور من نفسه مع مدرب سبيكه وشلون لو جاء لنادي من عظمته تضرب الف حساب لـ اي تصرف
وغير هذا تدرب على يد المو الانسان الصارم الحنون الطيب القاسي خخخخخ

لا لا انا اضمنه لكم ياشباب على الشرط أبد

إقتباس


	بصراحة ما فهمتها يا ليت تفهموني .. ولا تشرهون علي توني راجع من الدوام مانيب عارف اقرأ

الريال قدم عرض بقيمة 50 مليون الارسنال يقولون زودو عشره وخلو عرضكم 60 ونصيبكم

أبو اصيل الله يهداك تكتب الغاز انت

إقتباس


	@ الريال يقدم عرض بقيمة 50 مليون يورو لسيسك وادارة الارسنال افرقوا السوم 10 وخذوه @ المو يحاول ان يجعل دروغبا مدريدي في حال تعثر اغويرو ( الصفقه المفضله للمدريدستا الاسبان ) @ لاسانا على بعد خطوة من الانضمام الى السيده العجوز بمبلغ ما بين 18 الى 20 مليون وصفقة ميلو ستنظر على الهولد @ تشلسي مصمم على الظفر بكاكا ويرفض عرض الريال لاوبي ميكيل جمله وتفصيلا

صراحة صيف غريب وغامض ولا ادري وش يبي بالاساس
صفقات تعتبر تكديس .! رغم اننا كنا نحتاج لاعب الدكه اللي ينتظر طرف فرصه ومستعد يذبح نفسه علشان يثبت انه جدير باللعب اساسي
لاكن للأسف اهتمام الفريق كالعادة أصبح لعيبة سوبر ستار الاكيد انهم ماراح يقدمون الاضافه المطلوبه

@ سيسك !!! لو المدرب مو مورينهو كان قلت وش ذا المدرب ؟ يعني قالو اغويرو مشيناها لاكن سسك من جد ماتنبلع
طيب لو فرضنا انه بديل لكاكا والارسنال وافق يبيعه للريال والريال دراهمه زاهبه تدري ان الاعب مايبيك طيب فيه خيارات احسن
باستوري .. من 30 الى 40 تقدر تجيبه بهالمبلغ دام الرئيس المهرج زامبريني ومعند مايبيه يلعب لفرق الكالتشيو وسعره مناسب
والاعب ارجنتيني يعني يتكلم الاسبانيه ولا فيه خوف من ناحية انسجامه ومورينهو عاصره بالكالتشيو ويعرف الاعب اكثر من اي شخص ثاني

يعني فوق ان هاللعيبه مالهم لزوم الا انه حتى الاختيارات غبيه !

تترك ديديه وهو بسعر جمله وانت بحاجته وبحاجت امكانياته وخبرته
وتجيب لاعب طبق الاصل من اللي عندك لا وبزر بعد ! وش استفدت طيب ؟

@ لاس قدم مستويات جيده لاكن التغيير مطلوب لابد يشوف نصيبه مع نادي ثاني
ولابد يجي محور افضل ويكون فيه شوي مخ

ويرضى بالدكه وعنده الحافز للمشاركه متى ماطلب منه المدرب
خروج لاس اتوقع مفروغ منه لاكن الاهم هو توفير بديل مناسب

@ اتمنى كاكا ينتقل ويجي باستوري او سيسك او شفان او اي مخلوق بداله
على قد ماحبيت كاكا كرهته اكثر ياما أملنا فيه وياما خذلنا
المسأله صارت واضحه ومايبيلها صبر رجوع كاكا لمستواه شي صار اشبه بالمستحيل
لو نبيعه للبلوز بـ 30 صراحه نعتبر مقلبناهم مقلب قوي وكسبنا من وراهم مبلغ كويس
ولو جُدد الامل معه موسم بتتقلص الـ 30 وبتاصل لـ 15 وفوق ما انت خسران راتبه ثلاث سنين كل موسم 9 مليون
تبي تخسر شي اكبر انك بتبيعه بربع المبلغ اللي شريته فيه

صراحه خذلني الكلب

< عبود لايكثر من اللحين

قروب الحصريات