إقتباس يا ابو فيصل كالديرون والله مو مدرب هو اساسا محاضر الان مو كل دكتور في الجامعه ناجح في الحياه العمليه والعكس صحيح والله كالديرون ماعنده تكتيك ولا جمل تجعله يتميز عن غيره الهلال الموسم هذا تميز لضعف الفرق اللي واجهها مو من اسلوب كالديرون والدليل ان المباريات اللي الهلال احتاج فيها التكتيك والجمل التكتيكيه ولعبة المدربين سقط فيها كالديرون. لا احد يقول ماخسر الدوري وهي مباراه او ثنتين اللي تعثر فيها الهلال صحيح انا معكم لكن المباريات اللي ماخسر فيها الهلال مثل الجزيرة الاماراتي كانت لسوء الفرق المنافسه ولكن لمى احتجنا تكتيك في مبارايات الحسم ماكان فيه اي جمل ودراسه للفريق الخصم والدليل شوفوا اهداف الاتحاد جمل واضحه من المدرب ولا سوا شي غيرها الاتحاد.

شف يالغالي

مسألة انو كالديرون مدرب هذي ماتحتاج شهاده من احد مع احترامي للجميع

مدرب يخليك تصعد لكاس العالم بدون اي هزيمه ويفوز على كوريا في ارضهم مايعرف يدرب ؟ يعني هو والجوهر واحد اللي خلانا ننهزم من كوريا الشماليه في ارضنا ؟

مدرب ياخذ الدوري مع الاتحاد ... ويضرب في اسيا بيد من حديد ويفوز بالـ 6 والـ 7 على ناقويا قرامبوس وام صلال ويوصل للنهائي وينهزم بأخطاء شخص غبي اللي هو مبروك زايد ... مايعرف يدرب بالله ؟

ومدرب يدرب فريق لاول مره في نص الموسم ... ويفوز معه بالدوري بدون اي هزيمه ويفوز بكاس ولي العهد بدون اي هزيمه وتقولون مايعرف يدرب

اوكي ماتبونه ذا شي

لكن تقولون مايعرف يدرب علشانكم ماتبونه معليش ترانا نشوف ونفهم ياجماعه

انا واحد انتظر حضور مارتن اونيل

لكن ماابخس حق ابن التانقو

معليش كل الارقام هذي وتقولون مايعرف يدرب ... العله في فريقكم ياجماعه حسوا شوي

من ايام كوزمن وحنا نقول الهلال يلعب بدون روووووووح الهلال مافيه رووووح

وش تبون كالديرون يجيب مشعوذ علشان يرجع الروح لـ لاعبينا ؟

الفريق اذا كان بدون روح والله لو تجيبون مورينيو ماراح تجيبون اسيا ابد

اذا رجعت الروح .. واللاعب يحس بقدر التي شيرت اللي يلبسه ... وقتها تجي اسيا

يعني بالله ... قدام سبهان ... يوم انهزمنا بالرياض

لنفرض انه تكتيك كالديرون غلط ... خذوني على قد عقلي

طيب مدافع زي الاخ ماجد المرشدي ... تمر الكره من فوق راسه ويخليها تروح للمهاجم وهو يتفرج ؟؟ وش ذنب كالديرون بالسالفه ذي !!؟

اذا تبون مصلحة الهلال

لاترمون كل شي على المدربين

فيه اشياء اهم كثيييير

الروح اذا حضرت ... بتشوفون فريق ناري بس وين روح الهلال ..؟؟ للأسف ماظنها بتجي بالساهل حتى مع اونيل لو جاء

لانهم بيتحمسون في بداية الدوري واذا قرب الدوري ينتهي وقرب دور الـ 16 في اسيا ... بيرجع الفريق لوضع اول بالروح المتدنيه

وبتقولون قيريتس كان افضل ومدري ايش

صدقوني كل سنه بيطلع هالكلام على كل مدرب بيجي للهلال ... ليه ؟

لانه الروح اهم من اسماء اللاعبين الاجانب واهم من تغييرات المدرب واهم من الخطه بكبرها

الاتحاد قاوم الهلال في الدوري وهو في اسوأ حالاته بالرووووح فقط ... والا توني اوليفيرا مايدري وش الطبخه

فكروا بعقل شوي !!