عزيزي انت تتكلم عن رادوي وكأنه غاب أغلب الموسم هذا
لاعب اصاباته قليله
صحيح يعصب وممكن ياخذ كرت احمر بس هذا الموسم من اكثر اللاعبين إلي لعبوا في الفريق ولا تنسى انه في اغلب المباريات يلعب كمحور وحيد وفي موضوعك تقول ان ورادوي في المحور صار دفاع الهلال ضعيف
على اي اساس قلت هذا الكلام
رادوي في اغلب الموسم هذا يلعب محور لحاله والمحور إلي جنبه هو الشلهوب واكيد محور واحد صعب يغطي كل الوسط لحاله
اما انك تقول عندنا محاور يسدون الخانه أبي اعرف منهم المحاور
الغنام للأسف اصاباته كثيره والقرني هذي اول سنه له مع الفريق الأول يعني صعب يلعب في مباريات حاسمه وعاد الجمهور السعودي ما يرحم مره يرفع لك اللاعب في السماء واذا نزل مستواه نزلوه لأسوأ درجه
اما سلطان البرقان خله بس يعطي السهم لياسر هذا إلي يعرف يسويه لاعب عادي جدا جدا جدا
والمشكله انت تقول انه واثق من نفسه
صح واثق من نفسه إذا لعب ضد الفيصلي المشكله احنا نحكم على لاعبين تلقاهم ما يلعبون في المباريات الحاسمه ونقول انهم ممتازين واحنا ما نعرف وش راح يسوون ونقعد نذم في لاعبين وهم يلعبون اساسيين اغلب الموسم وفي مباريات مصيريه كثيره وين العدل في الموضوع
انا ما راح اجيك واقولك رادوي افضل لاعب اجنبي مر في تاريخ الهلال بس لاعب خدم الهلال بشكل كبير ونزول مستواه هذا الموسم لا يعني ان اللاعب انتهى وحتى مستواه انخفض في مباريات معدوده وليس كل الموسم
حتى بالنسبه لرادوي بالإمكان الاستفاده منه بمركزي المحور وقلب الدفاع يعني لاعب مفيد
انا بالنسبه لي لو خالد عزيز ينضبط ويصير لاعب محترف وتقل اصابات الغنام في تلك الحاله اقدر اقول الاستغناء عن رادوي راح يكون ضرره قليل بس بإصابات الغنام الكثيره وغياب خالد عزيز لا يوجد في الفريق سوا رادوي القادر على تغطية هذا الخلل اما تقول ان الهلال عنده محاور وما نحتاج رادوي ونجيب بداله دفاع اجل رحنا فيها
دفاع قوي بدون محور قوي ترا قوة الدفاع تضعف قوة الدفاع في قوة المحور لأن الخطر الأكبر على أي فريق هي المنطقه إلي خلف المحور وامام الدفاع اذا انكشفت هذه المنطقه راح فيها الدفاع
الحل فقط في تغيير الاجانب هو الاستغناء عن لي يونج وجلب بديل له بمستواه ولكن اصغر سن وقادر على العطاء بشكل اكبر والاستغناء عن احمد علي وجلب لاعب بأدوار نيفيز قادر على صناعة اللعب والتسجيل يعني لاعب مثل تيم كاهيل