نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

نسيت انساكـ · #12 30/05/2011, 03:04 AM

إقتباس


	اخي الكريم وش سوى رادوي في كل النهائيات الي لعبها مع الهلال؟؟؟؟ بالعكس ترى تسبب في خسارتنا من نهائي ومباريات مهمة بأخذ كروت حمراء .... هل اهلنا في الاربع نهائيات الاسوية اللي لعب فيها ؟؟؟؟

بعد اذن اخوي صاحب الموضوع بعقب على رد اخوي هلمجر . . ! !

يعني اخوي بصراحه سؤالك غريب جدآ . . وش سوى رادوي مع الهلال . . حرام عليك رجل كذا تجحد مجهود الرجل وتنسى وش قدم رادوي . . لا يا سيدي العزيز رادوي قدم للهلال الكثير والكثير والكثير ورادوي يعتبر من افضل الاعبين المحترفين في المملكه في الوقت الحالي . . والله اذا لمى يلعب رادوي احسه مايسترو يظبط وسط الملعب بشكل رهيب ما شاء الله تبارك الله . . بعدين ترى رادوي يوزع كور بشكل صحيح وسليم ومنظم ويبني هجمه سريعه وممنظمه فيها خبث كروي . . بعدين ممكن سؤال . . ؟
وشي النهائيات الي تسبب رادوي في خسارتنا لها . . ؟
هل رادوي هو الي ظرب نايف هزازي في نهائي الدوري واخذ كرت احمر متعمد . . ؟؟
انا بس بسئلك سؤال واحد واتمنى تجاوبني عليه . . سؤالي يقول تخيل لو ان رادوي موب موجود والغنام كالعاده في العياده وعزيز غياب واستهتار ولا مبالاه من بيمسك لك المحور يكون في علمك نص مباريات الموسم اذا موب كلها رادوي الي ماسك المحور لحااااااااله لحااااله وعلى فكره ترى خانة المحور اصعب خانه واكثر خانه تستنزف من الاعب مجهوود عالي جدآ . . فهل عرفة قيمة رادوي . . ؟

نجي لنقطه الاخيره وهو بصراحه وانا اسف على كلمتي سؤال غير عقلاني وغير منطقي . . الي هو هل اهلن ارادوي لنهائيات الاسيويه . . ؟
يعني طول عمرنا وحنا نسمع ونردد اليد الوحده ما تصفق ولحالك مستحيل تصنع انجاز وبالجماعيه تحقق ما تريد . . يعني انت الان ومن خلال سؤالك الغيت الجماعيه والغيت الفريق كله وخليت الهلال بس رادوي . . ! !
يعين استحاله رادوي لحاله يئهلك لنهائي حواري موب بطوله قاريه . . لان المنطق يقول كذا . . ! !
بعدين لو بنحسبها زي ما تحسبها وان رادوي ما أهلنا لنهائيات الاسيويه عشان كذا عادي نستغني عنه . . فـ اعمل احسابك تراك بتستغني عن فريقك كله . . لان فريقك كله وش سوى في البطوله القاريه . . ؟
وش سوى هوساوي وش سوى ويلي وش سوى ياسر وش سوى المرشدي يعني . . من خلال سؤالك حسستني ان الاعيبه كل ما جو يوصلون لنهائي سحبهم راادوي ورجعهم ولا سجل هدف في مرمى الهلال والغى تأهل الهلال لنهائي او خلى الهلال يخسر النهائي . . ! !

على فكره ترى ما نسيت ولا اظن جمهور الهلال نسى ذوبهان الايراني لمى طلعنا من الاسيويه العام لمى وصلنا دور الاربعه . . يا رجل دور الاربعه يعني باقي على نهائي اسيا مبارات وحده . . وبخطأ من هوسااااوي يخسر الهلال المبارات . . وعلى فكره ترى محد قاله شي . . بس سبحان الله جمهور الهلال يقلل من المبدعين ويرفع من شأن السيئيين . . !!!!!!

إقتباس


	وكان في مباراة الاتحاد من اضعف المستويات التي قدمها ..كأنه خايف او ساهي ..؟؟

اساسآ من الي كان في مبارات الاتحاد كويس من لاعبين الهلال عطني واحد بس قلي انه كان كويس وفي يومه . . ؟؟
انا ما ابي اعدد فلان وفلان وفلان بس بختصرها واقولك اسوء مبارات للهلال في الموسم كانت امام الاتحاد وكل الاعبين كانو سيئين جدآ جدآ جدآ . . واولهم ياسر . . ! !
الا على طاري ياسر . . تصدق كان الاجدر ان سؤالك يكون موجه لياسر او المعني فيه ياسر . . سؤالك الي يقول . . وش حقق لهلال وش سوى للهلال وشي النهائيات الي حسمها للهلال . . ؟ ؟

إقتباس


	غير كذا ماتلاحظ اخي الكريم ..انه تصيبه ام الركب مع الاتحاد ...دائما الاحظ هذا .. ويبدأ يشتغل بالترفيس والتكسير كعادته ....

والله انا ما اشوف الي انت شايفه لكن تبقى وجهة نظر . . ! !
بس عندي لك معلومه بسيطه جدآ . . ! !
مبارات الهلال والاتحاد الذهاب في دوري زين للمحترفين الموسم الماضي . . الي في الراض حينما تغلب الهلال على الاتحاد 5 صفر . . ترى رادوي جيرتس كان يلعب بمحور واحد وهو رادوي وكان قمه في ادائه وعطائه داخل الملعب شفته كسر ولا انفعل ولا ظرب . . ؟ ؟

إقتباس


	يناس والله ترانا رافعينه مره فوق واشك والله انه فعلا يناسبه هذه الالقاب وهذا الاهتمام .. يعني لاعب ميزته الاساسية التكسير .. هل هذا محور دفاعي صح ؟؟

رادوي رافعينه فوق . . ؟ ؟
يعني معليش انا ما افهم كوره طيب . . وأشادتي في رادوي . . افهمها على انها مع الخيل يا شقرا . . ! !
طيب المحللين الرياضيين والي صنفو رادوي كأفضل محترف في الدوري السعودي بعد مع اليخل يا شقرا . . ! !
سيبك من المحللين . . العروض القويه جدآ الي تنهال على رادوي هل الانديه الي تقدم لرادوي العروض هذي هل هي فعلا مع الخيل يا شقرا . . ! !
سيبك من الانديه والعروض . . جيرتس لمى قال عن رادوي لاعب خرااافي وقال ينشرى بالذهب . . هل جيرتس بعد مع الخيل يا شقرا وما يفهم كوره . . ! !
سيبك بعد من جيرتس . . كوزمن ما يفهم كوره . . ! !
مدربين رومانيا الي دربو المنتخب بعد ما يفهمون كوره ومع الخيل يا شقرا . . ! !
يعني بجد بجد بجد حرام عليك والله العظيم حراااااااام والله حراام رادوي رفعنا فيه وعطيناه اكبر من حجمه . . ! !
انا بس بسئل سؤال واحد من الي عاجبك . . وتحس فعلآ انه يستاهل الاشاده فيه . . ؟ ؟

إقتباس


	سؤال واضح وبين الاجابة عليه وواضحه لأني لو جبت غسال سيارات وقلت له لاتخلي احد يعدي الحقه وبالسطل على ارجوله والله ان يقدر يسويه ويوقف كل نجوم الاندية ..وهذي ميزة رادوي ..يعني هل هذه ميزة المحور الموهوب الي يسحب الكره من بين رجولك بدون اي فاول او خطأ يهدد مرمى فريقك نبيه يصير بس مثل مايقطع الفريدي الكوره بس مانبغى اكثر ..؟؟

يعني بصراحه انا اسف بس . . وش وغسال سيارات وسطل . . وخليت رادوي جزار ومش عارف ايش . . يعني اتمنى انك تختار الفاظك فضلا ليس امرآ . . انت في منتدى محترم والاعضاء محترمين وتتكلم عن لاعب محترم في نادي محترم . . يعني ارتق بألفاظك شوي لو سمحت . . وشو سطل وغسال . . ! !

إقتباس


	بعدين اجي للميزة الهجومية .. لاعب يرجع الشلهوب ورى عشان ياخذ الكوره منه ويبدأ بتنسيق اللعب ..؟؟؟ طيب وش مهمات المحور اجل ؟؟؟

يعني المصيبه اني اشوف مكتوب تحت اسمك محلل الشبكه . . يعني محلل فني . . المفروض تكون فاهم في الامور الفنيه . . ! !

اولا اتحداك اذا في كل مبارات الشلهوب يرجع للورا عشا نيستلم كوره من رادوي ويطلع يبني هجمه اتحداك . . لان اذا نزل الشلهوب لنص الملعب ياخذ كوره من رادوي فهو هروب من التكتلات الدفاعيه للخصوم وسحبهم لكشف ملعبهم . . ! !>> يعين بصراحه الغيت ابجديات الكوره عن رادوي خليته ما يفهم ولا شي . . يعني حتى الي يحطونه تكملت عدد والله ما ينطبق عليه كلامك هذا . . ! !

إقتباس


	ولماذا اظطر كالديرون لترجيع الشلهوب لكي يوزع الكور وينسق اللعب ؟؟؟ والمحور الاجنبي ماهو قادر على هذا ؟؟

لماذا اظطر كالديرون لإرجاع الشلهوب في خانة الظهير الايسر في مبارات دوريه للهلال . . ! !
تدري ليش . . لانها فلسفة مدربين . . والمفروض انك تكون فاهم الشي هذا لانك محلل الشبكه . . وموب معناة كلامي هذا اني اتفق معك ان فعلا الشلهوب يرجع للخلف عشان يستلم الكوره . . لان هذا الكلام غير صحيح جمله وتفصيل . . لان رادوي اصلا هو الي يطلع بالكوره ويبني الهجمه هو الي يوزع كور يمين ويسار وفي العمق . . وسبحان الله نسيت او تناسية هدف ليونق في البطوله الاسيويه في اخر المبارات مع الاهلي الاماراتي لمى كنا متعادلين معهم لمى صنع له الهدف رادوي . . على فكرهترى صنع له الهدف من قوس الثمان طعش . . ! !
يعني رادوي يقوم بمهاهم هجوميه ودفاعيه تخيل لاعب يتحمل كل هذا الحمل في الملعب . . ويكون مبدع . . ! !
وش المفروض نقول عنه الا انه بطل وفعلا سلامي على رومانيا وعلى الي جابك من رومانيا . . ! !
بعدين ممكن سؤال واعذرني اسئلتي كثيره بس بصراحه من استغرابي للي انت كاتبه لان انت محلل وبصراحه انا اسف جدآ اشوف تجهلك امور فنيه كثيررررره . . ! !
هل انت افهم من جيرتس او كوزمن او كالديرون او اي مدرب اشرف على منتخب كان كبتنه رادوي او نادي ستيو بوخارست . . هل انت افهم منهم فنيآ . . ! !
بالطبع لا . . طيب هل هم كلهم على غلط وانت على صح . . يعني مدربين عالميين اشادو برادوي وبما يقدمه وتجي بسطرين تنسف كل جهود رادوي مع الهلال وتجحدها . . وتجعل منه لاعب اسوء من السيئ . . ! !

إقتباس


	بعدين الاهم من هذا انه يرتبك في النهائيات ولايقدم لعبه باريحية كما نعرفه ..؟؟ وانا دائماً ادق على هذا الوتر .. النهائيات ياجماهير الهلال... هي الي المفروض نقيم كل اللاعبين فيها.. هي الي فيها نعرف اللاعب على حقيقته النفسيه هل بيفيدنا ولا تصيبه الرهبة من الجماهير الغفيرة والصخب الاعلامي وقوة المنافس يخاف منها ومن قسوة المصير بعد الهزيمة ... هنا يختبر اللاعب حقاً .. وهو ثبت انه يصاب بالخوف امام الاتحاد ..!!

والله وانا اخوك ترى رادوي قبل يلعب عندك ترى لاعب في الدوري الاوربي معناته لعب مباريات عدد جماهيرها اكثر من سبعين الف متفرج . . فـ الاعب اصبح عنده تعود على هذه المواقف ممكن انه ساعات يرتبك زي ما قلت بس سرعان ما ينخرط في جو المبارات . . وعلى فكره ترى الكلام هذا ينطبق على كل لاعبي كرة القدم وليس رادوي فقط . . ! !

إقتباس


	ثم آتي الآن الى قضية الجندي الروماني ... المقاتل ... وغيرها ..هل القتالية التي تقصدونها تصديمه للاعبين وترفيسه لهم ..والضرب بالاكواع ..هل هي هذه القتالية التي تقصدونها فيه ؟؟؟

لا لا لا لا حنا نقصد الروووح الاعب الي يلعب برووح يلعب من قلبه . . تحس وهو يلعب تحسه في معركه موب في ملعب . . عطني لاعب في الهلال يلعب بروح غير رادوي والمرشدي . . وتحديدآ غير رادوي . . ؟ ؟
اخبار روح الهلال سيدي العزيز وينها روح الهلال . . متى اخر مره شفتها . . ؟ ؟
اعلمك متى اخر مره شفة روح الهلال . . ؟ ؟
اخر مره شفت فيها روح الهلال كانت اخر دقيقه لسامي في الملاعب . . امام مانشستر يونايتد . . وليومها ما شفنا روح الهلال . . ! !
يكفي وانت قاعد في المدرج ومتحسر تحس في الاعب يلعب عشان الشعار يلعب بحماس وروح يبرد تسبدك . . اجل ياسر . . الي يتسحب . . انا بصراحه والله موب رافع ظغطي احد كثر يااسر . . انا بس بسئل سؤال واحد . . الانسان هذا وش قدم للهلال من جاء . . والله والله ما قدم ولا شي . . ارجع واقول حنا نمسك في الكويسين ونحبط من معنوياتهم ونطالب برحيلهم . . ونطب طب على السيئين ونرفع بهم . . فعلا الحمدلله ان الاداره الجمهور ما له دخل فيها ولا كان ضاع الهلال من زمااان . . ! !

إقتباس


	والآن صار الزوري وفلهامسون والفريدي مثله تأثرو فيه ...وعن قريب سوف ترى الناشئين يرفسون ويوطون الكعوب ويضربون من غير كره وتبدأ تكون هذه صبغة جديده في الهلال اسسها هذا الروماني ..

اقولك شي بس ما تزعل . . ! !

هي وحده من الثنتين . . يا انك منتب هلالي . . ! !
او انك هلالي بس تجلس نع نصراويين وتقرى الرياضي ولحسو مخك . . ! !
ولوسحمت رادوي لاعب هلالي احترمه مثل ما يحترم شعار ناديك . . واذا بتنتقد انتقد نقد هادف وواقعي ومنطقي وصحيح . . ! !

إقتباس


	طيب اذا بيعلمنا ويقول شوفوني تراني احب الهلال وشوفو كيف اللعب لأجله نقوله شكرا على العين والراس ومقدرين .... لكن احنا نبي لعب حقيقي قطع كرات بمهاره ماهو ترفيس وضرب ..لأأن الهلال هو الي بيتضرر من الكروت والفاولات ..

المشكله انك محلل الشبكه . . !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

اسف اخوي صاحب الموضوع وعذرآ على الاطاله . . ! !