هلا اخوي تغيب الشمس..

انا تكفلت بتذكره مجانيه لسلفا .. ما ودك تقط معي ؟

الرجال ثقيل ثقيل ثقيل .. ويذبحني بروده .. وابتساماته اللي يوزعها.. تحلف انه كوديا شيفر وحنا ماندري ..

بالنسبه لموضوع الرابطه.. توني ادري انك مسجل فيها ..

مبروك عليهم شخص مثلك ..

عندي احساس ان صوتك قوي ..تعال عندنا بالاستراحه.. محسوبك ابو ساره يعزف!

أما بالنسبه لكماتشو ..

فهذا الرجل.. احرجني..

لا صارت الكوره في رجله ..أو وصلت له أرتاح .. لأني عارف انها راح تطلع من رجله صح ..

استلام وتسليم روعه وتمرير متقنن.. وتحضين عالمي على الكرة يجبر المدافع على ارتكاب الفاول ..

بالاضافه للرفعات الرهيبه اللي يتقنها.. بالرغم من غيابها البارحه

تفاريس.. عندي ااحساس انه مولود بالشميسي.. ياخي عنده روح واخلاص غريب في شخص اجنبي..

لكن هفوة الهدف.. مدري وين كان ..

بالنسبه للشاطر حسن .. ماقصر لكن ثق ثقه تامه ان ابوعبدالعزيز له رد على المشككين كـ رد سامي الصاعق..

وللابداع بقيه ..

سامي.. ماعجبني البارح .. ماكان بأصرار الاتي والأهلي لما كان يلعب ذاك الأسبوع..

ومع ذلك .. لم نعدم منع لمسه ساحره أو محاوله رائعه أو صناعه هدف محقق ..

الغلا من زود المحبه ..

والعشم من سامي ووالشلهوب أكثر في القادم ..

واحب أهمس في اذن الشلهوب..

مو معقول.. لا صار عليك رقابه.. تطلع من جو المباراه ..

مو عذر يامحمد ..

على هالحال ماحنا شايفينك بعد كذا لأن شهرتك ازدادت .. والمدربين انتبهوا لك ..

مطلوب الحماس أكثر ..

أما الجمهور فـ سلمني عليه..

وانا رايح الملعب.. قاعد اقول.. شكل الملعب فاضي .. من الي بيطلع في هالبرد..

لكن تفاجأت بساحة المواقف والناس والافواج .. فلهم كل الشكر..

الشكر أيضاً موصول .. لك أيها الكاتب الجهبذ.. والأديب المصقع .. (( تراها فصحى )) ..

تحياتي