|
استقبال الابطال!!! حسيت انهم فايزين
مساء النور
^^^^^^^^^^^^
تقريبا الجميع شاهد مقطع وصول لاعبين الهلال...وشاهدتم الاستقبال الخرافي ..
يعني لو تجيب واحد ماله علاقة بالكورة لامن قريب ولا من بعيد..يبي يقول ان الفريق هذا فايز
انا نفسي اعرف ..الجمهور هذا ليش جاييين لللمطار..ومتعبين نفوسهم
اللي يصور مع ياسر وااللي يبوس راسه .انا قلت على الاقل ان الجمهور يبي يسحب ولا يكللف نفسه
ويجي للمطار بس للاسف ..صار العكس.
مدري متى نبي نفتك من جمهور اللعيبة....!؟ نفسي اشوف جمهور يعشق الكيان
انا اعتقد ..ان مباراة الفيصلي(التعاون)القادمة..لازم يكون فيه صافرات استهجان على بعض اللعيبة
عشان يحسسون شوي ..مثل .ماجد المرشدي .وياسر القحطاني ..واحمد الفريدي وخالد عزيز
والله لو يصير فيه صافرات استهجان على اللاعبين كان تشوف ناس تحترق عشان بس ترضي الجمهور
اصلا الجمهور مايبي الا انه يشوف لعيبة تلعب بروح..والنتيجة بيد رب العالمين
لكن للاسف الي صاير العكس..اول مايدخل اللاعب ..يفزون الجمهور يرددون اسمه.>>وهو يحسب انه مقدم مستوى وان الجمهور راضي عليه..!وانه واصل للتوب ..واذا انتقده احد قال ::اسمع المدرج يرددون اسمي
انا ما اقول اذا جو للمطار .اضربوه واشتموهم..! ..لا اصلا الامور هذي محد يراضاها على نفسه ..ف لازم
انه مايرضاها على اي كائن كان..
لكن اللي نطالب فيه ..اي لاعب مايقدم مستوى..ليش نطبل له ونقعد نهتف باسمه بالمدرج..!
والله ان احمد علي مستواه مو مرضيني ..لكن لما اشوفه يركض ويجتهد ويلعب بروح ..ماتقدر تتكلم عليه
لانك قاعد تشوفه يجتهد ويلعب وماتقدر تلومه..لان هذا اللي عنده
مشكلة جمهور الهلال ..اذا احد انتقد ياسر من جماهير النصر ولا الاتحاد..قاموا يدافعون عنه بس عشان يقهرون
جماهير الناديين..يعني اذا الهريفي انتقد ياسر..على طوول يشبون على الهريفي ..وما يرضون احد يتكللم على ياسر
وكذا يااسر يحسب نفسه مقدم مستوى..وهو اصلا مو ب مستواه
واذا جاء مشجع هلالي ينتقد ياسر ..يا انهم يقولون له ..انه (((((مندس))))>>او يقولون نجع الاعلام الاصفر
في تضليل الجمهور الهلالي...!!!
يعني منا ولا منا ..لازم تسكت
شباب ..بليز اللي يبي يطلع ويقول ياسر ..محارب من الاعلام والجمهور ..وعليه هتافات من الجمهور ومدري كيف >>يحتفظ فيها لاننا سمعنا هالكلام واجد
انا ما اقول انه شي عادي ان الواحد يقذف بعرضه...بالعكس لكن..اذا ياسر تعبان نفسيا ..ومستواه نازل
>>>ليش تحرجه قدام الجمهور والاعلام ..وتلعبه اساسي...!؟ الشلهوب يوم توفا امه وابوه الله يرحمهم ..كان وقتها كوزمين يحطه احتياط ومايلعبه الا احيانا ..لان الشلهوب وقتها كانت نفسيته منهارة..!.يعني خلله بالدكة لين ماتتحسن نفسيته..ويرجع زي اول...او>>>الله يسهل عليه
لان بكل صراحة ..ياسر القحطاني الجمهور وقف معه ..وقفة ماوقفها مع سامي ونواف التمياط..يعني اللي يبي يقول
انكم كل شي تحطونه على ياسر..مع احترامي اقول لك انك غلطان
""" نقاط متفرقة
1- لي يونق لازم يبقى مع الهلال ..لان مافي ظهير ايمن محللي بمستواه ..الا عبدالله شهيل ..وشهيل صعب
يجي للهلال..ومع احترامي لمحمد مسعد..وحسن معاذ ..مستواهم اقل بكثير من الشمشون
2- الهلال بحاجة الى مهاجم ..مايعرف شي اسمه فلسفة قدام الباب ..زي تيم كاهيل .الي سمعت ان الادارة تفاوضه
3- لازم نتعاقد..مع قلب دفاع بدال ماجد المرشدي ...اللي مستواه من مباراة الى مبااراة نازل..
بس المشكلة ان في واحد من الاعضاء ..قال نبي ماجد بلال .مدافع الوحدة
صراحة اذا هذا يبي يجي ..نظل على المرشدي احسن
عذرا على الاطالة..
تحياتي-_- غضب الرومان  | 