.. ( بسم الله الرحمن الرحيم ) ..
السلام عليكم ورحمة الله وبركاته ~  تحية طيبه من رابطة عشاق برشلونه لجميع اعضاء وزوار شبكة الزعيم وقسم العالميه والجمهور خاصه .. لعلي لا اجيد الكتابه والمقدمات بشكل مميز لذلك سوف ادخل بالموضوع سريعاً .. وعذرا مقدما ان جت بالفصحى والعاميه   .. كما وعدتكم رابطة برشلونه بالتميز على جميع الاصعده واستضافة كافة مشاهير القنوات الرياضيه من مقدمين ومحللين ..
ولعلنا هذه المره تاخرنا قليلا .. حاولنا مرارا وتكرارا مع كثير من الضيوف البعض منهم رفض كونه لايحب الظهور اعلاميا .. والبعض لم يجد الوقت الكافي لديه .
وكما هو واضح لكم فإن ضيفنا هو النجم الاستاذ القدير / خالد جاسم .. المقدم والشمعه المتلألئة لقناة الكأس وبرنامج المجلس خاصة ..
حيث اني كنت احلم منذ وقت طويل باستضافته في شبكة الزعيم ..
وبعد طول انتظار اخيرا نوّر الشبكة وانضم لقائمة المشاهير المستضافين بشبكة الزعيم ..
ولانخفيكم ايضا اننا كنا نحاول عمل لقاء مبسط مع ضيفنا لكن ادارة قناة الكاس كانت رافضه دخول
ضيفنا في جميع المقابلات واللقاءات الاعلاميه سواء على صعيد الصحف او المواقع الالكترونية ..
لذا واثناء زيارتي لدولة قطر الشقيقه قبل 3 اسابيع تقريبا وبالضبط بتاريخ 6 مايو ..
قمت بتسليم درع خاص للأستاذ خالد جاسم .. بأسمي وبالنيابه عن شبكة الزعيم بيوم الخميس ..
بحيث ان حدثت الاستضافة جاءت الصور مكملة للموضوع .. او تقديم موضوع خاص بالصور وتسليم الدرع وهذا ماحدث ..
لأنه وللأسف ادارة قناة الكاس منعت كآفة الاستضافات على ضيفنا بالتالي الموضوع هذا بيكون صور
تسليم الدرع .. وايضا قصاصة الفيديو اللي طلع فيه الدرع عالهواء قدمه ضيفنا وقدم شكره لي شخصياً
وللشبكه عامة .. بالاضافة الى ظهورنا بكواليس البرنامج اثناء سلامنا على ضيوف المجلس والتقاط
بعض الصور معهم .. وحينها فكرت بالاحتفاظ بالصور والفديوهات لحين الجزم بامر الاستضافة من عدمه .
وباذن الله متى ما سمحت الفرصه للأستضافة ضيفنا خالد وطرح بعض الاسئله سوف نكون اول من
يربح بهذا الشرف الكبير .. وبهالمناسبه اعتذر لكل من اخذت منه الاسئله وتعبته ..
لأني كنت متوقع ان القناة سوف تفتح مجال الاستضافه بعد نهائي كأس امير قطر الاسبوع الماضي .
عموما سوف ابدا بالموضوع وطرح الصور والفديوهات لكم ..  في البداية بطاقة بسيطه لـ ضيفنا العزيز :
خالد جاسم
الحالة الاجتماعيه : متزوج ولديه ولدين ( جاسم - محمد ) وبنت ( المها )
تاريخ الميلاد : 27/8/1974 .
والآن تقرير الصور والفديوهات كامله : 
هنا صور للأستوديو من الخارج .. مكان جداّ جميل ورائع .. ما اخفيكم كنت متوقع الاستوديو كبير
جدا و بمكان منفصل تماما وخاص .. لكنه صار صغير وبسيط يعكس مستوى الروح الطيبه والعفويه من شعب قطر وادارة القناة .
طبعا اللي عاليسار خيام بحيث يريحون الضيوف فيها ويتقهوون وياخذون راحتهم بعيدا عن الاضواء ..
بالاضافة الى وجود حلاق خاص بالضيوف .
الاستقبال كان مره حلو وبالتسيق مع اخوي عبدالله المري تمكنت من الدخول والجلوس بالخيمه والسلام على خالد .. وبعدها دخلنا الاستوديو .  هنا صوره اخرى لـ استوديو القناة .. اللي وبالمناسبة يحتوي على استوديو المجلس .. وبرنامج جرايد .. وبرنامج آخر نسيت اسمه .  صور اخرى لموقع الخيام .. ومواقف للضيوف امامه .  هنا تمكنت من لقاء خالد داخل الخيمه .. وعطانا من وقته الثمين حوالي ربع ساعه .. سولفنا ودردشنا معاه انا واخوي نايف وصديقي احمد . الرجال كان مرحب فينا جدا ومستانس بشوفتنا والجلسه كانت شبابيه وحبيه لأبعد درجه .. ويوم شافني اقرع قال بسميك زيدان الزعيم ويوم درا اني برشلوني قال خلاص اجل انييستا الزعيم  .. حتى بوقت طلعتنا دلنا على كذا مكان ومطعم  .
صور اخرى بدون الدرع .
صورة مقربة للدرع .
صورة متحركة للدرع .
هنا لمن دخلت استوديو القناة سلمت عالضيوف والوقت ماسمح ناخذ الا صورة مع الكابتن خالد سلمان .
هنا باليوم اللي بعده .. صورة مره حلوه لبرج اكاديمية اسباير ..
وملعب جاسم بن حمد بجانبه .. اللي اقيم عليه نهائي كاس الامير .
صورة اخرى لبرج اسباير .  صورة لملعب جاسم بن حمد . هنا الفيديو اللي قدمه خالد جاسم عالهواء : اليوتيوب
رابط على سيرفر الشبكه اضغط هنا ماجد الخليفي .. لاتعليييق !! اظاهر ماله بالمواقع ولايدري يحسب روسيل بكبره جا ..
واخيرا ان شاء الله الموضوع حاز على رضاكم جميعاً .. كنت اتمنى يكمل الموضوع وتنزل مقابلة
كامله ومعاها الصور لكن ما اراد الله .. وباذن الله متى ما سمحت فرصه في قادم الايام
راح نحاول نسوي مقابلة كامله .. او استضافة نجوم آخرين .
واشكر اخوي خالد جاسم على رحابة صدره واستقباله لنا واعطاءنا الوقت الثمين بصحبته .
وبالمناسبة يرسلكم اطيب تحياته وشكره لشبكة الزعيم وتمنياته لكم بالتوفيق والنجاح .
اخيرا فيه ناس ساعدوني لازم اشكرهم :
( من لايشكر الناس لايشكر ربه )
اخوي الاستاذ / عبدالله المري ( معد برنامج المجلس ورئيس قسم الاخبار ) وهو اللي كنت انسق معاه وعلى اتصال دائم من لحظة ما جا اسم خالد جاسم في بالي .. الى ان استقبلنا باستوديو القناة واكدلي اخيرا رفض القناة لخروج خالد بالموقع .
اخوي مهند : وهو اللي تعب معي لمن تفاجئت ان الدرع طلع عالهواء وسجل الحلقه بالاعاده وقص الفديوهات والصور .. لاني ماكنت متوقع انه بيطلع عالهواء وكنت منخرش وقتها .
اخوي نايف حسحس : وهو النجم اللي ابدع معي بتصاميم هذا الموضوع كآآآمل .
وكل اللي كانوا معي بالرحلة اخوي نايف وصديقي احمد .
واخيرا شكراً لكم انتم عالمتابعة .. وان شاء الله تفاصيل هالزيارة حازت على رضاكم واعجابكم ..
تقبلوا تحياتي : يوسف βαƦ¢α 4 ξνξƦ .
والسلام عليكم ورحمة الله وبركاته ~
| 