السلام عليكم ورحمة الله وبركاتة ..........اما بعد
كلكم الان منفعلين وزعلانين ولا الومكم ابد لكن اهدو وفكرو شوي بهداوة وخلو شبية الريح اللي ماقصر بشي يفكر وهو وعد وقال الموسم الجاي ولكن اذا بغينا نساعد شبية الريح بارائنا علينا ان نطرح هذه الاراء بعقلانية مثلا
1-اذا طار كالديرون وانا اؤيد هذ الراي انتو تبون اونيل وش دراكم ان اونيل ينفع مع الهلال وبعدين وش هي انجازات اونيل صدقوني ان الهلال هو اللي يصنع المدربين لان عنده لاعبين كبار
2-انا معكم لي يونغ ؛الغنام ؛سلمان الخالدي ؛احمدعلي ؛وليدالجيزاني هذولا تسريح اسماء عالفاضي ماتفيد ولابتفيد بشي رواتب وهم جالسين
3-المرشدي يجلس عالدكة ويجلب مكانة مدافع محلي بمستوى عالي ؛ظهير ايمن محلي بمستوى عالي ايضا ؛ياسر الله لايهينة يتكي شوي عالدكة ونفتك من المجاملات ونخلي المحياني مع مهاجم يخلص الهجمات وبدون فلسفة
4-عدم التفريط برادوي مهما كان الثمن اما ويلي فاظن انه حان الوقت لتسريحة وجلب اجنبي مكانة صغير سن وفلتة منها نستفيد منه في الملعب ونستفيد ماديا مثل نيفيز
وانا اشوف بهذا ان حنا راح نستفيد من غلطاتنا اللي موسم
وعلى فكرة خسارة البارح اكبر سبب فيها غياب الروح ثانيا لو تلاحظون ان الللاعبين سخنو ودخلو المباراة هلكانين من الرطوبة وهذي وحدة من غلطات كالديرون وغيركذا كالديرون كان خايف غير تكتيك الفريق وعفس رادوي وعزيز وبعدين ماشوفكم تكلمتو عالفريدي ولا كان عاجبكم البارح بتمريراتة الغلط ومستواة البارد جدا والشلهوب مسكين انا مالومه بشي
له موسم كامل وهو مظلوم بالمحور ويجي بعد ويطينها كالديرون البارح ويلعبة يمين كيف تبون تشوفون مستواة
والمفروض دخل المحياني مكان خالدعزيز والعابد مكان الفريدي
كان يمكن صار كلام ثاني .......
بصراحة انا مايضايقني الا ضيقة شبية الريح اللي ماقصر على النادي بشي بس دايم اللاعبين يخذلونة في هالاوقات بالتحديد ليش ماادري لكن الموسم القادم نبي المركز الثاني بالدوري شبعنا دوري وملينا محليات ونبي نركز كل التركيز عالاسيوية مدري هذا هو الحل ولا ايش ....والسلام ختااام
