السلام عليكم ..
تعبنا وتألمنا كثير بسبب كلمة الهلال مو بيومه الى متى الهلال مو بيومه لنا سنين ونقول هالكلام ..
الهلال ينقصه لاعبين عندهم حب للبطولات الخارجية عندهم روح وحماس وطموح للفوز باسيا أما بأشباه اللاعبين مع احترامي لبعض لاعبي الهلال الموجودين الحين مستحيل نحقق اي تقدم في اسيا ..
الهلال ينقصه لاعب يخلص المباراة .. لاعب ينحرق عشان يسجل .. لاعب يحرث الملعب حرث ..
اليوم الهلال في غيبوبة وكأنه عندما يتخطى حاجزالمجموعات في آسيا يصيبه نوع من الفتور والاهتزاز في شخصيته ..
مشكلة الهلال مو في المدرب ..!
مشكلة الهلال في بعض اللاعبين ولن أذكر أي لاعب باسمه لكي لا يظهر لي مشجعو هذا اللاعب ويقول لي بأني مندس ..
ياعالم ارجعوا وتابعوا الهلال يوم كان يحقق البطولات الاسيوية شوفوا الروح اللي عند اللاعبين .. ياليت لو نصها بس عند لاعبي الهلال الحاليين او بالاصح المحليين ..
سئمت من خروج الهلال المر في كل عام .. لاأريد بطولة محلية في بداية كل عام ..! أريد بطولة آسيوية أختم بها العام وتمحي اخفاق المحلية ..
بالفعل حلم كل هلالي أصبح تحقيق الآسيوية فقط .. ومن لايتفق معي فلايملك طموح أبدا ..!
معاد عندي كلام والحمدلله طلعت اللي بخاطري
سلام عليكم ..
