تشافي أفضل صانع ألعاب بالعالم ؟ لا لا أوزيل أفضل مافيها كلام ..!
بقى مباراه وحده على نهايه الليغا , برشلونه اخذ الكأس واستحق هالشيء , خلونا نرجع لموضوعنا , طبعاً اكيد الكل عارف ان البرشلونيين او خلونا نقول متابعين كره القدم يشوفون ان تشافي هو أفضل صانع العاب بالعالم , شيء جميل ومن حقهم يقولون هالشيء عن لاعبهم , بتكلم عن نفسي , هالموسم تشافي 0 على الشمال مقارنه مع أوزيل , رأيي وانا حر صح 
؟ طيب ان قلت انه موب رأيي لحالي وكل متابعين الكوره مجبورين يعترفون ان اوزيل أفضل من تشافي بمراحل هالموسم ؟ ايه أوزيل أفضل واصلا مافيه مقارنه , تخيلو معي لاعب اول موسم له مع الفريق وبدوري جديد ومع لاعبين جدد ويتفوق على ثاني / ثالث أفضل لاعب بالعالم 
<< ايه تجي بقووه مع أوزيل . شرايكم اعطيكم مقارنه بسيطه بين مسعود vs تشافي بالليغا ؟ يالله خلونا نشوف الفرق : لعب اوزيل : 35 مباراه .
عدد الدقائق : 2538 دقيقه .
سجل : 6 اهداف .
صنع : 15 هدف .
مجموع التمريرات : 1274 تمريره .
#
لعب تشافي : 31 مباراه .
عدد الدقائق : 2536 دقيقه .
سجل : 3 اهداف .
صنع : 6 أهداف .
عدد التمريرات : 3136 تمريره .
نلاحظ ان اوزيل يتفوق بعدد الاهداف وعدد الاسيست , لكن تشافي يتفوق بعدد التمريرات 3 الاف تمريره وشوي لكن كلها بدون فايده , يعني معقوله كل هالتمريرات وما تصنع الى 6 اهداف , احراج هههههههههه , طبعاً ما نقدر نقول لتشافي ليه ما تصنع اهداف الرجال أكبر همه شلون يناول الكوره لبيكي وبويول وفالديز . طيب خلونا نقول الليغا حاطين سحر لتشافي 
عشان كذا ما صنع اهداف كثير , بشوف الفرق بين الاعبين بدوري الأبطال : لعب أوزيل : 11 مباراه .
مجموع الدقائق : 804 دقيقه .
سجل : هدف وحيد .
صنع : 6 اهداف ( أكثر لاعب صنع اهداف بالبطوله حتى الان ) .
#
لعب تشافي : 11 مباراه . مجموع الدقائق : 863 دقيقه . سجل : هدفين . صنع : هدافين . تشافي شد حيلك قدام مانشستر اصنع هدف على الاقل عشان تصير فخم زي اوزيل . السؤال هنا بأي حق يا مشجعين برشلونه تقولون تشافي أفضل صانع لعب بالعالم ؟
ملاحظات : * إحصائيه الليغا من هالموقع ligabbva < اضغط على اسم الموقع يالي ما صدقت هالموضوع * احصائيه دوري الأبطال من موقع اليويفا uefa . * ممنوع الردود الشاطحه وردود ميسي سريع وميسي قوي وحنا طلعناكم من الابطال . * الي تحته خط ( كتبت ثاني وثالث نسبه لافضليه تشافي لانهم ما اعلنو مركزه الثاني او الثالث ) . 