15/05/2011, 10:38 AM
|
 | مشرف منتدى الرياضة العربية والعالمية | | تاريخ التسجيل: 07/09/2003 المكان: جــــ الجــوفـ ــــوفـ
مشاركات: 20,208
| |
. ممكن ادخل 
شلونكم فالنساوية عساكم طيبين ؟ 
يازين رابطتكم هادية ورايقه وناس فاهمة تستمتع وانت تناقشهم 
المهم ماعلينا بالنسبة لـ فيسنتي اعتقد ان القرار المُتخذ طبيعي .. الولد نحبه ونعزه ومن الجيل الذهبي بس اللاعب يقضي ثلاث ارباع الموسم في غرفة العلاج .. من اكثر من 4 مواسم يلعب اول الموسم وآخر الموسم فقط .
بالنسبة للاعبين اللي راح يطلعون .. ما عندي شك ان الفريق يبيله تصفيه بس مو بالشكل اللي نسمع عنه .. فيه نوعية لاعبين ما اتمنى خروجهم .. ستانكي و ريكاردو مثلا .. ميغيل او برونو .. في بعض اللاعبين تحتاجهم كبدلاء .. وقت الاصابات الايقافات اذا بغيت تريح لاعبينك الاساسيين .. وشي طبيعي ان الاحتياطي ما يكون بمستوى الاساسي .. اضرب مثال علشان توصل فكرتي بشكل اوضح .. برونو وميغيل كلهم اظهرة يمين .. سرحتهم وجبت ظهير ايمن واحد وهذا المتوقع والمفروض .. في حيال غيابه طيب من يلعب محله ؟ .. تخترع يعني ؟! .. الدفاع يبيله غربله انا مع هالشي .. بس ما يعني هالموضوع انك تصفى على ثلاث قلوب دفاع وظهيرين لو غاب واحد والا اثنين منهم رحت فيها 
خروج ادوريز ما اتمناه كذلك .. وش المشكلة لو كان عندي 4 مهاجمين ؟! اغلب اندية العالم يكون بسكوادها 4 مهاجمين وأكثر .. المانيو مثلا (روني - بربا - اوين - خافيير) .. انتر (ايتو - باتزيني - مليتو - باندييف) .. ميلن (ابرا - روبينيو - كاسانو - باتو) .. والامثله كثيرة .
اللي ابي اوصله الغربلة مطلوبة بالفريق .. لكن هالشي ما يعني انك تعدم الفريق وتخلي السكواد ضعيف .. لازم تخلي عندك لاعبين للأزمات .. لاعبين يرضون يجلسون بدلاء و وقت ما تحتاجهم يأدون اللي عليهم .. ولي عودة ان شاء الله بعد نهاية الموسم للحديث عن اللاعبين والمراكز بشكل مطول والمراكز اللي تحتاج تعزيز تحديداً .
بالنسبة لايمري الكلام فيه كثير .. الرجال بإمكانات عادية وميزانية محدودة وظروف صعبة قدر يلقط المركز الثالث .. ماهو مدرب واو و شو .. ولا طموح ولا هو حق بطولات كل هالاشياء اشوفها فيه .. بس لازلت مصرّ على رايي ايمري هو مدرب المرحلة هذي .. مدرب يقدر يمشي بالفريق ويحقق افضل نتائج ممكنة بظروف بسيطة .. بعد الموسم الجاي او موسمين ممكن يتم التفكير بمدرب بطولات واتمنى هيدينك بعد مايخلص التزامة مع تركيا .. أتمنى .
مستمتع بنقاشكم
|
