الموضوع: برشلونه يتفوق على الريال في حصد لقب الدوري في آخر عقدين "
مشاهدة مشاركة بصفحة مستقلة
  #11  
قديم 13/05/2011, 03:27 PM
الصورة الرمزية الخاصة بـ ريفآلدوٍ
ريفآلدوٍ ريفآلدوٍ غير متواجد حالياً
زعيــم متواصــل
تاريخ التسجيل: 02/05/2010
المكان: With Rivaldo
مشاركات: 81


سلآم ..

نقطة بسيطة وشاطحة عن الموضوع شوي ..

الميول الشخصية لنا هي اللي خلتنا نشجع الفريق الفلاني ونحب اللاعب الفلاني ! .. الميول هي تخلينا نتابع الدوري الفلاني ! .. الميول برضو تجبرنا نحب المنتخب الفلاني ونفضله على غيره ! ..

أخونا نوفي ذكر إن البرشا الأفضل في العقدين الأخيرة ! .. طيب صحيح ! .. رد أخونا المدريدي وقال آخر 3 عقود الريال الأفضل ! .. برضو كلامه مافيه خطأ ! .. طيب السؤال ! .. هل التاريخ يحسب كذا ؟ .. من فترة معينة ؟ أكيد لا ! ..

التاريخ يحسب من بدايته لآخر فتراته ! .. بغض النظر عن جزيئياته السلبية والإيجابية ضمن هالفترة كلها ! .. يحسب للفائز فوزه ! .. ويحسب للخاسر خسارته ! .. بغض النظر عن طريقة فوزه وعن طريقة خسارته لإنه سجل بالتاريخ إنه فاز ولا خسر ! .. ولا راح يذكر لك كيف فاز ولا كيف خسر ! .. ولا راح يذكر لك إنه المفروض الفريق الفلاني يفوز بالبطولة الفلانية عوضا عن البطل اللي فاز فيها ! .. البطل بطل ! .. والوصيف وصيف وإنتهى ! ..

الكلام هنا إن الفوز ببطولة معينة بطريقة يشوبها شائب ماراح تمحي هالبطولة من سجل هالفريق ! .. كمثال البطولات اللي فاز فيها الريال في الـ 50 ـينات واللي ذكر بأنه مايستحقها بسبب إن الكورة مثلثة على سبيل المثال .. هل نقدر نمسحها ؟ .. هل العالم مسحها ! .. ليش بأي تقرير أوروبي تسمع كلمة زعيم أوروبا وبـ بطولاته الـ 9 ! .. ليش ماقالوا 4 ولا 3 مثلا !؟ .. لأن مافيه شئ بالتاريخ إسمه فاز بالبطولة ومايستحقها ! .. فاز بالبطولة تسجل بسجله ويتغنى بها أنصاره وتشيد فيها كل التقارير اذا تم ذكر هالبطولة ! ..

نفس الكلام لبرشلونة ! .. شائبة مباراة تشلسي وبرشلونة ! .. والأخطاء التحكيمية اللي صارت ! .. هل سحبت اللقب من البرشا ؟ .. لو إنها على كذا ماسمعنا بشئ إسمه سداسية تاريخية ! .. ولا سمعنا شئ عن الفريق الأفضل على مر العصور ! .. ليش ؟ .. لإنه تسجل بالتاريخ إنه فاز ! .. وتسجل بالتاريخ إنه بطل أوروبا وللمرة الثالثة في تاريخه ! .. وشف كل التقارير الإخبارية تذكر لك بطل السداسية وتشيد بهالبطولات الست ! .. طيب ليش ماشالوا بطولة أوروبا ؟ .. لإنه فاز فيها وسجل التاريخ إنه فاز ! ..

بورتو وحادثة مانشستر وهدف سكولز ! .. هل بسسبب هالخطأ مسح من تاريخ بورتو هاللقب ؟ .. هل راح هاللقب من تاريخ مورينهو كمدرب ؟ .. الكل يشيد ببورتو والكل يشيد بمورينهو ! .. والتاريخ سجل إن هالإثنين فازوا بالبطولة ! .. ليش ؟ .. لإنها تسجلت بالتاريخ ! ..

خلاصة الكلام إن التاريخ لايؤخذ من فترة معينة ! .. وخلاصة الكلام إن اللي يسجل بالتاريخ مستحيل يمنسح ! .. وخلاصة الكلام واللي الأهم ! ..

لو الكل يشجع التاريخ ! .. كان كل هالمنتدى مدريدية ! .. لو الكل يعشق التاريخ ! .. كان كلنا من عشاق السامبا ! ..

فعشان كذا حنا نختلف بيمولنا ونختلف بتشجعينا ! .. وبغض النظر عن ميولنا مايجوز لأحد مننا التعدي على تاريخ الفريق الثاني ..

عموما وجهة نظري ! .. قابلة للصح وقابلة للخطأ ! .. فلا ينبرش أحد على أحد ..

سلآم