نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - فيرغسون : كنت قريب من ارسنال قبل مانشستر بس سبقني القطار

هلااالي وأفتخر · #1 11/05/2011, 07:29 PM

إقتباس

الرسالة الأصلية كتبت بواسطة منتشي بالزعامة


	^^^^^ يمكن خصوصاً سياسية بناء الملعب , اليونايتد عندهم الترافورد ابو 75 الف وليسوا بحاجه لبناء وبالتالي ديون ثقيله وحنا الهايبري ابو 38 الف ولو قاعدين كان مفجرين الى الحين لكن مع النظام المالي الجديد الله اعلم وش بيكون الحال ..!! موفقين ,,,

لا تأمل كثير على النظام الجديد على الاقل في في الخمس سنوات القادمة لعدة اسباب

أولها إنه حتى بداية موسم 2015\16 بيكون يحق لرئيس النادي او المستثمرين المسامة بمبلغ 45 مليون يورو (فوق المداخيل) ..

ثانيا، في عيوب بالنظام، مثلا أبراموفيتش يقدر يخلي وحدة من شركاته ترعى النادي مقابل مبلغ كبير "قد اللي يحتاجه للانتقالات !"

ثالثا إن أكبر مسببات الازمة ورفع الاسعار، "برشلونة ومدريد"، دخلهم كبير و(عادة) يتخطى المصاريف، بمعنى آخر إنهم يقدرون يدفعون 40 مليون يورو في الانتقالات او اكثر (ولو تزود عليه الـ 45 بتطلع حول الـ 85 مليون)

أخيرا، هل معقولة إن آرسنال ما يقدر يدفع 30 مليون يورو بالموسم ؟ صدقني لو فينجر يضغط ع الادارة بيحصل له 25- 30 مليون..

وهل الشح المالي معناته إن لازم أغلب لاعبينك يكونون بسن المراهقة ؟!
يا كثرهم اللاعبين اللي تنتهي عقودهم أو يكون باقي سنة عليها وسعرهم طايح
مثلا هالموسم فيه تايو يقدر ياخذه الارسنال بالمجان، وحميد ألتينتوب بالمجان بعد !
وعندك شاهين ومونتيليفو أسعارهم طايحة لن عقودهم تنتهي الموسم القادم

هذي خيارات الموسم هذا وصدقني كان فيه فرص زيها المواسم الماضية، لكن فينجر عنده سياسة عجيبة مع أعمار اللاعبين ! ما أدري يعني هل شوية خبر وقوة بدنية بتضره ؟!

تصور معي آرسنال معه في الهجوم "ايتو ولا سواريز" ومعه قلب دفاع مثل "لوسيو ولا فيديتش"، ومحور مثل "توريه ولا لاسانا ولا كامبياسو"، كيف بيكون شكل الآرسنال ..!!

وترى على فكرة، من موسم 2005\2006 إلى الآن صرف فيقر حول الـ 162 مليون يورو !!
((عارف إنك بترد عليه بانه باع بملغ كذا -وهو 191مليون- لكن المغزى شف وين صرف الـ 162 مليون، صرفها على مراهقين نصهم طلعوا بانتقال مجاني بعد موسمين ولا ثلاث !! ))