انا سلمك الله كنت اقرب طالب للمدرسه ومستحيل اجي بدري مااصحى الا لمى اسمع صوت الجرس والمدرس بالمكرفون يصيح على اللي برى يدخلون المدرسه يعني انسى اجي بدري وفوق هذا ماكنت اسوي بطه لاني وقتها مسوي عمليه والمدرس زعلان يقول ليش تتاخر اقول اودي اهلي المدرسه وانا كذاب طبعا وصياح يقول بطه اقول مسوي عمليه وعندك التقرير يعطيني جلدتين اسخن ايدي مع الصبح واروح الفصل ومره قال لوو تاخرت باخليك تسوي بطه غصب عنك ولا فيه فايده اجي متاخر ولا اسوي بطه وكل يوم يزيد الضرب واحيانا يهزاني المدير ولا في فائده وكنت استمتع اشوف الطلاب يسوون بطه وانا لا مع اني متاخر مثلهم يعني الدعوه نذاله

إقتباس الا تجي الساعه سبع وخمس وياخذون اسمي مع المتاخرات وبعدين ابي امشي اروح الفصل ويا طابورنا الا يقولون خير وقفوـآ ولا بعد يسدون علينا سلامات قلنا ليش ماباقي الا تمنعونا ندش الفصل الا يقولون لانكم متاخرات ماتمشون مع اللي جايين بدري بعدها تجي المساعده تعطينا ذيك المحاضرهـ وماصدق ع الله اروح الفصل ومايمديني اخش الا تقولي الابله وين ورقة التاخير تخيلني اجيبها من الاداره وهي باخر الدنيا واللي يقهر اول ماعطيها ياتشقها يا ترميها

لو النظام هذا كان عندنا كان الطلاب كلهم متاخرين ابو الدلع عندكم ياليت تجربون لي الغرا اللي هو غرا المسدس على الصبح والا خيزران دبل كان مااتوقع احد منكم يتاخر هذا اذا ماجيتوا قبل الحارس بعد