ههههههههههههههههههه
موضوع رائع وتفاعل أروع من الأعضاء 
انا طفولتي كانت بالشارع مع خواتي وعيال وبنات خوالي (وانا اصغرهم) ..
يوم كان عمري تقريباً 4-5 سنوات
كنّـا نجتمع كلنا عند جدتي ببيتهم القديم اللي بحاره ثلاث أرباعها هنود
بوقت الصبح تفضي بيوت الهنود كلن على محله ومطعمه .. وحنا يبدأ شغلنا ، ندخل ونلعب ونحوس بأغراضهم اللي ما أذكر منها إلا ( قواطي صلصه - قدور - الرضمه حقت الشطوب )
الله يحلنا منهم بس 
المهم إني بأحد المرّـآت قبل المغرب تقريباً جالسه ألعب لحالي قدام بيت جدتي إلا ويطلع هندي من باب الهنود يتلفّت وبعدها يناديني .. وأجيكم أنا خبلة الشر والشرير وأروح لمّوه 
دخلني ببيتهم كان فاضي 
بعدها دخل بأحد غرفهم كلها سراير وانا امشي وراه تقل دعميّه 
راح لسريره ودعاني وسوا بي لعبة زغيلبّـا ( ماراح يعرف هاللعبه إلا الحايليين )
وقال : وش أسمك ؟
قلت : فلانه 
قال : فلانه ؟؟ ( ماكان ينطق اسمي صح )
قلت له : لا لا أسمي فلاااانه ( أبيه ينطقها صح ) 
المهم نطق اسمي صح على خير وقام أعطاني علك بلونه بالفراوله ( الأزرق ) حبّـه وحده وكانت وقتها واااو عندي !
المهم طلعت من شقتهم بعدها قعدت أفكّر بيني وبين نفسي إذا سألوني من أعطاك العلك وش أقولهم ؟
كأني حاسه إني أخطيت  مع إني ماقد نبهني أحد وقال لي لاتروحين للهنود (يمكن لأننا دايم مع بعض وعيال خالاتي الكبار معنا وبالتالي الأهل مايخافون علينا) ولكن مع ذلك حسيت أني على خطأ ..
عاد يوم جاء بكرا كنا طالعين واقفين على الشارع ونسولف وكان بجنبي ولد خالي ( أكبر مني بـ3 سنوات )
مر الهندي نفسه وطلع من مخباه ريال ودخله ( الخسيس كان يبيني ألحقه ) 
المهم هاوشه ولد خالي وقمت أهاوش معه وأقول كل تبن أنقلع < يعنني 
وبس هذاك علمي بالهندي .. والحمدلله اللي حفظنا بطفولتنا وحنا بين هالأجانب ..
يعطيك العافيه وأعتذر للإطاله 
اخر تعديل كان بواسطة » هند الشمري في يوم » 09/05/2011 عند الساعة » 07:06 PM | 