سوردو

لاتخلينا نتشعب كثير ..

في اول رد لك ..

إقتباس بكل اختصار : خريج مدرسة اياكس ينجح في اي دوري .. خريج اللامسيا ينجح في برشلونة فقط .. و الأمثلة عديدة ..

في ثاني رد ..

إقتباس شي رائع انه مدرسة تستطيع تطبيق على لاعبيها في حين وصولهم للفريق الأول مهما اختلفت قدراتهم يستطيعوا النجاح .. و هذا الشي اللي يخليه صعب جدا انه ينجح في اي دوري ثاني او حتى فرق ثانية داخل الليجا ..

1- من حيث الفكره العامه .. مافيه فرق بين سستم برشلونه وسستم اياكس ، في قطاع الشباب اتكلم .. بالتالي اذا تعتقد وتؤمن بفكرة نجاح خريج نادي اياكس في اي مكان .. فالمفروض لاعب البارسا نفس الشي

2- الناديين .. في فلسفتهم .. يهتمو يتعليم اللاعب على لعب كرة القدم بأساسياتها .. التمرير والتسليم والاستلام والمهارات .. هو لب كرة القدم .. الطفل لما يتعلم هالاشياء من عمر حتى تحصل 8 او 7 سنوات .. بيكون لعب الكرة في دمه!

لما يوصل لعمر 19 - 21 .. وش الاسهل بالنسبه له؟ يقوي جسمه او يمرر صح؟ يطور سرعته ولياقته او يكون تفكيره بالكورة سريع؟ يزيد وعيه التكتيكي مثلا بشكل مختلف شوي او يطور مهاراته الكرويه الفنيه؟

فيه اشياء اكتسابها اصعب واشياء اكتسابها اسهل ..

الناس تركز بس على لاعب البارسا ، وتتناسى انه الفكره الا مشت في اسبانيا من سنوات .. هي اللعب بالكرة .. بغض النظر عن الرسم التكتيكي .. الاساس والاسلوب السائد في الكره الاسبانيه هو اللعب بالكره بالشكل السهل الممتنع ..

لهذا السبب كانت مسألة تكوين المنتخب الاسباني حول لاعبي البارسا في الفتره الاخيره ، شي سهل ، لانه لاعبي الكرة الاسبانيه عامة ، خامتهم طيبه ..

تشابي الونسو نجح خارج اسبانيا .. بيبي رينا .. لويس غارسيا (وان كانت الاصابات لعبت به) .. ارتيتا ..

فكرة النجاح خارج البارسا عن الداخل .. قلت لك نسبيه وتعتمد على اكثر من حاجه! .. من الا بيطلع من البارسا اساسا ومن الا بيبقى عشان نحسبها صح؟ وفي اي وقت برضو؟

لو بتفلت فابريغاس في فريق عادي .. ماراح تعتبره لاعب ناجح .. لكن لكون انه في الارسنال شفناه بمستوى حلو .. ممكن تقول الغنرز يلعب بشكل معين يسهل طريق فابريغاس! لكن باقول لك وش الشي السلبي في فابريغاس الا مايخليه ينجح في اي فريق محترم وفي اي دوري! او وش الشي السلبي الا في تشافي الا مايخليه ينجح في مكان ثاني؟

فيه لاعبين عندهم موهبه حلوه وتختفي بسرعه ، لاسباب مو رياضيه بشكل مباشر .. ممكن سوء انضباط .. ممكن اصابات .. فصعب نحط المقارنه بهالشكل .. لآني شفت لاعبين قادرين على النجاح في اي محل من خريجي البارسا .. مثال: دي لا بينا ، صحيح لعب في لاتزيو اظن وماكان ناجح ذاك الزود ، لكن احيانا ماحد يقدر يتحكم بمصيره لحاله

ممكن بعض اللاعبين يظهرو اكثر بسبب اسلوب مدرب او فلسفة لعب .. لكن هالشي مو قاعده .. لأني اقدر اشوف لعيبه كثار ممكن يصيرو عناصر مهمه في أي بيئه!

إقتباس سلبية طريقة لعب برشلونة على الرغم من نجاحها الحالي هي عدم تغيير الفلسفة داخل الملعب و في وسط المباراة .. الإعتماد الكبيييييير جدا على مهارات اللاعبين الفردية و للتحديد اكثر على مهارة التسليم و الإستلام ..

فكرتي للكوره ممكن مغايره او موازيه لفكرتك من الناحيه الاخرى .. لكن لكون انك تلعب بشكل هجومي او تبحث عن الكره ، هالشي مايخليك اقل من غيرك في عملية استيعابك لتنوع اساليب اللعبه او في قدراتك البدنيه او في نضجك التكتيكي

الهجوم الزائد حاله حال الدفاع الزائد .. اللاعب الا يقطع كويس حاله حال الا يمرر كويس .. اللاعب السريع حاله حال الا ماتنقطع منه الكره بسهوله

لكن المهم الموهبه والاستخدام .. الاساليب مختلفه .. كلها اساليب صعب تطبيقها من النواحي التكتيكيه والبدنيه .. والا يقدر ينجح في الاسلوب الهجومي ويستخدم الكرة صح ، اعتقد اندماجه للطرق الثانيه اسهل!