نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - كان بالامكان أفضل مما كان .. سئما المجاملات على حساب الشعار .. و مهاجم هداف يغازل الهلال

Ms. Star · #12 06/05/2011, 11:09 AM

كلامك مايحتاج لتعقيب بس تخبرنا مانقدر نسكت

عموماً ...

- ياسر صحيح ماهو بياسر مستواه متذبذب كل ماقلنا
رجع غاب وحركته ثقلت بشكل غريب ,,’’ وهذا غير احتجاجاته
اللي كاثره حبتين صحيح هو كابتن وهذا المفروض انه يناقش
الحكم لكن أحيان بدون داع ِ بس احيان يعرف يتحرك ويربك الخصوم
لكن هو مهاجم واذا ماسجل مااحد بيرحمه !!!

( مأخذ عليك يوم انك تقول حركته ثقيله وبطيء بشكل مقزز .. " مقزز " مدري وش
معناها او حتى مناسبتها للجملة )

- احمد علي آآآه بس ..
سجل كم هدف وصنع مثلهم > صار لسان حال الجمهور يقول :
( هذا ضالتنا وينك من زمان ) للأسف العاطفة تغلبنا احيان لاعب لامهارة
ولا كنترول خصوصا عند المرمى يستعرض وانانيته واضحة لا وفوق هذا بطيء
بعد ....

لا واللي يقهر ويبط الكبد الصحافة المصرية عاملين ترويج اخبار
انو الهلال بيشتري يعقده بل يجب على الهلال ذلك !!!
لدرجة ان ادارة الاسماعيلي على حسب الاخبار جهزت العقد والسعر من الحين
!!! مدري هو ضغط علينا بحجة ان العروض تنهال عليه ( يعني الحق ولا ماتلحق )

إذا صار هالشيء غلطة كبيرة حنا طموحنا اكبر من كذا واجزم لو
المحياني شارك اساسي مثله واعطي الفرصة كاملة من البداية
بيتفوق عليه وزياده ...

ابي اعرف بس لو الله كتب لنا التأهل ( مع اني ماظن ) شلون بنقايل الفرق الكورية واليابانية !!!

- اما بالنسبة للي يقارن جريتس بكالديرون فرق كبير لكن كلن وامكاناته ..

الاول كان ماشي عال العال وغير من جلد الفريق تماما
صرنا نشوف خمسات واربعات بالكوم عد واغلط هجوم ضارب ودفاع محكم

- تخيلوا بس العام انهينا الدوري والاهداف في مرمانا " 8 " بس ’’
والحين لسا ماخلص الدوري ودخل علينا " 17 " - لكن من يوم جاه العرض
اللي مايتسماش تشتت ذهنيا صار ربع عقل عندنا وثلاث ارباع هناك وصار اللي صار ~

والثاني لم توضح بصمته الكبيرة على الفريق الى الآن مدري حنا نلعب هجوم ولا دفاع !!
أحيان احس ان سبب الفوز مجهودات وخبرة لاعبين لا اكثر ...

يحسب له :
تجهيز كل اللاعبين وتدويره لهم
يحسب له :
تصحيح الاخطاء بين الشوطين

لكن اللي متعبنا >> اختراعاته وتجاربه في كل مباراة
واصراره على لعب بعض المباريات بمحور واحد .. المشكلة ان رادوي مايظهر فالمباراة
بالشكل المطلوب ويظل كنه مدافع خامس مايقدر يتقدم وشوفوا لو لعب بمحور ثاني تلقاه
يوصل للمرمى ويتسبب في أخطاء لصالح الفريق ..

المهم ان كالديرون حسناته اكثر من سيئاته والتقييم نهاية الموسم هو اللي بيحدد بقاءه ...

..............

ادري طولت لكن ودي اتكلم عن الغرافة ::

بكرة راح يلعبون مع السد في كاس الامير " خروج مغلوب " واتمنى مو بس المدرب
يشوف المباراة حتى اللاعبين ,, ترآ اللي فزنا عليه 1-0 غير اللي بنقابله الربوع
تغير تماما لا من حيث الروح القتالية ولا من حيث المستوى الفني ..
واكبر دليل المباريات الاخيرة في آسيا وكاس ولي عهد قطر ..

واللي يقول جونينهو مو موجود وماادري ايش !!
الاربعه اللي جتنا كانت بدونه وقتها’’ لذا اذا حنا كجماهير مااحترمنا المنافس
شلون اللاعبين لا دخلوا وقروا كلامكم ...

حنا ما ضيعتنا الا هالثقة الزايدة ,, الغرافة بيدخل كنه في حرب
ماعندهم اي شي يخسرونه تخيل بس لو طلعوا من كاس الامير
بيحطون كل حرتهم في آسيا لأنها آخر شي فالموسم مو احنا باقي مباريات فالدوري
هذا غير كاس الابطال ...

نتمنى من اللاعبين يكونون قد المسؤولية ويحسون بالجماهير
اللي توقف وراهم ...

عذرا للاطالة ماننعطى وجه

..
يعافيك ربي .. كلامك جدا واقعي ..

ويارب الهلال يحسمها بالفوز بعيد عن الحسابات الثانية