| حنا عشاق للهلال كاسم ومو من جماهير اللاعب ..
اعتزل اسطوره الملاعب يوسف ومازلنا نتابع الهلال ونشجعه ..
ولو راح اشجع لاعب على حساب النادي فبعد يوسف مافيه اسطوره ..
ولكن ياسر وجمهوره يعاند على حساب الهلال ..
نعشق الهلال ونعشق جميع اسماءه ..
لكن اللي مو بالمستوى المطلوب ما بنجامله على حساب فريقنا ..
ياسر وما ادراك ما ياسر ..
مهاجم خرافي طراز نادر مامر مهاجم بالملاعب السعوديه مثله ..
لكن ياسر الان مو ياسر قبل , لا وزن ولا نفسيه ولا مستوى ولا شي ..
اللاعب صار يضيع الفرصه السهله والعجيبه , اللاعب يحتج بكثره , اللاعب ثقيل بشكل ملفت ..
وفرق بين ياسر هالايام وايام مباراة المنتخب مع كوريا ..
اللي يبي يشوف كلامي صح يتابع مسوى ياسر ذيك المباراه ويشوف ان ياسر طايح مستواه ..
يا ناس ما نكره ياسر ونتمناه يكون نجم الهلال , لكن شد حيلك ياسر ..
وربي اشك ان احد اسباب انه مستواه هابط واللاعب ما يحرص انه يتعب عمره , ان بعض الجماهير للاسف بعد كل مباراه ..
يكون فيه كذا لاعب قدموا وحرثوا الملعب حرث وياسر يضيع طول المباراه والهتافات كلها لياسر !!
ليه وين العشر لعيبه الثانيين قدموا اكثر من ما قدم وتعبوا اكثر من تعبه ..
والناس تصايح ياسر ياسر !!
وش سوى طيب عشان اصايح باسمه , فيه لعيبه للاسف انهضم حقها بالهلال على حساب ياسر ..
ناس لما تنزل الملعب تبي تقدم تبي تسجل , وياسر جيد في اضاعه الفرص !!
ندري ان ياسر يحب الهلال ولكن لازم يدرك ان جمهور الهلال ما بيصبر كثير ..
طالما هذا مستواك ياليت تراجع نفسك وتشوف مستواك 2007 وراح تعرف لين نعتب على مستواك حاليا ..
لو كان هذا مستواك ما عتبنا ولا زعلنا بنقول هذا اللي عنده وما فيه اكثر ..
لكن نعرف ان ياسر افضل لاعب اسيوي مو هذا مستواه , وهو قادر على العوده لو حب يرجع ..
تحياتي لك اخوي قلت كلام كثير كان ببالي بس ما احب اطرح مواضيع بصراحه ..
ولكن موضوعك اتاح لي الفرصه اعبر عن رايي باللي جالس اشوفه من بعض جماهير الهلال ..
ملاحظه : هدف الجهني على اوزباكستان ما يذكركم بهدف ياسر على تونس !!  | 