بعد الاستفاقة والرواقة بعد الهزيمة يقدر الواحد يتكلم بكل اريحية وبعيد عن الضغوط

بداية نشكر مورينيو على ماقدمه هالموسم طور الفريق تكتيكياً تجاوز دور ال16 وحصل على بطولة وكل هذا بأول موسم له مع الريال وهالاشياء اللي حققها ماهي سهله بالنظر لاول سنة مدرب جديد ونص فريق جديد
ونقول لمورينيو هارد لك بتاريخك اللي انضرب في مدريد بالخسارة بالخماسية واول خسارة على ارضك بالدوري ومن ثم الخسارة على ارضك بالابطال
وترى ياجماعة انتم مستوعبين انه اول هدفين يدخلون على ارضك بالابطال هاليوم ؟ هذا شي ممتاز


نجي للمباراة

ناخذها من البداية

الفريق منتشي بالكاس وبرشلونة من المفترض انه نفسياً مضغوط فكنت اتمنى التركيز اكثر وعدم التحفظ الكبير
للأسف مورينيو مااستغل طريقة بيب بهالمباراة

بيب دخل متحفظ جدا ملعب محورين وظهير ايسر دفاعي بحت اللي هو بويول وهذا مالم نتعوده من الصلب
فكان من الاولى الضغط الشديد على حامل الكرة والهجوم المبكر بدل التحفظ الشديد اللي جرأ برشلونة وطبعاً كلامي ممكن يكون خطأ عادي
الجدير بالذكر ان اللاعبين كانوا سيئين ويستمر اوزيل بالتشكيلة الاساسية بطريقة غريبة لاني اشوفه مايفيد اذا لعب بأول المباراة بعكس اذا دخل بديل
كونك تلعب على ارضك كنت اتمنى التحفظ الدفاعي مع الجراءة بالهجوم

انا ماانكر ان بيب لعبها صح هالمرة قفل الدفاع وماخلى الفيس يتقدم واحتفظ كثير بالكرة وراء لان هذي ذهاب واياب ويبغى الامور تمشي صح للأياب
الشي الثاني واضح جداً تأثير غياب كارفاليو اولا وخضيرة ثانيا
انذر راموس واشوف انذاره ظالم وبدت النفسية تنزل مع معرفة اللاعبين بغياب لاعب مهم جدا اللي هو راموس
الين جاء طرد بيبي وتفلت ميسي

المباراة كانت برأيي بتسير لتعادل سلبي بشكل كبير مع احتمالية ضعيفة لهدف من احد الطرفين لااكثر والحسم يكون بالكامب نو
لكن الطرد هو اللي غير المباراة وخلاها هزيمة سيئة

وبالنسبة للحكم لاتعليق تكلمتوا كلكم وقلتوا اللي عندي ولاابي اكرر الكلام لكن هذي عوايد بلاتيني وبرشلونة ولاحظ انه بيبي تحديداً اللي كان مضايق ميسي حبيب القلب فمالك الا تطرده عشان ميسي يقدم المتعة المزعومة


المهم الفوز بالكامب نو صعب جداً وواقعياً الموسم انتهى

البعض قال ان مورينيو جبان ويلعب دفاع وماالى ذلك
صح اسلوب مورينيو مايمتعني وبايخ لكن يحقق نتايج وهذا المطلوب
انا ماني زعلان من اسلوبه لانه نوعية اللاعبين اللي عنده بالمقارنه مع الخصم تستوجب اللعب بهالطريقة

مطلوب منك يامورينيو اختيار لاعبين للموسم القادم بعناية فائقة

بالامس القريب رونالدو الظاهرة قلب هجوم واليوم اديبايور
وبالامس يصنع لنا زيدان واليوم اوزيل اللي بديت ازهق من بروده بالملعب

نحتاج قلب هجوم ممتاز
ونحتاج محور ممتاز بدال لاس اللي امنيتى يروح
وابغى قلب دفاع صخرة

واكرش الاديب ولاس والبيول


المشكلة ان بلاتيني وهقنا مع اقوى فريق وضبط وضعه بالحكم واربع مرات متتالية نلعب معهم وفريقنا جديد باول موسم
كان ودي مباراتين الدوري والكاس وخلصنا ولو يبي الاكشن هالحمار يخليه الموسم الجاي بعد مايقوى مدريد عشان يصير تنافس
بس الوصخ يبقى وصخ

ان شاء الله الموسم الجاي مع الاستقرار نشوف قوة اكثر ونحصد اكثر من بطولة يارب

هارد لكم شباب وانا قلتها من قبل هالمباراة انا مكتفي هالموسم باللي سويناه

قفلة:

بلاتيني جعل تنظيم القاعدة يخطفك ويوديك تورا بورا