26/04/2011, 11:59 AM
|
 | زعيــم مميــز | | تاريخ التسجيل: 02/11/2006 المكان: مدرجات البرنابيو
مشاركات: 7,763
| |
 تقريباً هو التشكيل الاقرب والي اغلبنا متفق عليه ! تشكيله متوازنه دفاعياً لكن هجومياً لك عليها خصوصاً انك مطالب بالفوز وبفارق ممتاز , اذا اننا لعبنا بالتشكيل هذا مباراتين وما قدرنا نطلع الى بهدف بكل متش شيء يخوف , صحيح فزنا بالكاس لكن هالمباراه تفرق كثير , يعني كأننا قاعدين نشوف النهائي قدامنا لكن مطلوب أننا نحط رجل فيه بالمتش هذا تحديداً لانه صعب جدا تسجل اكثر من هدف بملعب برشلونه , عشان كذا مطلوب اننا نغير النهج الهجومي للفريق ونسحب واحد من المحاور وندخل وسط مهاجم , ايضا صعبه لانك بتفتح وسطك لبرشلونه وبيستغلون هالشيء بطريقهم لعبهم الصعبه على اي فريق يلعب ضدهم , طيب الطريقه المتوازنه الي اتوقعها وش بتكون ؟  هذي افضل تشكيله ممكن نلعب فيها , توازن دفاعي وقوه هجوميه , عندك الشق الهجومي المتكون من ( مارسيلو - اوزيل - دي ماريا - رونالدو ) لاعبين يمتلكون سرعه عاليه + مهاره فرديه + فكر ممتاز , يعني بتكون في حاله الهجمه تلعب بـ أكثر من 5 لاعبين , مارسيلو بيكون وسط ايمن , دي ماريا بيكون طريقه لعبه قطريه , اوزيل بين سناتر برشلونه والمحور مع تقدم الونسو لوسط الملعب وبخلف اوزيل ولاس من الجهه اليمنى ورونالدو قلب هجوم , مجرد ما تفكر انك شلون بتسيطر على طريقه هالتكتيك وامكانيات هالاعبين مخك بيهنق فما بالك لو كانت واقع ؟ خلنا نقول انقطعت الكوره ولعبو مرتده سريعه برشلونه من بيكون عندك ؟ بيبي + راموس + البيول + اربيلوا + الونسو الي ما راح تتعدى ادواره الدائره , يعني بيكون عندك دفاع ثابت اذا كنت خايف من المرتدات . طيب لنفرض ان برشلونه استمر بسيطرته على الكوره وصار يلعب لعب هجومي وحشرنا بملعبنا ؟ عندنا 3 محاور + 4 مدافعين , مارسيلو لعب كمحور ثالث اكثر من مره واجاد هالدور خصوصاً انه بيكون مساند لاربيلوا بجهه اليسار ضد ميسي , بيبي بما انه لعب 3 مبارايات متتاليه كمحور كنا نشوفه متقدم بالدائره هو وخضيره بينما الونسو يلعب محور دفاعي قدام المدافعين يستلم الكوره ويلقى قدامه بيبي وخضيره , يعني بيبي بيكون مساند لـ لاس بالجهه اليمنى الي ما اتوقع بنشوف فيها خطوره اولا لغياب اظهره برشلونه الخطيرين هجومياً + تواجد متوقع لبويول في هالمركز وراح يكتفي بالادوار الدفاعيه لان فريقه خلقه ناقصين مدافعين وما راح يجازفون يلعبون بكل الاظهره بأدوار هجوميه ودفاعيه وراح يكون الدور الهجومي لألفيس , ايضاً اوزيل كنا نشوفه يرجع للدائره كثير ويحاول يضغط على تشافي وبوسكيتس كنا نشوفه كثير يلعب بينهم او بين بوسكيتس والمدافعين , اوزيل قدر انه يخفي ادوار هالزلابه كلياً خلال مباراتين , كنا نشوف قبل بوسكيتس اول لاعب توصله الكوره من المدافعين وهو الي يوصلها لتشافي وانييستا , لكن توظيف موري لاوزيل بهالمركز قطع ايصال الكور عن بوسكيتس من المدافعين وصارو ما يلعبون بالعمق الى من الدائره وقدام وصرنا نشوف تشافي يرجع مع بوسيكتس وهذا الي ترك مساحات بالدائره وفراغ كبير بين تشافي وانييستا , يعني مسأله التقفيل الدفاعي المحكم هذي افضل تشكيله نلعب فيها اذا كنا ما نبغى بيبي يرجع يلعب مدافع ونخسر خدماته في الوسط , ايضاً الشيء المهم وهو الي خلاني اتمنى هالتشكيله , لاس ما ينفع ابدا يلعب محور في مباراه حساسه مثل كذا , لاعب اخطاءه كثيره ووممكن يتسبب بأخطاء قريبه من المرمى وتسبب مشاكل لنا ايضاً ما ننسى خشونته ممكن نلعب بعشر لاعبين زي الاسبوع الي راح , فأفضل حل اننا نشوفه ظهير بداياته مع تشيلسي وارسنال لعب بالمركز هذا , مواصفات الظهير متواجده فيه , سرعه ومهاره ومجهود بدني ولياقه عاليه تسمح له يلعب بأدوار هجوميه ودفاعيه مع بعض . دي ماريا مثل ما لعب بالمباراتين الي راحو بيكمل هالشيء بكرا ان شاء الله , ادواره الهجوميه واللعب خلف الفيس اجبرته على انه يكتفي بالادوار الدفاعيه خوف من ترك مساحات لدي ماريا , يعني لازم يركز كل التركيز بكرا خصوصاً انه مرتاح ما لعب مباراه السبت يعني مطلوب منه شيء كبير .  أكبر خطأ اننا نلعب بالتشكيله هذي بكرا ! صحيح هجومياً ممتازه مجرد ما تشوفها , لكن مجرد ما تفكر ما راح تلقى لاعب خلاق للفرص من العمق مثل اوزيل او كاكا , جرانيرو ما راح يقوم بالدور هذا بكفآءه عاليه , ايضاً بـ تضطر تلعب طول الوقت من الاطراف واذا ما نفعت الطريقه بتغير الشوط الثاني التكتيك وتحوس الدنيا , وجود اوزيل او كاكا بكرا مطلب مهم , هم افضل ثنين ممكن يفيدون الفريق من ناحيه الهجوم من العمق وخلق الفرص للمهاجم , لذلك التشكيل هذا ما ينفع برأيي . الرد طويل وحوسه ومافيه اي نقطه ترتيب , الي بيقرآه كامل يا حبيله  والي بيسحب عليه < وش يحيى  ؟ ايضاً يا حبيله , هو مجرد رأي وسدحناه , تبون الجد اذا انا كمشجع انبلف رآسي وانا افكر وش التكتيك الي ندخل فيه اجل مورينهو وش جاه ؟ |
