مستواه مو مثل بداية الموسم !!!!!!!!!!!! هههههههههههه تكفى قل غير هالكلام وأنا أخوك، طلبتك تكفى.

أسوء بداية موسم لفابريغاس بقميص الآرسنال هي هالموسم، لأنه حظي بأسوء فترة استعداد بعد كأس العالم والاجهاد المتواصل من الموسم الماضي وعدد المباريات الكبيرة الي لعبها لحد بداية الموسم.

قضية إنه ما يظهر أي تحسر بعد المباراة، تتابع المباراة زينا أنت ولا وش سالفتك بالضبط ؟؟ والله يا وجهه عقب المباراة إنه يسد النفس وتحقد على الفريق الي خذل هالنجم. ارحمنا يا CF4 << Cesc Fabregas 4 هههههههههههههههه، عجب.



سيسك متحمل أكثر من طاقته بشيلته للكابتنية، الولد عمره 23 مستوعب أنت، يعني بعمر الفريق الي معه !!

صعبة تزمر وتلوم وتعاتب الي معاك اذا كانوا أقران لك من نفس العمر لأنهم هم ربعك الي تطلع وتروح وتجي معاهم ويشاركونك أفكارك بنفس السن !!

وهو بنفسه قال هالكلام، قال يبي لنا لاعبين خبرة يوجهون الفريق ويقول هيييييييييييييه يا ولد !!

أضف الى ذلك انه ما عنده كاريزما القائد الي ترجع له اللعيبة لا دق العود بالعود، أجمل كلمة تصفه بالفصحى أنه يفتقد لـ "قوة الشكيمة" < بالله صفوا سرا للكلمة يا شباب. يعني هو قدوة وليس بقائد زي قيقز مثلاً.

الولد يلعب باخلاص بس اصابته بالهامسترينغ بهذلته. أنا كان عندي قناعة انه ما يبي يلعب للفريق، لكن لو أجي أحلل موسمه فما أقدر أقول لك الا انه حظي بفترة استعداد سيئة لأبعد حد للموسم بعد نهائي كأس العالم+اصابة الهامسترينغ المتكررة والي ذبحته.

أنا جربت الهامسترينغ قبل 10 أيام، يا شيخ قسم بالله أني أخاف أطلع الدرج منها لا تقب علي. صرت موسوس منها.

في الختام اختلاف الرأي لا يفسد للود قضية.