اول مره اشارك في استديو تحليلي ! .. وسليم والعيال يعرفوا الشيء ذا خخ ! ..
لان الواحد بيشوف اراء وحاجات تفقع قلبه خخخ ! .. عشان كذا اتمنى اني مافقع قلب احد خخخخ ! .. ولا احد بفقع لي قلبي خخ

ممكن الكثير ينتظر المباره ذي ! .. لكن يجهل الخفايا الي ورائها ! ..

يجهل الكثير عن مباره الكأس وماتمثله للفريقين ! .. او ماابيمثله الفريقين في الكأس ذا ! ..

قبل ماتكون مباره بتكون اشبه بحرب ! .. بين ماايمثل اسبانيا وماايمثل الاقليم الانفصالي كتالونيا ! ..

فريق بيلعب بروح البلد ! .. وفريق بيلعب بروح الاحقيه ! ..

المباره بدأت قبل الصافره ! ..
وكانت ممثله بين بيكي وبيبي لاعب مدريد ! .. وخاصه ان الاول قال الفارق كان 8 وبقى 8 نحن اخذنا دوريكم وبناخذ كأس ملكم ! ..

صوره بسيطه تعطيك المباره كيف بتكون ! ..

وصوره بتوضح اكثر لما يعزف النشيد الاسباني في المستايا ! ..
بين مردد للنشيد ! .. وبين صافرات استهجان وحقد عليه ! ..

هذا غير التحدي الي بيكون بين بيب ومورينهو ! .. والحرب التكتيكيه الي بتكون بينهم ! ..

مدرب بيعتمد على اسلوبه ! .. ومدرب بيحاول يكسر اسلوب منافسه ! ..

ومباره السنتياغو اعطتنا صوره مبسطه للمباره ذي ! ..

كعموم ! .. وعشان مانطول ! .. بتكلم عن المباره ذي من طرف الريال فقط ! ..

المباره ذي ممكن هي زبده الموسم للفريق الملكي ! . فريق لسه تحت بناء واول سنه مع مورينهو ! ..

الفريق ماكان مطالب ابد بأي انجازات ! .. كثر ماكان مطالب انه يكسر العقد ! ..
لكن لما وصلت الامور انه برشلونه ممكن يحقق انجازاته من بوابه مدريد ! .. هنا اختلفت الامور واصبحت المطالبه بتحقق احد تلك الانجازات ! ..

الموضوع مهو موضوع كبرياء او حاجه ! .. لانه اي واحد عاقل بيعترف ان برشلونه عباره عن عمل من سنين وقاعد يجني ثماره ! .. ومدريد لسه في اول سنه من مراحل البناء ! ..
وصعب انك تطالب واحد توه في مرحله البناء ! .. بأنه يقطف نفس الثمار ! ..

لكن حاليا مدريد مجبر انه يقطف اي ثمره من الثمار ذي عشان مايكون هو البوابه الي يقطف فيها برشلونه كل ثماره من خلاله ! ..

عشان كذا المباره ذي تهم مدريد اكثر من انها تهم برشلونه ! .. وطموح مدريد بيكون اكبر من طموح برشلونه في اللقاء ذا ! ..

وزي ماقلت مباره السنتياغو اتوقع انها اعطتنا صوره بسيطه عن كيفيه اللقاء وسيره ! ..
لكن الاكيد انه بيكون اقوى ! .. اسرع ! .. اكثر التحام واكثر ذكاء ! ..

برشلونه مابيكون بنفس الوضعيه السابقه ! .. مستحوذ على الكوره بدون فايده ! .. ومدريد ماابيكون النادي الي بيضيع الكثير والقاسي بدنيا ! ..

المباره ذي بيحكمها الجزيئيات الصغيره ! .. اي خطأ بيكون مكلف ! ..

عشان كذا الفريق الي بيكون حاضر ذهنيا بشكل اكبر هو الي بيفوز ! ..

ويارب الانتصار يكون لمدريد ! ..

إقتباس الرسالة الأصلية كتبت بواسطة Dalglish كلنآ قرأنا وسمعنا عن ظروف تلك المباراه !! فمن المعيب التفاخر بهذه النتيجه بعيداً عن التاريخ .. أرى أن المباره تميل لصالح لبرشلونه لعدة إعتبارات أهمها الاستقرآر !!

ااخ لو انك منت ليفربولي ولا انت غالي علي خخخ ! ..
بس ملفك برسله لمجيد وهو يتصرف معك خخ < ولا تدري ارسله لمحسن اصرف خخ كون مجيد برشلوني اصلا ولا بينفع معك