ياحبيبي

يالغالي

معليش على كلامي ولاتاخذه من طريق اهانه او شي

المفروض مننا حنا كجمهور .. اننا نطالب بشي ... بس مانطلب بكيف نجيبه !

يعني الاداره اللي هي اقرب لكالديرون منا ... ماتقدر تتدخل في شغل كالديرون .. كيف وحنا جماهير ؟؟

يعني بمثال بسيط

اللي لنا حق في طلبه ... اننا نقول لكالديرون .. نبيك توصلنا للدمام

بس مو نقول له نبيك توصلنا للدمام عن طريق خريص ... !!

اذا كانت السالفه كذا ... ليه مانرجع كالديرون للأرجنتين ونخليك انت مدرب مع احترامي لك

المطلوب منا نحدد الهدف فقط ...وكالديرون هو اللي يحدد كيفية الوصول له ...

يعني هذي الصلاحيه الوحيده للمدرب .. تبون تتدخلون فيها .. وش بقى له ؟

دام كالديرون ماشي في الطريق الصحيح ... المفروض مننا كجماهير الصمت حتى نهاية الموسم والتقييم يتم اذا فشل في البلوغ للهدف

اما اننا نتدخل في التشكيله ونعلم كالديرون شغله ... مصيبه ذي !!

انت يالغالي تبني خطتك وتشكيلتك على اداء الهلال سابقا بالتشكيله ذي ... وكيف كان يأدي .. وكيف كان ممتاز

طيب مو شرط كالديرون يمشي على نفس التشكيله القديمه علشان ينجح !!

هل الهلال ماينجح ولايفوز الا بالطريقه اللي قلتها بس !!؟

يعني ايام كوزمن كان الشلهوب مهمّش ... وكان الهلال يفوز

جاء قيريتس .. وخلى الشلهوب سوبر ستار ... غير طريقة كوزمن وبرضو فزنا

كالديرون يبي يطبق طريقته ... ودامه يفوز مالنا شغل فيه .... يعني حلال على اللي قبله " كوزمن وقيريتس " وحرام على كالديرون يطبق الطريق اللي يشوفها صح ؟

هذي وجهة نظري والسلام