مبروووووووووك للبرشلونين التعادل الاشبه بالفوز

بصراحه مباراة قويه وممتازه من ريال مدريد خاصة

- اسلوب ارسين فينجر في التعامل مع برشلونه استعمله الداهيه ونجح فيه بإمتياز رغم التعادل الغير عادل
فعلا في مدرب يشيل فريق مثل مورينهو
ومدرب الفريق الي يشيله مثل غوارديولا الي كل مباراة يضيق فيها اي فريق الخناق على برشلونه يثبت فيها فشله بالتبديلات الغريبه وتكتيكه الي ما تغير من بداية الموسم

- مبروك للاخضر بالريش التعادل كونه مغبون من داخله علشان ريال مدريد يدافع ويحاولون يشوهون سمعته بأي طريقه
فريق دفاعي وما يسيطر على اللعب ولا عنده جرائه ومدري ايش خلاص هذا تكتيكه انتم وش الي حارق دمكم
بس تقدرون تعبرون عن قهركم وتقولون قهر ما قدرنا نفوز للمره السادسه ونوصل لرقم جيل ستيفانو

- نقدر ضروف زعل بعض البرشلونين لأن الحكم ما فزعلهم للوصول للفوز السادس
خلاص مايكفي فزعت الحكم معكم في دوري ابطال اوروبا ضد ارسنال
يالله تعوضونها في الجايات ولو انه ما ضنتي بوجود سبشل ون وشكل دوري ابطال اوروبا بيتحول لسراب نهاية الشهر

- بعدين لاحظت شي فجماهير برشلونه بعد كل مباراة يجيبون نسبة الاستحواذ
بس حبيت اذكرهم ان نسبة الاستحواذ ما تزيد نقطه في الدوري ولا تزيد هدف
المشكلة 50% من الاستحواذ توصل الكوره للمحور يتوهق ما يلقى احد يناوله
يرجعها لبويول ومن بويول لبيكي ومن بيكي لالفيز ومن الفيز لبيكي مره ثانيه وبعدين لبويول وبعدين للحارس ويشوتها يجي بيبي وياخذها ههههههههههههههههههه
بس تبون نسبة استحواذ يعني خذوها مبروك عليكم
مو انتم استحوذتم قدام تشلسي ولا نفعكم غير الحكم وتأهلتم
واستحوذتم ضد انترميلان وفزتم بهدف تسلل وطرد لاعب ولا تأهلتم
والحين مع الارسنال سيطرتم ولا استفدتم شي واتدخل الحكم وأهلكم غصب
يعني مافي داعي ترزون فيها كل شوي لأنها فضيحه عليكم لما تسيطرون بنسبة 73% ولا تجيبون الا هدف من بلنتي
وفريق يستحوذ بنسبة 23% ويطلع اخطر منكم وبعشر لاعبين وبغى يفوز عليكم المفروض ما تورونها احد

- مدري ليش الحكم ما اعطى الفيز كرت اصفر ثاني بعد البلنتي

- طبعا لازم نشوف شطحه من لاعب برشلوني وهالمره من مسي
اذكر في لاعب اعتدى على واحد من الجماهير الي دخل الملعب وطرده الحكم
لو الحكم يطبق القانون كان طرد مسي لأنه تعمد يشوت الكوره بقوه على الجماهير
كان ودي لو معهم واحد زملكاوي كان نزل عليه ودبغه علشان ما يعودها مره ثانيه ههههههههههههههههههه


- احلى شي في المباراة ان ميسي اول مره يجيب هدف على فريق يدربه مورينهو
ورد عليه كرستيانو بأول هدف يحرزه في الديربي وكلها من ضربات جزاء


- الظاهرالشهر هذا بنمل فيه من كثر شوفة الديربي الي أتصور إنه ما ينمل من شوفته
طالما التنافس هذا موجود فيه