للأمانة مباراة حلوة من الطرفين ! .. تكتيك وهجمات من هنا ومن هنا وماخربها الا رعونة الحكم في أغلب الأخطاء ! ..

لو بنتكلم عن التحكيم فبنلاحظ إن الطرفين إنظلموا وبالنسبة لي أنا بشكل مساوي يعني الريال انظلم في كذا كورة معينة والبرشا إنظلم بنفس العدد في كذا كورة ! .. أخطاء من بيبي بالجملة بدون سماع الصفارة ! .. بلنتي مارسيلو الفيش يستحق الطرد ! .. وأخطاء واجد في منتصف الملعب تحسب بالعكس ! .. اللي على الكورة تحسب فاول واللي خطأ الصريح يمشي فيه اللعب ! ..

بالمختصر حكم معاق بكل ماللكلمة من معنى


خلنا من الحكم الزلابة بس







مورينهو اليوم مالعب مثل ماقال البعض بشكل جبان لإنه يدافع .. بالعكس لعب مورينهو على نقطتين اليوم ! .. الأولى ما أخسر وتنعدم نفسيات لعيبتي ! .. والثانية إيقاف همينة البرسا أخر سنتين حتى ولو بتعادل ! ..

وبالفعل نجح بالثنتين وبشكل ذكي ! .. قفل ملعب وحط لاعب محور يجلد ومايحتاج أقول منهو .. ولعب على المرتدات بالإستعانة بسرعة كذا لاعب وعلى رأسهم دي ماريا المعاق .. لكنه خذله بسبب رعونته .. لاعب كويس دي ماريا وإمكانياته خيآآآآل ! .. لكن مخه غبي .. الكورة اللي بالشوط الأول لو عرضها كان فيه 2 من لعيبة الريال على خط الـ 6 ياردة ! .. بنسبة 80 % لو عرضها قول .. لكن مثل ماقلت مخه مقفل ..

برضو شئ ثاني وهو تعامل مورينهو مع الطرد ! .. والله أهنيه على التعامل ! .. وازن فريقه والله كأنهم يلعبون بـ 11 ! .. يهجم ويدافع ويهدد الخصم وبغى يسجل في أكثر من كورة ولكن الحمد لله إن هجومهم كان متمثل في ناقة ماهو بني أدم ..

سحب ألونسو ونزل أربيلوا عشان يعيد التوازن الدفاعي ! .. نزل أوزيل عشان يمتلك كرة ولو بشكل بسيط وبـ هالإستلام البسيط سجل هدف وصنع أكثر من كورة التركي .. سحب دي ماريا وإنزال اديبايور مو لإن أديبايور لاعب فذ .. لا بالعكس عشان دي ماريا زلابة ولا منه فائدة قال خل أنزل ذا إسم مهاجم بس عشان ماتفرغ منطقتهم الدفاعية ..

تعامل قمة في الروعة من السبيشل فايف خخخ ..




الريال اليوم لعيبته الأغلب كانوا في الفورما ! .. والبعض كان عادي ! .. والبعض زلابة ! .. والبعض فوووووووق ..


قلوب الدفاع اليوم أدوا المطلوب ماعدا السباك البيول واللي حرام فيه الكرت الأحمر .. كان ودنا يخدمنا بنهائي الكأس .. للأسف كان ظالم الحكم خخخ .. والبقية من راموس الى مارسيلو و كارفيلهو مستوى ثابت قدروا يشيلون فيه الدفاع حتى بعد النقص ! .. ولاننسى جهد مارسيلو بالبلنتي ! ..

النص يتفاوت بين عادي وزلابة ومصارع ..

دي ماريا كان كويس كإجتهاد فقط من دون فعالية ! .. كان يركض ويراوغ لكن على قل سنع ! .. الوقت اللي المفروض يطق فيه بأوفر كان يشوت مع العلم إن الزاوية صعبة زائد إنه قدامه مدافع ووراه فالديس مسكر فما أدري وش يحس فيه خخخ ..

ألونسو ماهو ألونسو قدام البرشا ليه ما أدري ؟ .. العادة هو اللي يمشي لك النص من إلى لكن اليوم ماشفنا هالشئ ولاندري وش الأسباب اللي يرجع لها نزول هالمستوى من تشابي ! .. مانقول الا عساه دوم ..

بيبي .. عليك من الله ماتستحق خخخ ..

اللي سواه اليوم هو يفيد مع نص البرشا ! .. مو بس تقطع الكورة ! .. لا ! .. لازم تدافش معه وتشوته وتضايقه ولا تخليه يرفع راسه لإن مالك الا الحل هذا .. بحكم إن نصنا الأفضل بالعالم كإستحواذ وكفعالية بصنع الهجمات .. فما ينفع معه الأسلوب العادي .. ماينفع أنك تراقب الخصم بس ! .. لا إظغط عليه ودفه وأرفع ظغطه ولا تخليه يرفع راسه ! .. هالشئ سواه بيبي وبإمتياز ! .. مايرتاح خصمه بالكورة ! .. يمرر سريع ولا يخليه يرفع راسه وشفنا قلت خطورة نص البرشا ! .. ومع ذلك مستحوذ بنسبة 70 % .. يلعن أبو الطغيان ياشيخ .. لكن الكلام إن الفعالية قلت بوجود ناس تجلد مثل بيبي بالنص ..

أوزيل كبديل روعة ! .. ينزل بثقة ! .. تحضين ! .. توزيع لعب ! .. روقآن لا قالوا لك روقآآآن ! .. خش صنع الخطورة للأمانة ! .. بدينا نشوف شئ من التنظيم بنص الريال بنزوله ! .. ورقة عرف يستفيد منها مورينهو أحلى إستفادة ! ..

كل هذا بكوم وفك النحس عند رونالدو بكوم .. أحس لو ماحد يشوفه كان رقص اليوم خخخ .. بينه وبين نفسه بعد الهدف أحسه يقول مابغت تدخل يلعن امها خخخ ..


النتيجة مرضية للريال معنويا بالتعادل ! .. خصوصا بعد اللعب بـ 10 لاعبين وخطف النقطة ! .. وإيقاف الهيمنة من سنتين .. دوافع كويسة للعيبة الريال عشان يستردون الثقة بأنفسهم ويقدمون مباراة حلوة بالنهائي ..




بالنسبة لنا ..

أدينا اللي علينا ولولا خروج بويول كان إحتمال كبير تظل النتيجة على ماهي عليه لإن نزول كيتا شال مننا خاصية السلاسة بالنص ! .. صار فيه شوية بطئ بالتمرير وأغلب التمريرات كانت للخلف ! .. بمعنى إنه نصنا فقد عنصر من منظوميته وأدت الى استحواذ من الريال اخر المباراة وخطف هدف بالأخير ! ..

لعبنا بنفس طريقتنا لكن كان فيه هبوط مستوى من كذا لاعب وعلى رأسهم فيا وبيدرو ! .. ومع هبوطهم صار فيه هبوط بشكل بسيط بالأداء بشكل عام ! .. إعتمدنا على الاستحواذ وبشكل هادئ نبني الهجمة ! .. نمنع الخصم من إمتلاك الكورة ! .. وبشكل تدريجي يرتفع النسق ونبدى نظغط ! .. على قد امسوى مورينهو بوضع بيبي بالنص والظغط على لعيبتنا واللي بالفعل حد من خطورتنا لكن ماقتلها ! .. كنا نستحوذ والإحصائية تثبت ! .. بشكل عام لعبنا مطمن وبشكل كبير ! .. الفريق صنع فرصة محققة ! .. وسجل ! .. وإستحوذ ! .. أمور تخليك تتطمن على الكلاسيكوهات الجاية ..

كأداء بالشوط الأول ماعليه كلام ! .. رجوع بويول رجع الشئ الكثير لخط الدفاع ! .. شفنا كيف التنظيم وشفنا هو كيف شايل الدفاع ! .. وبرضو شفنا ( ياكثر ماتشوف خخ ) كيف هبط مستوى الدفاع بخروجه ! .. لاعب له ثقله بخط الدفاع وبتواجده يصعب على أفضل الفرق الهجومية تخطي هالخط وهو فيه ! ..

أدريانو أثبت إن الجهة اليسرى له وبيركن ماكسويل إحتياط ! .. يأدي بنفس رتم ألفيش وبدرجة أقل يشوي ! .. يظغط ويتقدم بنفس الرتم ! .. ودائم مايكون أول المتراجعين للتغطية ! .. يحاول كل مرة إنه يثبت لبيب إنه يستاهل هالمركز أكثر من غيره ! ..

فيا وبيدرو كان مستواهم عادي ! .. فيا أنا اليوم بعكس البعض أعجبني < بينجلد .. كان ناقصه يثبت بس ! .. ولا الولد دائم يحصل لنفسه المساحة ! .. يتسلل من قلوب الريال مرة ومرتين وثلاث ! .. وفي كل مرة مايستلم صح بس .. لو إستلم وضيع بقول إنه درج .. بس كإستلام خصوصا إن الكرات طويلة شوي فتكون صعبة شوي فأعذره هنا ! .. واذآ اليوم ضيع 3 ! ..الأربعاء ماظنيت الأربعاء بيضيعهم مرة ثانية ..

بيدرو يمكن لإن توه مارجع جو المباريات ماشفنا منه أدائه المعتاد واللي يمتاز فيه بالحركة طول الـ 90 الدقيقة ! .. كهجوم أو حتى كمساندة للدفاع ! .. أتوقع لإصابته السبب الأكبر في قلة فعاليته اليوم ! ..


,,


أخبرا وكمستوى عام المباراة كانت عادلة للطرفين ! .. الريال نقص وعادل بعد النقص ووقف هيمنة البرشا في أصعب الظروف ! .. البرشا إستحوذ وهدد وسجل في ملعب الريال وخطف نقطة قربته للدوري ! .. وبرضو الإثنين عانوا من التحكيم بنسبة متقاربة ..

متعونا اليوم وإن شاء الله الوعد الاربعاء بمتعة أخرى ..

سلآم عليكم