واللـه من ناحية واسطات فانت مو الاول اللي يشتكي منها ولا الاخير

لكن في نادينا بشكل مبالغ فيه

ما ادري ليه ما تشكل لجنة متابعه سواء من الامير بندر بن محمد او الامير عبدالرحمن بن مساعد

او يكون فيه عضو منتدب اهل للثقه من احد هالاميرين بما انهم اعلى هرمين حاليا في الاداره الهلاليه

يعني كل ما اتذكر عيال عطيف والغنام اللي تركوا الهلال بعد ما تقدموا له وخيبت امالهم بفعل الواسطه

اتأثر والله .. وقمة القهر ان الهلال رجع واشترى الغنام تقريبا بعد كم سنه من تقدمه للنادي ورفضه من نادي الشباب بـ 15 مليون اذا ما اخطأت بمعلوماتي

نتعب من ناحية الدرجات السنيه والله نتعب والمحصله واضحه في كأس الامير فيصل

لا احد يعلل تفوق الفريق الاول بقوة المدرسه لأن الاغلبيه لم ينشأو في مدرسة الهلال الا الشلهوب تقريبا .. وشوفوا كم عمر الشلهوب .. صحيح فيه الدوسري والعابد حاليا لكن احنا ما نبي اسمين ثلاثه فقط

نبي مدرسه بمعنى الكلمه تجد الاهتمام المطلوب وتخرج اكثر من لاعب كل موسم

يارب اصلح الحال