نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - // ابريل أرجوك كن رحيماً بي وأحسم لي المعادلات الـ 4 //

FLORINTINO · #5 13/04/2011, 09:31 PM

إقتباس

الرسالة الأصلية كتبت بواسطة C A M P - N O U


	ابـريل ! اتوقع انه بيكون الشهر الأمتع في تاريخ مشجعيّ الناديين مدريد ممكن يقلبون موازيين كرة القدم في العقد الأخير في هالـ18 يوم ! 18 يوم بس ! ممكن تقلب تفوق برشلونه اللي دام 3 سنوات لـ حد هذي اللحظه ! مااتوقع فيه فرصه اقوى من هذي للريال انه مو بس يوازي برشلونه بمستواه ,, لا ! جته فرصه انه يقلب تفوق برشلونه لتفوق له هو ! طبعاً كلامي مهوب تنقيص بمستوى الريال قد ماهو واقع طبعاً باستثناء هالموسم ،، لو قدر الريال ياخذ 4/4 ،، بينقلب تفوق برشلونه إلى تفوق للريال ! ولو قدر برشلونه ياخذ 4/4 ،، بتطول رجعة الريال " كثيراً " ! طبعاً التاريخ كله بيتسطر بـ 18 يوم ،، بكل امانه شي تعجز عن انتظاره كـ مشجع ! طبعاً مااتوقع ان هذا موضوع للتمنيات لأنه لو انقلب كذا بتكثر الإنبرااشات ,,

+1

==

نقطة بسيطة لفتت نظري من ردود بعض الأخوه .. الي هي كيف نحسب الي وصل له الريال حتى الآن أنجاز ؟! .. كـ كلام على منطق ان الأسم الي نتكلم عنه ريال مدريد اوكي متفق معكم بدرجة كبيرة .. لكن لما نشوف واقع الحال .. هنا الامور تفرق معنا كثير .

معليش بس من متى اي فريق يجيب له مجموعه لاعبين ومدرب ويوصل لـ ادوار متقدمة مع وجود ضغط كبير مش موجود بأي نادي بالعالم صار شي عادي ؟! .. اوكي مورينيو احسن مدرب في العالم بس هذا ما يعني انو بينجح .. لأنو النجاح شي يعتمد على العمل أولا ثم التوفيق .. مورينيو اوكي عمل .. لكن ممكن يروح كل الي عمله في لحظة يغيب عنه التوفيق فيها ..

النقطة الأخرى .. متى الفريق يوصل لـ التجانس المطلوب ؟! .. اصلا كلامنا كله عن التجانس .. واتوقع فيصل يقصد هالشي بالموضوع .. الفريق لحد الآن ما تشرب طريقة المو 100% وهذا شي يشوفه البعيد قبل القريب .. لكن الشيء الطيب ان الفريق كـ عقليه وتنظيم تغير بدرجة كبيرة .. الأنسجام والتجانس هذي امور يبغالها وقت واحنا في النهاية راح نصبر لين نشوف فريقنا بالمكان الي تعودنا نشوفه فيه .. لكن اننا نحكم على الفريق انه وصل لمرحلة عاديه لو ان شاء الله تأهلنا اليوم و وصلنا لـ السيمي فاينل ؟! .. بصراحة شي مو عادي بالعكس المدريدي ما كان متوقع ان الفريق راح يوصل لهـ الدور ابداً ..

قبل الموسم كان طموحنا بطولة مع كسر لـ عقدة التشامب .. حتى الآن المو ماشي على الي نبغاه .. كسرنا عقدة الـ 16 .. باقي لنا بطولة وان شاء الله ربي يكرمنا ونلقط الكوبا لأنها بطولتنا واحنا الي نستاهلها بالنظر لـ طريق البطولة الصعب جداً علينا والمفروش بالورود لـ البرسا

.. الدوري من زمان سلمت بـ خسارته .. والتشامب لو طلعنا برضوا شي عادي .. الأهم كأس خوان كارلوس لا يطلع من مدريد

.

فيه نقطة اخرى .. والي هي مقارنة عمل المو بـ عمل بيب موسم الثلاثيه .. لكن فعلاً ما فيه اي مجال لـ المقارنه بين الحالتين .. مش تقليل من بيب بس هو استلم فريق جاهز ولاعبين بكوالتي خالع .. الي سواه بيب مش غريب لأنه قريب من النادي واذا منب غلطان كان مدرب Barca B لذلك عارف قصة ’ الخراف السوداء ‘ والي خلته يصر على طلعة الدينهو و ديكو وباقي الشلة المحترمة .. في المقابل عمل ميركاتو خورافي وطعم فريقه بلاعبين في مراكز محتاج لها التيم نظراً لـ اطلاعه على الفريق من قرب وكذلك علمه بحاجات الفريق ..

نقطة بيب استلم فريق جاهز .. وبأسهب في الكلام عن تشافي وانيستا .. لأني اشوف الناس ترجع لـ الفضل لـ بيب في اكتشافهم .. لكن الناس متى عرفت تشافي وانيستا .. او بالأحرى متى شفنا الأثنين يلعبون بهالطريقة ؟! .. مو الفضل يرجع لـ اراغونيس ؟؟ .. ولا انا اتوهم يا عيال خخخخ .. من خلال متابعتي لهم من هاك الفترة وحتى الأن اراغونيس هو الي له اليد الطولى في بروزهم .. نفس طريقة لعبهم وظفها لويس صح ولقط اليورو بمجهودات كبيرة ساعده فيها عقليه لاعبين البرسا .. ونشوف كيف تأثير طريقة البرسا على اللاروخا حتى بعد هالأكتشاف ..

اذاً .. البرسا استفد كثير من تيم اللاروخا الي اخذ اليورو .. اضافة الى قرب غوارديولا من الفريق .. والميركاتو البطل الي عملوه .. كل هالنقاط وصلت البرسا لـ البطولات الكبيرة .. ما ننكر الكوتشينغ الكبير الي عند بيب .. والي اقدره حقيقة وبالنسبة لي اشوف بيب البرسا من اصعب المدربين التكتيكين الي ممكن تواجههم في الملعب .. لكن فيه ظروف وتفاصيل صغيرة تحسم لك بطولات .. وللأسف التاريخ ما يذكرها .

يعطيكم العافية .. ويعطيك العافيه فيصل على هالموضوع