نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

BENZEMA10 · #15102 13/04/2011, 03:08 AM

الرد إهداء لمملكة الريال

و لصديقي قناص

اللي سحبت عليه من اول يوم واعدته إني أنضبط

قاتل الله النفسيات

أنا أعتبر الموسم الأول مدّه غير كافيه لمورينهو علشان ينافس على البطولات الكبيره
لحاجته للوقت و لإنسجام المجموعه علشان تطبق أفكاره و خططه ..
بالإضافه لتاريخ المدرب في مواسمه الأولى في إنقلترا مع تشيلسي و في إيطاليا مع إنتر ميلان ..
و بالنظر لفريق مثل الريال عنده من المشاكل و الضغوط الإعلاميه و الجماهيريه اللي تصعّب مهمة أي شخص يعمل فيه ..
أيضا بخلاف المنافس المباشر تقاليد الليغا و إسلوب اللعب يعتبر تجربه جديده لمورينهو اللي متعود على الإندفاع البدني و التحفظ في البريميرليق و الكالتشيو ..
أضيف عليها ضعف المنافسه و قلّة الإختبارات الحقيقيه المشابهه لمباريات البطولات الكبرى و هذا يزيد الحمل أكثر على المدرب..

مورينهو من أول يوم له في الفالديبيباس قاعد يعّد الريال كفريق :
(سريع - مهاري - قوي بدنيّا - صاحب لياقه عاليه - عنده زاد بشري)
يشتغل على بناء فريق قوي في كل الخطوط (حارس متمكن - دفاع متمكن - وسط متمكن - هجوم متمكن)
يقدر يلعب بأكثر من طريقه حسب الظرف و بإجاده و تمكّن ..
*(أقرب مثال للشكل اللي يبغى يوصل له مورينهو هو مانشيستر 2007)

لو نتكلم عن الفريق كامل كعناصر و إنه تأقلم بشكل كامل خلال هالمدّه هذا غير صحيح من وجهة نظري ..
لاعبي الريال إلى فتره قريبه قاعدين يتعلّمون و ما وصلوا لدرجة الإنسجام اللي تخليه يلعب بسيستم محفوظ عند اللاعبين
و لعل أقرب دليل على كلامي هو المباريات التافهه اللي تعثر فيها الفريق بشكل يدّل على أن المشكله كانت
في أن الفريق بحاجه أكثر لمرور الوقت حتى يقدر يتكيّف و يعرف يتعامل بإيجابيّه مع إختلاف و تنوع أساليب و خطط المنافسين ..

مورينهو من بداية الموسم كان يرّقع مشاكل التفاهم و الإنسجام (اللي بدينا نشوف شي يبشّر منها مع الأيام)
داخل الملعب بتدخلاته في الوقت المناسب بإدارته الناجحه للمباريات

ولو نلاحظ اللاعبين تجد أن الأغلب ما شفنا إلا قليل من إبداعهم بسبب إتّباعهم لتعليمات المدرب ..
عدد بسيط من اللاعبين مع مورينهو يلعبون بشكل تلقائي (ألونسو - رونالدو - مارسيلو) و شيء ما أوزيل ..
البقيّه تنتظر التعليمات اللي جايه من الكوتش و تطبّقها كما يجب ..
دي ماريا اللاعب الوحيد تقريبا اللي يحسسنا إنه مرافق لمورينهو من أول يوم درّب فيه كوره لأنه يجمع ما بين أهم نقطتين
(اللعب التلقائي و تطبيق المهام) غير إنه لاعب جديد في الفريق مقارنه بالثلاثي اللي فوق .. مع أمكانية التحسّن أكثر و أكثر للأرجنتيني ..

خلونا نتخيّل مع مرور الوقت و المدرب يفتح المجال لإبداع اللعيبه داخل الملعب بعد تشرّبهم طريقة عمل الفريق
وين تتوقعون بيوصل الريال بأسماء موهوبه و عندها كمية إبداع مثل أوزيل و بنزيما و راموس بالإضافه للثلاثي اللي ذكرتهم ..؟!

طبيعي إن الريال ينافس في الليغا كنادي كبير .. و من عرفنا الكوره إن الكبار ينافسون حتى مع اسوء الظروف
لكن الغير طبيعي إنه ينافس في التشامبيونز و يوصل لنهائي الكاس و إلى فتره قريبه في الليغا كان خلف المتصدر و كان بإمكانه خطف الصداره
لو إستفاد من تعثرات الغريم و حقق نتائج إيجابيه في المباريات اللي تعثر فيها ..
و رغم هذا و مع تبقي 7 جولات , الفريق (حسابيا) له أمل في الدوري ..
بناء عن البربره اللي فوق الريال قاعد ينافس على 3 بطولات هذا و الفريق لسّى ما وصل لأعلى درجات الإنسجام ..

اللي يسويه مورينهو إنجاز فوق المتوقع لأن فيه عدّة أسباب كانت ضد أن يصل الريال إلى ما وصل له حتى اللحظه
لكن مورينهو بقدراته و بإسلوبه و بخبرته و بنجاحه غالبا في التعامل مع مختلف الظروف إداريّا و فنّيا
إختصر على الفريق بعض المراحل اللي إن شاء الله راح تتعدّل بشكل تلقائي من اللاعبين مع مرور الوقت ..

كل التوفيق للفريق في الحصول على الأهم ثم المهم في شهر الحصاد و بالنسبه لي كأس الملك يجي بعدها كلاسيكو التشامبيونز ..
شعوري بخصوص أبريل هو تفاؤل مع تحفّظ , أكيد تعرفون هالشعور هههههههههههههه

..

أدري إن الرد بدون ترتيب و بدون وضوح بس كل اللي عليك إنك تحاول تفهم السالفه ههههههههههههههه

..
يعطيكم العافيه و المعذره على الغياب

..