إقتباس الرسالة الأصلية كتبت بواسطة باسكن روبنز صباحكم سنكرس لونه اونج << الجديد ماعرف اسمه ولا عمري صوت في المواضيع التي تنتشر سواء في المنتديات او الايميلات ومثل ماتفضلت نبينا الكريم مو محتاج تصويت حتى نثبت انه سيد البشرية والحين طايحين بالتصويت للخليج العربي ولا يزعلون حنا نسمية خليج عربي وهم يسمونه خليج فارسي وحتى لو اتفرضنا انهم سموه فارسي ماعتقد بيضرنا دام حدودنا عليه هي الاطول هلالي من ارض اليمن الله يرجعك بالسلامة يا عريس ماجد شكراً على الموضوع الخفيف الي مثل طعم السنكرس ايوااا نسيت وش دخل ابراهيم في التصويت

هلا بمحلات الايس كريم كل ابوها
حياك الله اختي باسكن
وانا اكثر ما دبل كبدي ها الايام سالفة التصويت للخليج العربي مدري الفارسي
الحين خلصنا كل مشاكلنا مع ايران ما بقى الا سالفة ها الخليج !!
وبعدين الدعوه سايبه كل ما بغى قوقل يغير اسم يحط تصويت
اخاف بكره يسوون تصويت اسم الهلال الى القمر

شكرا باسكن هذا المرور اللي مثل ايسكريم السنكرس
بالتوفيق لك دائماً .

إقتباس الرسالة الأصلية كتبت بواسطة داق لطمة والله انك صاادق يا ابو مققبل ياخووي الكبير والله انها دلآخه وقمممة في الغباااء اذا جاك راابط فيه قم بالتصويت لخير البشر عليه الصلآة والسلآم سلآماات وش تصويته نبينا عليه الصلاة والسلام اشرف من التصويت ولا هو بحاجة للتصويت .. لا واللي يقهر ويفقع القلب اذا جاك باخر الايميل انشر تؤجر الله يشفيهم بس << ماني ناشر ومابي اجر من ورى هالتصويتات ،، وبععدين انتبه لا يدري العرريس ض1 ض1 عن قهوة الثلاثاء اسممع عندي لك فككرتن رائعتن وجميلتن انت سوي لك قهوة وانا اول زبون لك وخلها يوم السبت الظهر احلى وقت ض1 ض1 << مقهى شيشة يعطيك العافية يا ماجد مقبل << والله انه احلى عليك ض1

هلا بك اخوي داق لطمه سابقاً
وفكرة المقهى ما هي شينة بس ابيك تجيب لي تصريح نحط معسل صدقني تلقى الزباين بالهبل
والمكسب ففتي ففتي
والله يستر من عريسنا لا يجي وينصدم بالموضوع
تسلم يالغالي وانت الاحلى وخلاص ماجد مقبل انتهى زمانه

دمت بخير دائماً

إقتباس الرسالة الأصلية كتبت بواسطة الاسطورة واحد أهلين ماجد ... وش ذا الانقلاب على طارق ما صدقت يروح الا وتأخذ مكانه .. المسيكين راح يبي ينبسط ، ما يدري أنك تبي تستغل الفرصة بخصوص التصويت أعتقد أن ( فكرة التصويت ) فكرة جيدة وتدل على الديمقراطية .. ولكن التصويتات اللى أزعجونا فيها العالم سواءً عن الدين أو الشخصيات أو المسميات ، فهي ضحك على العقليات ، ومثل ما قلت يا ماجد هي محاولات للكسب من وراءه وأن أختلفت المكاسب من جهة إلى أخرى . عموماً أتمنى أن لا ننساق خلف أي محاولات لإثارة الرأي الإسلامي أو الشخصي، ونفكر قبل أن ننساق خلف تلك التصويتات وهل التصويت في مثل هالمواضيع والقضايا سيجدي نفعاً أو لا ..

هلا وغلا اخوي ابو صالح
والدنيا مولعة انقلابات ليه ما ننقلب ومثل ما قلت هي فرصة واستغليتها

بالفعل التصويت فكرة جيدة ولكن المشكلة في الهدف منها في بعض الاحيان يكون الهدف منه مجهول
او غير مقبول وفيه استغلال وهذا ما نرفضه .. اما اذا كان مفيد وواضح فهو جيد ورائع ..

شكرا لك اسطورتنا هذا الحضور الجميل
بالتوفيق لك دائماً .

إقتباس الرسالة الأصلية كتبت بواسطة هـــ الشماسيةـــلالي وين أنت ياطارق ورثكـ ماجد وأنت حيّ ترزق اسم الله عليكـ أوافقكـ الرأي بأن تلكـ التصويتات هراء والغرض منها إما : ـ ربحٌ مادي . ـ أو تسويق لموقع أو قناة . بيد أني استثني من ذلكم الهراء ماكان لفائدة عائدة أيًّا كانت كـ : ـ الاستبانات التي تطرح لغرض ما إما لتلافي الأخطاء من خلال مرئيات الناس , أو لمعرفة رأي العامة والمتابعين كالسؤال الذي يطرح عادة في برنامج عبدالعزيز قاسم على قناة دليل كل جمعة . هذا ما حضرني الآن وأحببت الإدلاء به ..

هلا بك اخوي ابو يوسف
وابد العين ما يعلو على الحاجب انا حدي افتح مطعم صيدلية اما قهوة ما تصلح لي
بس ها الاسبوعين نستغل شهر العسل بتاع طارق ونعيش الجو
وكما ذكرت هناك تصويت مفيد وهناك تصويت هراء ومضيعه للوقت
واعتقد اي شخص عاقل يستطيع ان يفرق بينهما

شكرا لك اخوي عبد الله
والله يعطيك العافية على ها التواجد الطيب .

بالتوفيق لك دائماً .