zaidan انا متأكد ان هذا الأخ غير سعودي
لأن نفس الرد الي واضح في هذا الموضوع واضح في موضوع اخر
وايضا ردة لإدارة نقل المباريات وهي تنقل مباراة المنتخب الوديه وقال فيها فكونا منهم هذا منتدى جمهور الهلال وليس منتدى المنتخب
انا متأكد يا شباب ان ما فيه واحد حلل ايش الخطأ في خروج المنتخب من كأس الخليج
كل واحد من الجمهور السعودي قام يحمل الفريق المنافس مسؤولية الخروج
النصراويين حملوها فينا الهلاليين رغم وجود ثلاث لاعبين فقط من الهلال كأساسيين
واحنا حملناها في لاعبي الاتحاد ونور تحديدا
وانا احملها في جميع اللاعبين والاداريين والرئيس العام لرعاية الشباب
نعم الجميع يتحملون المسؤوليه
شفنا اللاعبين وكيف يلعبون هل كان فيهم واحد يلعب بروح قتاليه عاليه ؟
ما ابي الفنيات عطني لاعب يلعب بروح قتاليه وانا اهديك الفوز اللاعب اذا دخل المباراة بشكل انهزامي مستحيل يفوز شوفوا ريال مدريد على الرغم من كوكبة النجوم الموجوده فيه ماذا فعل الموسم الماضي انا اجزم ان الفريق لا يلعب بروح والمهارات لا تفيد في ظل عدم وجود روح
بعض الجماهير الي هنا في المنتدى يقولون ان المنتخب ما فيه خير في اللاعبين الموجودين فيه
وانا اقول صحيح ان اللاعبين على الورق مو افضل الموجودين ولكن اللاعب متى ما لعب بروح قتاليه فبإستطاعته الفوز ومتى ما دخل المباراه وطموحه الفوز وانه سيفعل المستحيل لكي يفوز فسنرى منتخب ينافس المنتخبات العالميه
منتخبنا في كأس العالم 94 على الرغم من وجود النجوم الي فيه ولكن من ينكر ان هذاك المنتخب كان يلعب بروح قتاليه عاليه
شفنا فؤاد انور اذا سجل هدف وش يسوي ياخذ لفتين حول الملعب من الفرحه شفنا اللاعبين يقاتلون في الملعب للحصول على الكره كانوا يلعبون بروح اكثر من لعبهم بمهاراتهم
سعيد العويران وهدفه في بلجيكا صحيح انه من نصف الملعب ولكن لو تابعتوا الهدف كويس كان شفتوا العويران يلعب بجسمه اكثر من فنياته ما خاف على جسمه هذا اللاعب الي يلعب بروح قتاليه ولكن للأسف الآن من هناك ابراهيم السويد الي ما يتحرك في الملعب ولا العويران الي تاه في الملعب وجميع اللاعبين للأسف ليس لديهم الروح للأسف
وآسف على الإطاله