نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ●][ رابطة عشاق فالنسيا 2010 ~ 2011 ][ Amunt Valencia ][ ●

ץάмύйτ έмέя · #3038 09/04/2011, 02:31 AM

إقتباس


	تناقض نفسك ؟ يعني إنهزمنا البلا بـ اللاعبين ، إنهزم الريال حطيتها فـ مورينهو !!

انا قلت مثل ماتحطون كل هزيمة على ايمري ليش ماتحطون كل هزيمه لـ الريال على مورينيو
بالعكس اغلب مشجعي الريال يحطون الهزيمه على اللاعبين بعد المبارة

وبعدين لا تقارن بين الفريقين
لانك في مدريد المفروض ينحط اللوم بالكامل على المدرب لان كل شي متوفر له
لكن فالنسيا متوفر لـ ايمري حميـر في الملعـب ولازم يفهمهم وشهي الكـوره

إقتباس


	تـراك إنرقعـت من سرقسطة 4 !!

5 في كـلاكسيكو اكبر من 4 بعد خروج اوروبي وتأثر اللاعبيـن
5 في كـلاكسيكو كل العالم يشـوفه
5 في كـلاكسيكو مشغلينا فيه قبل شهـرين

إقتباس


	مسألة البطولات تعتمد على كيفية تعامل المدرب مع لعيبتـه وكيف يدعمهم نفسياً غير تكتيكه شف بيب كيف غيّر برشلونة وخلاّ الفريق يأدي بـ شكل خرافي ويلعب على ملعبه وبرى ملعبه فرري

اي نفسيه واي تعامل يرحم والديك
يعني تقارن بالله بين احتياطي برشلونه وبين فريق فالنسيا !؟
ياخـوي والله لو يلعب برشلونه بدون مدرب ليفـوز علينا لو نحط مورينيو ابو 5 مدرب

الفريق الي يبغى بطولات لازم يكون عنده لاعبين مميزين في كل الخطوط
اما النفسيه وهـ الكلام هذا جديد واول مره اسمعه

وبعد لا تنسى ان بيب غير فريقه الاساسي عنده مدرسه تنتج له بلاوي كرويه
غير الاسطوره ميسي الي رجله اليمنى اغلى من جميع لاعبي فالنسيا

إقتباس


	ماعنده مشاكل ويرقّع ويمشي .. إمكانيات اللاعبين عالية صح لكن ماهي كافية أبد إلاّ بـ فكر مدرب يعرف كيف يتعامل معها !

صحيح فكر مدرب يتعامل مع عباقره مثل تشافي و انيستا

اصلا مايحتاج نتناقش في هـ الموضوع
يكفي تعرف ان 8 لاعبين من منتخب اسبانيا الفائز بـ كأس العالم من برشلـونه
و مافيه الا لاعب واحد فالنساوي !!!!!!!!!!!
والا بعد حسن حسني غلطان لانه ما ياخذ من العاهات الي عندنا
والا صح التعامل النفسي مع العاهات صعب وصعب جدا

إقتباس


	تشوف الأسماء ؟ لكن ماسوت هـ الأسماء شيء لـ أن ماجاهم مدرب يعرف يتعامل وإذا المدرب ماعرف يتعامل صح مع العاهات على قولتـك كيف بـ يتعامل مع غيرهم ؟

ومن الي الغاء دور المـدرب !!؟
المدرب له دور مثله مثل اللاعبين
واللاعبين لوحدهم مايقدرون يسوون شي وهذا الحاصل في الريال حاليا
ولكن انت بكلامك محسسني ان ايمـري ماهو مسوي اي شي
يعني الاداره حتى هي غبيه لانها ماهي حاطه اي بطوله ضمن اهدافها !!!!
غريب امرك بصراحه
اذا الاداره بنفسها عارفه امكانيات اللاعبين الموجودين عندها وعارفه ان اقصي شي ممكن يسوونه المركز الثالث تجي انت وتبغاهم ياخذون بطوله
اذا المنسق الفني يطلع ويصرح ويقول اننا نشتغل عشان نوصل لـ مستوى برشلونه و الريال خلال 3 سنوات فهو يعرف وش قاعد يقول وفاهم ان الفريق الحالي اقل من طموح فالنسيا ولكن الظروف حدتنا عليهم
واذا طلعت اخبار وان النادي خلاص بينسى سياسة التعاقد مع اللاعبين المجانيين والسبب انها قللت من قوة النادي والخطوه القادمه تهدف لـ رفع مستوى الفريق بالتعاقد مع لاعبين ممتازين
يعني انا ابغى افهم انت وش تبغى اكثر من ان الاداره بنفسها تطلع وتقول حدنا المركز الثالث وهذا الشي الصحيح

إقتباس


	قسم بـ الله لو عندك عاهات وبدون حارس لكن عندك مدرب عنده مخ إن تنجح لكن إذا مدربك حتى المداوره ماهو عارف يطبقها صح وش ترجي من وراه ؟

اكثر كلمه اسمعها منك المداوره وماقد وضحت كيف ايمري استعملها خطاء هـ الموسم
والله العظيم اتحداك توضح كيف ومتى اصلا استعملها
لا ترمي كلام وبس وضح
ولاتقولي مثل كلام البعض انه يلعب كوستا ومايلعب بانيغا
لان هـ الكلام مضحك لـ درجه غبيه وتحسسني ان البعض مايدري وش عناصر الفريق !!

إقتباس


	ولا عاد تقارنه بـ بينيتز الفرق واضح مابين الشمس والفيّة !!

لا تجيب كلام من راسك !!
انا اقول بينيتز مستحيل ينجح معنا لان الفريق مايملك لاعبين
بينيتز مانجح مع فريق محقق الابطال والنجوم فيه بكثر التراب تبغاه ينجح مع ديالبيرت ونافارو !!؟
لا وبعد مع الانتر يصرف فشله ان الاداره ماتعاقدت مع لاعبين !!!
يلعن شكله لو هو عندنا كم بيطلب لاعب اجـل

إقتباس


	أرقامه حتى لو تجاوزت بينيتز لكن تبقى فوز وتعادل ! بينيتز جاب لك بطولات بـ أرقام أقل

قولي الاسماء الي كانت معه
ولاتنسى بعد تشوف الفرق بين ميزانيه هذاك الفريق والفريق الحالي

بصراحه من الغباء المقارنه بين الفترتيـن
اساطير مقابل عاهات

إقتباس


	وعلى فكرة الأرقام تجبرك تتخلى عن كلمة أدوريز عاهة تدري ليش ؟ لـ أنـه كان هداف الفريق في الدوري قبل رُباعية سولدادو

بالنسبة لي وضحت هالنقطه سابقا ولكن اكيد ماشفتها لانك ماقد دخلت معنا في نقاش
مايهمني كم سجل المهم اشوف اداءه بالملعب
سولدادو وحتى لما كان بـ 6 اهداف كنت افضله على ادوريز والكل هنا يشهد على هـ الكلام

إقتباس


	مع إنـه يمشي على نظام مداورة إيمري

حلــــوه مداوره !!
اغلب المباريات في الموسم لعب ايمري بـ مهاجميـن
واكثر من 90% من اهداف العاهه ماسجلها الا وسولدادو بجنبه
طبعا في حالة لعب ايمري بـ مهاجم واحد اكيد بيختار بين الاثنين والافضل في التدريبات والمناسب لـ المباراة بيلعب
يعني لو ايمري بغى يستخدم العرضيات اكيد الي بيلعب ادوريز ولو بغى يلعب على الارض بيلعب سولدادو

وبعدين حتى ولو استخدم ايمري المداوره في الهجوم يبقى شي عادي ومورينيو الان يطبقها وماحد قال شوفوه يداور تراه فاشل !!
عندك اكثر من مهاجم اكيد بتختار واحد لـ المباراة والا تبغاه يلعبهم كلهم مع بعـض
عندنا اثنين كل يوم لهم مزاج ولهم مستوى غير
اي مدرب بيحتار بينهم ولعل وعسى يسجلون عشان ايمري المسكين ماينحط كل شي بظهـره !!

عالعموم ابغى اعرف وش طموحك مع هـ الاسماء
اي بطوله تبغاها
ويرحم والديك لاتقول الدوري ولا الابطال

اووووووه صح نسيت اقولك ترى ايمري قبل كل موسم يعطونه 80 مليـون ويقولون له تنق لك لاعبين
انت اختار ومالك الا الي يرضيك
هذا الشي يحصل مع مورينيو وبالخير ينهي الموسم مثله مثل ايمـري الي يدخل موسمه بـ ميزانيه 0 لا وبفقدان اهم نجـومه

وبسألك في نهاية الموسم اذا طلع مورينيو بدون بطوله وش بتقـول عنه !!؟
والا عادي هذا مورينيـو !!؟

وايضا فارق الـ 8 نقاط بينه وبين برشلـونه
من يتحمله
مورينيو او اللاعبيــن !!؟
لا تقـول ايمـري تكفى

طبيعي يكون بين فالنسيا وبرشلونه والريال فارق كبير بسبب الصرف الخرافي في الناديين
ولكن غير الطبيعي ان يكون الفارق كبير بين ناديين لهما نفس الميزانيه وبالعكس الريال يصرف اكثر

إقتباس


	ياحبيبي الكبير هذا تراه جايب المركز الثالث اللي تتفاخر فيه من فشل الاخرين لو كان اشبيليه والاتلتك وفياريال بمستواهم والله ماتحصل ولا السادس ولعلمك السبشل ون ما انهزم الا بمبارتين وعانا انه ماعنده هجوم ومع ذلك ضبط التشكيل على العناصر اللي عنده والسبشل ون مايطلع مدافع ويلعب محور ولا يداور بين اللاعبين من اول الموسم ومهجد اللاعبين مايسهرون ولا يشربون ولا يحوس التشكيل من اول المباراة ويقعد يرقع بوسط المباراة وإذا على الارقام اللي فرحنين فيها وعدد مرات الفوز اقولك مو كلها من تكتيكه فيها حظ وفيها جهد لاعبين وترى ناصر الجوهر وصلنا لنهائي اسيا .

اسف فيصل ولكن كلام مضحك خصوصا في ناحية ان حتى الفوز ماينسب لـ ايمري !!
يعني بس الخساير الي تنسب له اما الفوز لـ اللاعبيــن

ولعلمك مورينيو انهـزم 3 مباريات
وبعدين وش الي ماعنده مهاجمين !!
تلعب علينا !!؟
اخـوي قالها في وجيههم اذا ماجبتوا لي مهاجم بسحب على ناديكم
ياخوي وين عايش انت
كل شي موفر له
ولكن في فالنسيا ايمري مجبور يمشي فريقه بـ الموجودين واذا طلب قالوا له اهجد بس !!

حاليا في الريال 3 مهاجمين
وف اصابة هيغوايين فيه 2
كيف ماعنده مهاجميـن !!

ولعلمك تراه لعب مباراتين بدون اي مهاجم وجماهير الريال تكلمت عن هـ الشي
وهـذا يسمى ترقيع ومع ذلك ماتكلمت عنـه !؟

اما المركز الثالث جاي بـ سبب سوء الانديه المنافسه فهالشي يأكد انكم ما همكم الا تقللون من ايمري حتى لو تقولون اي كلام
الموسم الماضي اخذ المركز الثالث والموسم هذا بعد
وين الاتلتيكو الي محقق الدوري الاوروبي والسوبر !!
وين فياريال الي هـ الموسم واصل لـ دور نصف النهائي من الدوري الاوربي
وين اشبيليه الي اخذ اللكبير مانزانو ومع ذلك هو تحت فالنسيا

شي غريب جدا
تلكموا بواقع عشان ينقبل الكـلام
عادي قولو ايمري مدرب اصغر من فالنسيا
قولو نبغى مدرب اكبر منه
لكن الي يشـوف وصفكم الحالي لـ ايمري يقول انه ماخذ الفريق لـ المركز العاشر

وبعدين اذا ايمري سي لهالدرجه ليش الانديه الي من حال فالنسيا مهتمه فيه !!؟
والا حتى هي بعد ساحرها ايمـري

وفيه شي بعد
الموسم هذا الريال تعاقد مع اربع لاعبين في الوسط
وكل واحد افضل من الثاني
بينما فالنسيا باع صانع اللعب الوحيد وماعوضه باي لاعب
الخلاصه ان وسط ريال مدريد الاحتياطي افضل من وسط فالنسيا ومع ذلك في الواقع وعلى ارض الملعب ماشفنا مورينيو يوضف هـ الامكانيات الهائله بـ شكل صحيح

مـدرب مجبـور ان يدخل لـ اي مباراة بدون صانع لعب والسبب ماعنده لاعبين ومع ذلك هو الغلطان لان المفروض يحول الخارق ديالبيرت لـ صانع لعـب
بعد التعاقد مع جـوناس بدء يستخدمه في هـ المركز وقدر يعـوض جزء بسيط من غياب صانع اللعب الحقيقي

اي مـدرب ينتظر من النادي توفير الادوات
اما بدونها اونقصانها لا تطالبـونه بـ خلق شي من لا شي !!

فيصل وش فيك مقتبس كلام علي كله

ترا فيه كلام مايعجبك
والا اهم شي انه مايبغى ايمـري

وبعدين انت بالذات يافيصل منت مقتنع بـ بابلو و نافارو و ديالبيرت ومادورو و ادوريز ومع ذلك تطلب من ايمري يحقق مركز اعلى من الثالث
اذا انت بـ مكان ايمـري ونص الفريق ماهو عاجبك وماعندك امكانيه تغيرهم وش بتسوي بالله ؟