فارس السكران ! . تكفى لا تتخيل خخ ! ..

غوارديولا اكيد فكره انه يحسم الدوري بدري بدري ! .. وخاصه ان الريال عنده مباره قويه مع بلباو ! ..

الفكره الي تفكر فيها فكره عكسيه بصراحه ! .. لان البرسا اقوى فريق في العالم حاليا ! .. ومهو محتاج انه يشتت فكر الفرق الثانيه الا نحن الي نحتاج اننا نشتت فكره بين البطولات ! ..

انا باقي مصر ان اسوء سيناريو حصل الاسبوع الماضي يوم فقدنا ال 3 نقاط امام خييخون ! .. لان المسأله مهي مسأله فقدان نقاط الا المسأله مسأله اننا ريحنا البرسا ! ..
لاني كنت مقتنع بنسبه كبيره ان الريال لو حقق الفوز البرسا بيتعثر في المدريغال ! .. لانه بيكون مضغوط وبيحس بالخطر وزيد عليها كمان انه كان يعاني من غيابات وارهاق ! ..
لكن خسرتنا ريحته ! .. وخلته يلعب بأريحيه وقدر يحقق الفوز مع انه قدم مستوى سيء امام فياريال ! ..

وذا الشيء يخليني ارجع وافكر في مباره السنتياغو ! .. وايش تعني لنا ؟! .. والاهم كيف بيلعبها مورينهو ! ..
لاني مقتنع ان مورينهو مستحيل يكشف اوراق مهمه في تكتيكه واسلوبه امام البرسا عشان 3 نقاط او حتى عشان ملعبه وجمهوره على حساب بطوله بنلعبها ضد نفس الفريق ! ..
لاني عندي تشائم في حال فوزنا ! .. وعندي تفائل في حال خرجنا بالتعادل او لا سمح الله الخساره ! ..

اتمنى انه يكون نسبه نجاحنا في المباريات القادمه معهم بنسبه 100 % مع اني اشوف انها اقرب للمستحيل بصراحه ! ..

احيانا اتفائل ! .. ولكن ارجع واتشائم برضو ! ..
معقوله نحقق فوز في السنتياغو وناخذ الكأس ونخرجهم في الابطال كلها مع بعض !؟! .. اتمنى والله ويارب تحصل ! ..
لكن ماش ماااخشت دماغي مع انه عندي قناعه ان غوارديولا مهو بالمدرب المحنك ويقدر يخطئ نفس الخطأ مره وثانيه وثالثه ورابعه ! ..
لكن المشكله في التوليفه الي عنده ! .. تلعب بنفس الاسلوب تحتاج شغل كبير عشان توقفها ! .. ولما توقفها بأسلوب معيين ويجدون حل تحتاج الى الشغل المهم والكبير مره ثانيه عشان توقفها ثاني ! ..

اهم مبارتين من اصل الاربعه ! .. اثنين ! ..
مباره الكأس ! .. ومباره السنتياغو ( ان شاء الله ) في نصف النهائي ! ..
ومتأكد ان مورينهو فكره كله على المبارتين ذي ! ..



داري اني صاجكم به ! ..

بس لازم على مورينهو انه يشتغل في كاكا اكثر واكثر وخاصه الاسبوع القادم ! .. عشان ترجع له حساسيه المباريات ! ..

مبارتين خارج الارض ! .. وكل وحده اقوى من الثانيه ( كفرق وكملاعب اتكلم .. مهو كطموح ونتائج ! ) ! ..
بلباو وتوتنهام ! .. لازم كاكا يشارك فيها كأساسي وحتى ولو كانت على حساب اننا نخسر الثلاث نقاط في بلباو ونقدم مستوى متواضع ( مهو يعني نخورها خخخ ) في لندن ! ..

لان اهم وقت يرجع لنا كاكا فيه هو الوقت ذا ! .. ولازم الورقه ذي تستغل في الوقت ذا ! .. وتكون مهمه ومفيده لنا ! ..

كاكا مانحتاج اننا نكرر ونقول مره واثنين وثلاثه انه نجم كبير وصاحب كاريزما اكبر ! ..
لكن لازم نستفيد من قيمته وخبرته وقوته ومهارته في الايام القادمه ! ..

انا بصراحه مااضمن اوزيل مع حبي الكبير له ! .. ومع اقتناعي انه ماكان سيء في المباره الاخيره ! .. لكن ظهوره الى الان في المباريات المهمه بالنسبه ( البرسا في الذهاب ! .. ليون في الذهاب والاياب ! .. وتوتنهام في الذهاب ! ) ماكان كبير وماكان ملفت وماكان له بصمه واضحه وصريحه فيها ! ..

اتمنى مااينفهم الموضوع ذا اني ضد اوزيل اكثر من انه ينفهم اننا نحتاج الى ورقه كاكا بشكل اكبر ! ..

لانه عودته بتساعد الفريق كثير ! .. وكمان بتعطي حلول لمورينهو اكثر ! ..

اوزيل رونالدو كاكا البنز هيغواين اديبايور الونسو دي ماريا ! .. اذا اعطت انطباع قوي قبل مواجهات البرسا ! .. بتخلي غوارديولا نفسه يفكر شوي خارج نطاق فريقه ويهتم شوي لمفاتيح لعب الفريق الخصم ! ..
وقتها اعرف ان ذيبان بيخورها وبيألف خخ ! .. بيضرب بنفسه سستم فريقه شوي ! ..

اتمنى اننا نتوفق في الشهر ذا ! .. لانه زبده الموسم اذا فشلت لاسمح الله كل الي عملته مابيكون له قيمه ابد كحصيله ! ..

موفقين يارب