نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - آلاف من جماهير الزمالك المصري تنزل لاستاد القاهرة في محاولة للاعتداء ( فديو

علاء الزملكاوي · #4 05/04/2011, 07:00 PM

إقتباس

الرسالة الأصلية كتبت بواسطة Ramsey


	يقولون ، إن أهل مكة ادرى بـ شعابها ،، صراحة بعد ما قريت ردك بلعت إلسالفة إلا شوي ، لكن رجعت حسني مبارك ، ضرب من الخيال وما اعتقد إن له يد هو ولا بلطجيته بالسالفة ع/ العموم للاسف مثل هـ المناظر ، تحصل كثير عندنا بالملاعب العربية ، وللاسف مؤخرا ، الغالبية يكون فيها طرف مصري .!؟

علشان نبقى واقعيين الجماهير ليها يد بس مين السبب لما مبارة زي كده فيها اكتر من 70 الف متفرج وميبقاش فيها عسكري واحد وميتمش تامين الملعب بالشكل المطلوب يبقى مين السبب في الانفلات الامني المسافة بين المد\رجات وارضية الملعب بعيده لو أمن موجود صعب تنزل الناس للملعب بالسرعة الرهيبة دي انما ده اتفتحت الابواب كلها وطبعا احنا عرب بنحب الفوضى ناس نزلت الملعب تخرب وناس نزلت تشوف ايه في وناس نزلت حمت اللعيبة والحكام حتى الحكام اللي حماهم جماهير للاسف الانفلات الامني في مصر الفترة الاخيرة عامل مشكلة في كل البلد مش ملاعب الكورة فقط

وزي ما قلت اغلبه بفعل فاعل نظرا للفجوه اللي بقت بين الشرطة والشعب والمشاكل اللي حصل وحرق مديريات الامن وقرار حل جهاز اامن الدولة اللي كان كل مهمته تعزيب اولاد الدوله والضابط دلوقتي بيتكسف يلبس بدلته في الشارع
الشرطة دلوقتي بتلعب في نقطة ارهاب المواطنين علشان ترجع تمسك البلد بقوه تاني شغالين جرائم ويلصقوها بسلفيين واخوان وساعات مسيحين شغاليه توليع وفتنه في البلد عايزن الشعب يرجع يقول احنا اسفين يا شرطة ارجعي اضربي تاني من حديد

انا مش بدافع عن موقف علشان انا زملكاوي بس ده اللي حاصل فعلا البلد انقسمت لنصفين نصف مع الثورة وده الشعب الضعيف اللي فضل 30 سنه تحت حكم فرعون وما صدق خلص منه والنصف التاني الطبقه القوية المستفيدة من نظام مبارك وكانت واخده حقها ومرتاحه وبتاكل وتسرق ومحدش بيكلمها ودول اللي عايزين يقضوا على الثورة لانها هتكشفها وهترميهم في السجن هي فترة وربنا يعديها على خير