وربي كلامك عين العقل وانا من زمان ودي أقول هالكلام بس مدري ليه ممنوع إني أكتب مواضيع مع إني ما عمري أخطيت وقليله مشاركاتي أصلاً ..
ياخي وربي أنقهر كتاب هلاليين وجمهور هلالي وماعندهم الا هالكلمتين ( ياسر لم يعد ياسر زمان ) وكأنهم محفظين هالكلام تحفيظ ياخي ناظروا الأسباب كلام أخونا صحيح .. وأنا أزيد وأقول إنه لعب مباريات ذوب آهان الذهاب والإياب وهو مصاب بس يضحي ويتحامل على نفسه وبعدها جلس فترهـ مصاب ويوم رجع نذكرهـ سجل كم هدف على التعاون والحزم والفتح والفيصلي وبعدين توقف الدوري عشان بطولة آسيا للمنتخبات وبعدها جته إصابه والحين توهـ راجع .. يعني إسمحوا لي أقول إنه من الغباء إننا نقول ياسر إنتهي وأعتبرهـ كلام فاضي .. انا كل ماشفت نصراوي قال ( ياسر إنتهي ) أنا عارف انهم يتمنون هالشي بس بدري عليهم .. بس اللي يغثني ويقهرني إن الهلاليين يصدقون هالكلام ويجون يقولون ياسر إنتهى ويجونك كتاب وصحفيين ويقولون نفس هالكلام وانا أقول : إن ياسر لم ينتهي بس عطوهـ وقت وفكوا الضغط عنه وانا عند كلامي ومستعد أتحداكم كلكم .. أنا واثق بياسر وهو يستاهل الثقه .. بس ساندووووووووووووووووووووووووووهـ إذا انتم تحبوون الهلال ..
آسف على الإطاله بس وربي من القهر اللي فيني ومع السلامه ..