السلام عليكم ورحمة الله وبركاته

قبل كل شيء آسف على الغياب الفترة اللي راحت وعلى التأخر في الدر

حاليا انا خارج الوطن
موب منفي لحد يخاف من الثوار

عموما الحمد لله لقينا انترنت

يعطيك العافية سليم على الاستضافة
بصراحة ماتوقعت اكون أول ضيف
توقعته واحد من الموالين

المهم
خلوني ارد على الشباب اللي تأخرنا عليهم في الأول

أخوي زيزو المنتظر
ياريت تشرفنا بإسمك
نجي لأسئلتك


ثآنيـآ : هلآ بالمقصلة كلهآ هلآ بآبو يوسف حييآك سر ونحن خلفـك ونحن ندعمك
الى الامام الى الامام , اولآ عطني رايك في ريسنآ المخلوع , ووش آخر اخبآر الثورة > يعني وش الجديد ضد المخلوع

شف دامه استضافني
فبقولك ردي فيه بعدين
ويفضل يكون في الخاص

وبالنسبة للثورة
فلك أن تسأل قائدها جهاد غنيم
أو نائبه زاهر أو وزيرها الإعلامي زيد
انا منصبي فخري دبلوماسي في الثورة

يعني زي ديستيفانو بالنسبة للريال

اللي بعده

أخوي مدري
وفي قولا آخر ماعرف
نفس الطلب شرفنا بإسمك



إذآ ثورتك آلبنفسجية آللون ضـد آلريس صآرت مجرد آصوآت عآليه فقط و لم تتكلل بآلنجـآح ..
مـآذآ ستفـعـل؟؟
و مـآ هو موقفك سآعة آذن ..
و هل ستعلن آلرجوع و آلخضوع للريـس ؟؟


عادي وانا اخوك
إذا نجحت الثورة باخذ منصب غير المنصب الفخري
والا بعارض المعارضة
وإذا فشلت
سليم عارف إني امزح

وبرجع عادي اسولف مع حزبه الموالي
واصير احسن صديق لفارس ولناصر ولابو حميد
وشلته الموالية كلهم

بمعنى مختصر وجهي قوي

حكميوف

كيف الصنف معاك
اشوفك رجعت له
واصل
@ وش سبب اختيارك للاسم "نايت وولف" مشوار انسخها

والله شف الاسم قد خذته من game كنت العبه من زماااااان
اسمه mortal kombat
كان لاعبي المفضل واحد من الهنود الحمر يتحول لذئب في الليل
وسلاحه سهم زي روبن هود
والاسم هذا صار معاي من يومها
في الايميلات وغيرها


@ زيدان- دلبيرو-قيقز-بيركامب-رونالدينهو-رونالدو "الدب"-ريفالدو
صنفهم لي حسب الافضليه من رأيك ؟ و ياليت لو تسترسل بالكلام شوي

شف بالترتيب
الظاهرة رونالدو، من المهاجمين القلائل اللي شفتهم يحسسونك إن الهدف سهل جدا
عارف طريق المرمى زين، سريع ومهاري لأبعد درجة
واللاعب الوحيد اللي شفته في أسوا لحظاته يسجل هدفين أو ثلاثة ويصير هداف

ريفالدو, رجله اليسار مالها حل، شال برشلونة لحاله في فترة ماكان فيها أحد إلا هو
هدفه الدبل في مرمى فالنسيا من أحلى الأهداف اللي شفتها في حياتي رغم إنه كان في البارسا
كرهت انشيلوتي اما دمره في ميلان

بيركامب
هذا بإختصار العبقري
بإختصار يحسسك إن الكورة سهلة جدا إن كان في التمرير أو المحاورة أو حتى التسجيل
بس اتعبته الإصابات

رونالدينهو، جاله وقت كان الأفضل في العالم، وكان يقدر يستمر الأفضل إلى الآن خاصة إن عمره صغير ، لكن الدشرة شينة زي مانت عارف
وخاصة دشرة البرازيليين

دل بييرو وقيقز
بإختصار
كل ماتكبر تحلى وتصير أحلى وأحلى
والله يعين مشجعين اليوفي والمان بعد اعتزال هولاء الأساطير

طبعا زيزو ماصنفه مع العالم اللي فوق
احطه مع بيليه ومارادونا كثالث العباقرة في التاريخ
والمعروف لا يعرف
يكفي إنه سبب عشقي
في المنتخب الفرنسي
وفي اليوفي
وفي الريال
وفي كورة القدم عموما

بس تكفى ما ابي رد كلثومي

كيف الرد
مشيتها ميادة الحناوي

محمد مملكة الريال

أولا احبك الله اللذي أحببتني فيه
ويعلم الله إنه شعور متبادل وانا اخوك


اسئلتي الي ابوتولين

- وش سبب عشقك للريال ومتى بداء تشجيعك له

رغم حبي لروماريو وبعده الظاهرة رونالدو إلا إني سبحان الله ولسبب غريب ماكنت احب برشلونة وكنت أميل لغريمه الريال
يمكن وقتها كان اللون الأبيض مريح بالنسبة لي
هجوم الريال بقيادة الهليكوبتر زامورانو وبعدين الكرواتي سوكر والصربي مياتوفيتش وظهور الفتى راؤول ومتابعتي على استحياء للفريق من خلال نشرات الأخبار الرياضية فقط
وفي نهائي 98 للأبطال بصراحة كنت مع اليوفي قلبا وقالبا عشان الزين زيزو
لكن لسوء الحظ خسر وقتها زيزو ولحسن الحظ فاز الريال
وفوز الريال على فريقي المفضل وقتها ماخلاني اكرهه قد ماصرت احبه زيادة
بعدها تابعت الريال اكثر واكثر
وفرحت اكثر لبطولة الأبطال اللي بعدها في عام 2000 قدام فالنسيا
كانت وقتها تنقل البطولة في mbc والنهائي بصوت حمادة امام
ومن بعد فيجو وقدوم الزين
صار حبي للريال عشق
كل يوم يزيد اكثر من اللي قبله
إلى يومنا الآن

- من هو لاعبك المفضل في الريال حاليآ وسابقآ

اكيد سابقا الزين زيزو
وحاليا الدون كريس

- ماهي توقعاتك لماهو قادم للريال في الشهرين القادمه

بطولة الكأس - نصف نهائي الأبطال وبنخرج بفارق الأهداف في الملعبين - ثاني الدوري

- من افضل خضيره او خافي مارتتينز لاعب اتلتيك بلباو

أكيد خضيرة
مارتينيز جيد بس ماشوفه لائق للريال
على الأقل في الوقت الحالي

- ماهي توقعاتك لبطل دوري ابطال اوربا للموسم الحالي
بصراحة تشيلسي


عبدالرحمن
موب كنك طولت


أسئلة لــ أبوتولين ...


1- برأيك وش افضل دوري بالعالم حالياً ؟

حاليا وفي آخر سنتين بعد الدوري الانجليزي

2- وش أفضل فريق كورة شفته بحياتك ؟ وهل تؤيد كلام بعض النقاد بكون البرسا الحالي هو أفضل فريق كرة قدم في التاريخ ؟

ريال 2003 ، اللي والله لولا إصابة الظاهرة وضياع فيجو لضربة الجزاء ضد اليوفي كان الأبطال في الجيب
الفريق كان يطربني كثيييييييييييييييييييييييييييييييييييييييير بصراحة
مبارتين الريال ضد المان يونايتد في دور ال8
واليوفي في دور 4
ومباراة الريال ضد فالنسيا في السنتايجو
من أجمل المباريات اللي شفتها في حياتي

طبعا وبدون تعصب
البارسا الحالي أيضا يقدم كرة قدم ممتعة

3- وشو النادي الإنجليزي الي تميل له ؟

يعجبني مهارة وشباب الارسنال
وكبرياء المان يونايتد
وطموح تشيلسي
وروح الريدز ليفربول
حتى المان سيتي وتوتنهام
بصراحة ماعندي فريق أفضله على آخر
لكني استمتع كثير بالدوري الأنجليزي وبالتنافس اللي فيه

4- كرستيانو و ميسي ، أيهما الأفضل برأيك ؟ و من منهما تتوقع يكون له بصمه بالتاريخ ؟

مو عشاني اشجع الريال
لكني اشوف كريس أفضل
ويتميز عن ميسي في شيئين
الكورات الثابتة والكرات الرأسية
وإن كان ميسي تحسن فيهم كثير مؤخرا

من ناحية ثانية اشوف إن كريس يقدر يتأقلم على الوضع اللي فيه اكثر من ميسي
بمعنى كريس حتى لو ماكان معاه احد يساعده كثير يقدر يدبر نفسه عكس ميسي
ميسي بيبان أكثر كلاعب خورافي إذا خرج من البارسا وراح للأنجليزي أو الايطالي وقتها اقدر اعتبره فلتة تاريخية زي مايحبون عشاق البارسا يلقبونه

بالنسبة للتاريخ
اشوف إن بدري جدا على وضعهم كأساطير تاريخية
وبالنسبة لي لاعب مايقدر يشيل منتخبه
وابداعاته كلها محلية
ماصنفه اسطورة تاريخية

5- لاعب تتمنى تشوفه بمدريد ؟ و لاعب تتمنى تشوفه برا مدريد ؟

والله كثير
روني - شفانشتايجر- فديتش- ريبري- ويلتشر - ايتو

لاعب اتمناه خارج الريال
حاليا مافي احد
معظم العاهات طلعوا من الفريق
واللاعبين اللي كانوا يلعبون غصبا عن الفريق سواء كانوا جيدين او سيئين طلعوا ولله الحمد

6- تتابع رياضات غير كرة القدم ولا لا ؟

تنس ارضي ولاعبي المفضل فيدرر
كرة طائرة وفريقفي المفضل منتخب ايطاليا
كرة يد والمنتخب المفضل فرنسا
NBA los angeles lakers

ومؤخرا كريكت
عشان الهنود اللي معانا في المشروع
وفريقي المفضل منتخب باكستان عنادا فيهم

7- وش رايك بكلام سليم بإن ثورتكم ضعيفة و ما عنده سالفه ؟

مين كان يتوقع نجاح ثورة تونس
ومصر
او حتى اليمن
كل ديكتاتو وله نهاية

8- وش أفضل ثلاث أفلام و مسلسلات شفتها بالترتيب ؟

افلام
The Beautiful Mind and The Pursuit of Happyness
رومانسي وحساس صح
The Gladiator
Brave heart
اقدر التاريخي

مسلسلات
Lost
Friends
وحاليا Fringe


علي
لك

أسئلة لـ ابو تولين , ,

س1/ كيف حالك ؟

الحمد لله بخير
احمد الله واشكر فضله

س2/ تتوقع إن ريال مدريد راح يتخطى توتنهام في الدور القادم ؟ < وفي حالة تخطيناهـ هل تتوقع رونالدو يغيب عن مباراة الإياب مع توتنهام ولا يغيب عن مباراة برشلونة < بحكم إنه مهدد بالإيقاف .

والله بدون هياط متوقع فوزنا ذهاب وإياب بعد
وبالنسبة لكريس فالحمد لله عقل كثير عن أول
وحتى كروته اللي خذها كانت سخيفة
وبالذات كرته قدام اياكس في الامستردام ارينا
اجل ينطق ويعترض ياخذ كرت

س2/ مباريات الريال , تحب تناظرها لحالك ولا تفضل وجود أحد معك ؟ + و ش تاكل وتشرب وقت المباراة ؟

إذا كانت مفصلية زي الأبطال والكلاسيكو أحب اشوفها لحالي أو مع شباب يحبون الريال
لأني ماتحمل خفة دم واحد من الشباب يشجع فريق ثاني ويبي يرفع ضغطي

بالنسبة للأكل والشرب مافي شيء معين
يمكن شاهي بنعناع مديني
لكن كطقوس ماعندي طقوس معينة للمباريات
لكن في الغالب في مباريات التوتر احب اغير مود المباراة قبل وبين المباراة
بحلقة من أي مسلسل أو اي برنامج ماله علاقة في الكورة


س3/ من تتوقع يجي للريال في الصيف + من تتوقع يغادر الريال ؟

اتوقع خروج جاجو
واحتمال كاكا إذا مارجع لمستواه وجاله عرض ممتاز في الصيف
وقدوم دي روسي وإن كنت اتمنى شفان
وليورنتي
وماشوف فريقنا في حاجة أحد آخر

س4/ وش معك جوال ؟ < إذا معك بلاك بيري , وشي افضل برودكاست (عزيزي , محشش , القذافي , كحيلان إلخ .. )

معاي بي بي
والله انا اقدر المحششين كثير
ماتشوفني احب حكميوف

س5/ وش معك سيارة ؟ أنت راعي سررعة ؟
حاليا معاي سيارة العمل برادو 2010
والله بحكم عملي في الصحراء
فصاير اسرع غصبا عني
لأني صرت امل من الخطوط


س6/ ( ماهر المعيقلي , سعود الشريم , عبد الرحمن السديس ) ؟
عبالرحمن السديس
سعود الشريم

س7/ ( محمد العريفي , عائض القرني , نبيل العوضي , عبد المحسن الأحمد )؟

محمد العريفي

س 8/ ( سعد علوش , ياسر التويجري , حامد زيد , )؟
ابو الطيب المتنبي

س9/ ( رابح صقر , راشد الماجد , محمد عبده , عبد المجيد عبدالله ,)?
ابو نوره طبعا

تراني راعي طرب
ماتشوف ردودي كلثومية

عندي أسئلة كثيرة (عن ريال مدريد و غيرهـ ) بس ماحبيت أكثر عليك < لا والله ,, لي عودة إن جد جديد < ماراح يخلَص

أي وقت ياغالي

الهلالي المدريدي
هلا بك ياغالي
اعذرنا على التأخير
وشرفنا بإسمك


اسئله لابو تولين اللي احس انا موب شايفينه ابد ؟؟


1-- من اوحى لك بفكرة الانقلاب ع ريسنا الحالي
ضميري

2-- من افضل لاعب في التاريخ بالنسبه لك

مارادونا وزيزو

3-- من اقرب اعضاء الرابطه لك خارج اطار الرابطه

أبو أصيل
مع حبي واحترامي الشديد للجميع

4-- وش رايك في سليم في الرابطه وخارج الرابطه

يعلم الله إني احبه في الله
واتشرف بمعرفته خارج الرابطة طبعا
بعد مايتنحى

فارس



ابو تولين
كم سؤال على الطاير :
؟
1 - وش سر اللون البنفسجي

حسيته يمثل شخصيتي

2 - متى بديت تصعد أول درجات سلم الهياط ؟

قبل ماقول ماما وبابا

3 - لو ماكنت مدريدي .. وش تتمنى تكون ؟

يوفنتساوي
او مانشستراوي



مرة ثانية معليش على التأخير
وعلى طول الرد (نعتذر اليوم عشان الإستضافة )

يعطيكم العافية شباب على الاسئلة
وإن شاء الله تكون الأجوبة كافية

للجميع

ابو تولين