خلاص ابترك كل شي مكانه
العشق والعبرات والحسن النيه
جفا.ملل.فرقا .تغلي.خيانه
هذاقرراي وسمه اللي تسميه
ماهمني ذاك المكان وزمانه
اغليه والا علني ماارجع اغليه
ياسيد الماضي وذيك المكانه
اناالذي شوه بشرواك ماضيه
الحب عرفتك على عنفوانه
والا انت ما تستاهل اصغير معانيه
ماشفت طرفك في قساه وحنانه
يرقى قصيدي ويتفطرس على يديه
ماشفت عودك كم وكم خيزرانه
سميتها به وانثنت مع تثنيه
ماشفت شعرك كيف عليت شانه
دليته الريح وغدا وقتها فيه
ماشفت صبح جاك تضحك ثمانه
عقبال .مااصبح يوم .والقاك ناسيه
قل للعذر ماعاد للعذر خانه
لو تبني بدمعك بيوت المشاريه
قل للطواري لو تطيح الميانه
لاهنت لي صوت ولا اشتقت .لبيه.
امانه ..ان كانك تعرف الامانه
لاتذكر انه كان لي عشق ارجيه
جاك الكلام..وخل قلبك مكانه
العشق والعبرات والحسن والنيه
شعر: نا صر القحطاني
