حاولت ادور على مبررات صحيحه تقنعني ان الشلهوب انتهى .. ما لقيت ..
اتفق معاك بس .. في أن مستوى الشلهوب قدام الاتحاد سيء .. تبريري لهالشي .. تواضع مستوى عزوز الدوسري .. وجود محور واحد .. تراجع الشلهوب وقت هجمة الاتحاد .. لعب الاتحاد بطريقة دفاعية وضيّق المساحات .. بالاضافه الى قوة التدخلات ... خلاصتها الشلهوب ما قدم مستواه المعهود .. مثله مثل أغلب اللاعبين ..

نجي لكلامك نقطه نقطه ..

إقتباس لم يهاجم الا هجمه او هجمتين طيلة 90 دقيقه!!واغلب كراته [خاااطئة] لاعيرف يناول ولا يرفع

اتمنا انك تتكلم بس عن مباراة الاتحاد .. مو عن الشلهوب دائما .. + لا عيرف = لا يعرف ... والشلهوب من أفضل اللاعبين تسليم للكور .. واكثر لاعب يعطي المهاجم كورة " انت وضميرك " واذا انخفض مستواه بمباراة .. مو معناه أن هالصفه في محمد اختفت ..

إقتباس لاعبنا الكبير الموهوب الكـل يحبه ويعشقه [اخلاقيا] اما فنيا فأتوقع ان اغلبهم مطبلين له ! اما المحللين الصحيحين فهم كلامهم الصحيح

ما ادري وش مقصدك بالمحللين الصحيحين .. !!! مسألة أن الاغلبيه غلط ومطبلين .. وانت وعدد بسيط صح .. هذي لازم تلقى لها حل ..

إقتباس انا مستغرب لماذا مستواه هكذا ؟!!! بدا بالتراااااجع وكانه يتمشى بالملعب ! والله جاني الضغط منه الفريدي ع الاقل يحرررك اللعب ويوزرع

واضح انك متنرفز .. وتكتب الكلام بدون ما تقراه .. أو بمعنى ثاني .. ما تدري وش تقول .. !!!

إقتباس الشلهوب يشهد له تاريخه القوي والممتاز الان انتهى والسبب [لاشيء]..انا ابيكم تعيدون مباراة الهلال والاتحاد وتشوفون تحركاته كيف يتمشى !

نظام الي اكتب " لاعب كبير و لاعب موهوب .. ولاعب له تاريخ ".. قبل كل انتقاد .. برظو ما لقيت لها تفسير .. كلمة " والسبب لاشي " ما ادري وش موضعها .. ومباراة الاتحاد قلت لك مستواه منخفض .. مثله مثل أغلب لاعبي الهلال ..

إقتباس *محمد الشلهوب لاعب كبير لاكن قانون [اذا كسرك لاعب فبوس راسه] هو من كثرة اخلاقه انه لايدافع عن نفسه او عن صديقه مثلا تتذكرون حادثة رادوي ونور ؟ القصة بدات بين ياسر والرهيب ..نور صديق الرهيب ..ورادوي صديق ياسر..تدخل نور وتدخل رادوي الان رادوي لم يلعب معهم وياسر صديق الشلهوب دائما السؤال اللاعب الاتحادي مسك ياسر مع قلبه وطرحه الشلهوب واقف وكأنه لا شيء مع الاسف !!

تمنيت انك خاتم هالبراقراف بكلمة " الوعد في الطلعه " اسلوب مدارس نرتقي أننا نخوض فيه .. ما قلت حواري لأن الحواري احيانا يتجاوزون هالتفكير ..

إقتباس الخلاصه ان محمد مستواه الفني والتعاملي مع اللعيبه انخفض فانا اقول من [مصلحه الهلال] انه يلعب لاعب يكون اجدر منه كـ نواف العابد او [لاعب بدرجه الشباب نستفيد منه مثل الدوسري

نواف العابد مصاب + عزوز الدوسري لعب في المباراة ... ومصلحة الهلال تحتاج لطرح راقي في المنتدى الرسمي ..

إقتباس اتمنى ما تعلب فينا الواسطات مثل الجار الي الاساسي كله احتياط والفاشلين يلعبون ,, انا والله وصل فيني الضغط لاعلى شيء من مستوى الشلهوب [ترا ملايين يتابعونك ياخي] ع العموم هذي وجهة نظري الموضوع هو لــ[وجهات النظر بعيدا عن السب] اذا نشر موضوعي فيعتبر هذا الموقع الرائع موقع [للتعبير الحر]بعيدا عن السب اما اذا مانشر فماادري الى متى يعني !؟ تحياتي لكم وسوف اتابع الموضوع

زيادة كلام ...


وجهة نظرك .. قابلتها بوجهة نظري .. اتمنى ما تاخذ الموضوع بشكل شخصي ..
نصيحتي .. قبل ما تضغط على اضافة موضوع .. اقرى موضوعك مره ثانيه .. نسق الافكار .. وصل الفكره بشكل اسهل واوضح ..
اذا الشلهوب فاشل بنظرك .. بأمكانك تكتب بموضوع التحليل " الشلهوب فاشل واتمنى ما يلعب " صدقني بيشوفونها الناس ..