نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ عشاق الملوك ♥ 2010 / 2011 ♥ ||

حـآيـلــي · #13863 18/03/2011, 05:02 AM

اممممممممممممممممم صراحه مدري

قبل كل شي واهم من كل شي ان دوري الابطال اي فريق يتأهل لدور الـ 8 اعرف انه ماتاهل من فراغ
دوري الابطال بطولة صعبه صعبه اصعب من كاس العالم حتى ! لذلك نشوف دايم تواجد الانديه المتوسطه بدور كنا نحلم فيه
والاسباب ان هالبطوله ماتعتمد على معايير او اي شي ثاني متى ما قدمتـ راح تنال مقابله التاهل او الكاس
بالمختصر رتم دوري الابطال صعب جداً
اللي ابي اصله ان اي فريق بنواجهه بيكون صعب علينا لانه ماوصل من فراغ

مانشستر - تشلسي - توتنهام

ما اتمنى اي فريق انقيزي يواجهنا ناس صعبين حيييل وتجاوزهم شي اشبه بالمستحيل
اهم سبب هو طريقة لعبهم الصعبه اللي خلتهم متميزين بالعقد الاخير او باخر 6 مواسم
ووصولهم لنهائيات كثيره أو على الاقل الادوار قبل النهائيه يدل على نجاحهم ياناس من 2005 وهم مسنترين بكل نهائي < ماعدا نهائي مدريد
وهذا غير عن سيطرتهم او تواجدهم الدائم بـ النصف النهائي

توتنهام فريق كويس مدربهم موب قليل شر بعد يملك اسماء بكل المراكز لاكن يبقى اقل من خوياه ولو طحنا معهم ماعندك مشكله

اول شي البلوز والمان
هذي الفرق صعبه وتخطيها بشرط تواجد ذهني وبدني وتكتيكي 100% واي خطأ قدامهم بيكلفك غالي

والشي الثاني يملكون عقليات تدريبيه خارقه جداً يعني اللي بنلعب قدامهم كانو مثل مورينهو الاعلى
كان يشوفهم بالتلفزيون ويدعي ليل نهار انه يكون تلميذ تحت يد هالاساطير

ودوريهم كمان يعطيهم افضليه بدوري الابطال بالقوه البدنيه اللي يمتاز فيها الانقليز
وتنوع طرق لعبهم يعني تلقى فريق دفاعي وفريق يلعب على الاطراف وفريق تمريرات وفريق كورات طوليه
وللأسف البلوز يتميز بكل الطرق السابقه ويجيدها بكل احترافيه
والتجانس والانسجام مع لعيبه من زمااااان وهم يلعبون مع بعض وعارفين بعض
ولهم خبره ماتقل عن 5 سنين ناتجه من لعب اكثر من نهائي او لعب اكثر من 3 مرات نصف نهائي

الله يبعدنا عنهم بس , ونتقابل معهم بويمبلي علشان ندكهم بارضهم

شاختار - شالكه

الاول فريق صعب وممتاز تابعته مع روما فرض نفسه وسيطر على المتش
يلعب على الاطراف بشكل متميز وقتل روما بـ الأولمبيكو استغل وسجل ودافع بشكل مميز
وزي ماقلت دوري الابطال يخدم من يخدمه وصدقوني شاختار ماجاء لهالدور بالصدفه او البركه !

اما خويا خوينا

اكثر واحد انتف بالرابطه واخذ حسناتنا

بس فقدناه

للأمانه ماتابعه زين لاكن فريق كويس يملك كم اسم خطير والهجوم ناري
والوسط فيه ولد الجانب المظلم من مدريد جورادو وواحد افريقي كويس اما اظهرته شوارع
المهم اذا وقعنا معهم بيكون لقاء خاص وحزين

اما برشلونه والانتر ما اتمنى مواجهتهم الا من دور الـ 4 ورايح اما قبلها صعب نتجاوزهم
حطو ببالكم اننا تونا طريين ولسى منتشين بالتأهل يعني يبيلنا وقت على هالفرق المكتمله من كل النواحي

أتمنى : شاختار أو توتنهام
اتوقع : شالكه أو الانتر